完整藏文原文 · 德格版页 当前仅加载第 39 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཀུན་ཏུ་སྣང་ངོ་། །གསང་བ་པའི་བདག་པོ་ལག་ན་རྡོ་རྗེ་ལུང་བསྟན་པའི་ལེའུ་ཞེས་བྱ་བ་སྟེ་བཅུ་དྲུག་པའོ།། །།དེ་ནས་བྱང་ཆུབ་སེམས་དཔའ་ཞི་བའི་བློ་གྲོས་ཀྱིས། གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །
D47.039.0169a01.01གསང་བ་པའི་བདག་པོ་ཁྱོད་དེ་བཞིན་གཤེགས་པས་ལུང་བསྟན་མོད། སྨྲས་པ། རིགས་ཀྱི་བུ་རྨི་ལམ་གྱི་རང་བཞིན་ལྟ་བུའི་ལུང་བསྟན་པས་བདག་ལུང་བསྟན་ཏོ། །སྨྲས་པ། ཅི་ཞིག་ཐོབ་པར་བྱ་བའི་ཕྱིར་ཁྱོད་ལུང་བསྟན། སྨྲས་པ། རིགས་ཀྱི་བུ་ཐོབ་པར་བྱ་བ་མེད་པར་
D47.039.0169a02.01ལུང་བསྟན་པ་ཐོབ་བོ། །སྨྲས་པ་ཅི་ཞིག་ཐོབ་པ་མེད། སྨྲས་པ། སེམས་ཅན་དང་། སྲོག་དང་། གང་ཟག་དང་། གསོ་བ་དང་། སྐྱེས་བུ་ཐོབ་པ་མེད་དོ། །ཕུང་པོ་རྣམས་དང་། ཁམས་རྣམས་དང་། སྐྱེ་མཆེད་རྣམས་ཐོབ་པ་མེད་དོ། །དགེ་བ་དང་། མི་དགེ་བ་དང་།
D47.039.0169a03.01ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། འདུས་བྱས་དང་། འདུས་མ་བྱས་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། འཁོར་བ་དང་།
D47.039.0169a04.01མྱ་ངན་ལས་འདས་པའི་བར་དུ་ཐོབ་པ་མེད་དོ། །སྨྲས་པ། གལ་ཏེ་ཐོབ་པ་མེད་ན་འདིར་ཅི་ཞིག་ལུང་སྟོན། སྨྲས་པ། མི་དམིགས་པ་གང་ཡིན་པ་དེའི་རྗེས་སུ་འགྲོ་བའི་ཡེ་ཤེས་ལུང་སྟོན་ཏོ། །སྨྲས་པ་ཡེ་ཤེས་གང་ལུང་བསྟན། སྨྲས་པ། གང་གཉིས་ཀྱིས་རབ་ཏུ་མ་ཕྱི་བའོ། །
D47.039.0169a05.01སྨྲས་པ། གལ་ཏེ་གཉིས་ཀྱིས་རབ་ཏུ་ཕྱེ་བར་གྱུར་ན། ལུང་བསྟན་པ་ཐོབ་པར་མི་འགྱུར་ཏེ། གང་གི་ཕྱིར་ཡེ་ཤེས་གཉིས་ཀྱིས་རབ་ཏུ་ཕྱེ་བ་མ་ཡིན་པ་དེའི་ཕྱིར་གཉིས་སུ་མེད་པའི་ལུང་བསྟན་པ་ཉིད་བྱང་ཆུབ་སེམས་དཔའི་ལུང་བསྟན་པའོ། །སྨྲས་པ། གལ་ཏེ་ཡེ་ཤེས་
D47.039.0169a06.01གཉིས་སུ་མེད་པས་རབ་ཏུ་ཕྱེ་བ་ཡིན་ན། ལུང་སྟོན་པ་ནི་སུ་ཞིག །ལུང་ནི་སུ་ལ་སྟོན། སྨྲས་པ། ལུང་སྟོན་པ་གང་ཡིན་པ་དང་སུ་ལ་ལུང་བསྟན་པ་དེ་དག་ནི་མཉམ་པ་ཉིད་དུ་གྱུར་པའོ། །དེ་དག་ནི་གཉིས་སུ་མེད་པའི་མཐའ་ལ་གནས་པའོ། །སྨྲས་པ། གསང་བ་པའི་བདག་
D47.039.0169a07.01