完整藏文原文 · 德格版页 当前仅加载第 39 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་མ་མཐོང་མ་ཐོས་པ། འཇིག་རྟེན་གྱི་ཁམས་མང་པོ་དག་ན་མེད་པ་བརྒྱ་སྟོང་མང་པོ་བྱུང་ངོ་། །ཞལ་ཟས་རོ་བྲོ་བ་བརྒྱས་བསྒོས་པའང་བཤམས་སོ། །སེང་གེའི་ཁྲི་ས་ལ་མི་རྟེན་པ་བརྒྱ་སྟོང་ཡང་བཞག་སྟེ། སེང་གེའི་ཁྲི་རེ་རེའི་བར་སྣང་ལ་ཡང་རིན་པོ་ཆེའི་གདུགས་
D47.039.0172a01.01རྣམ་པ་ཐམས་ཅད་ཀྱི་མཆོག་དང་ལྡན་པ་དག་བྲེས་སོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་འཁོར་གྱི་ཁྱམས་བཀོད་པ་དང་། སེང་གེའི་ཁྲི་བཀོད་པ་རྣམ་པ་དེ་ལྟ་བུ་བྱས་ནས་དྲན་པ་དང་ལྡན་ཞིང་ཤེས་བཞིན་དུ་ཏིང་ངེ་འཛིན་དེ་ལས་ལངས་ཏེ། དེའི་ནུབ་མོ་ཉིད་དེ་བཞིན་གཤེགས་པ་ལ་
D47.039.0172a02.01མཆོད་པར་འོས་པའི་ཞལ་ཟས། བྱང་ཆུབ་སེམས་དཔའི་བསམ་པས་ཡོངས་སུ་དག་པ། རོ་བྲོ་བ་མང་པོ་སྣ་ཚོགས་དང་ལྡན་པ། བསོད་པ་མང་པོ་ཡང་བཤམས་ནས་ནམ་ནངས་པ་དང་། རྒྱལ་པོ་ཆེན་པོ་བཞི་ལ་སྨྲས་པ། གྲོགས་པོ་དག་ཤེས་པར་གྱིས་ཤིག །ཁོ་བོས་བཅོམ་ལྡན་འདས་
D47.039.0172a03.01བྱང་ཆུབ་སེམས་དཔའ་རྣམས་དང་། ཉན་ཐོས་ཆེན་པོ་རྣམས་དང་ཐབས་ཅིག་ཏུ། གསང་བ་པ་རང་གི་གནས་སུ་སྤྱན་དྲངས་ན། བཅོམ་ལྡན་འདས་ཀྱིས་ཁོ་བོ་ལ་ཐུགས་བརྩེ་བའི་ཕྱིར་གནང་གིས། དེ་ལ་ཁྱེད་དཔུང་དང་བཅས། གཡོག་འཁོར་དང་བཅས་པར་མི་གཡེང་བའི་སེམས་ཀྱིས་ཞག་བདུན་གྱི་བར་དུ་
D47.039.0172a04.01ལས་གཞན་མི་བྱེད་པར་དེ་བཞིན་གཤེགས་པ་ལ་མཆོད་པ་དང་། རིམ་གྲོ་བྱ་བར་སྤྲོ་བར་གྱིས་ཤིག །ལྕང་ལོ་ཅན་གྱི་ཕོ་བྲང་འཁོར་ན་གནོད་སྦྱིན་དང་། སྲིན་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། དྲི་ཟ་དང་། གྲུལ་བུམ་དང་། གསང་བ་པ་དང་། ལྟོ་འཕྱེ་ཆེན་པོ་ཇི་སྙེད་འཁོད་པ་དང་། དེ་མ་ཡིན་པའི་སེམས་
D47.039.0172a05.01ཅན་གཞན་དག་འཁོད་པ་དེ་དག་ལ་ཡང་གྲོགས་པོ་དག་ཤེས་པར་གྱིས་ཤིག །ཁོ་བོས་བཅོམ་ལྡན་འདས་ལྕང་ལོ་ཅན་གྱི་ཕོ་བྲང་འཁོར་འདིར་སྤྱན་དྲངས་ན་གཤེགས་པར་གནང་གིས། དེ་ལ་ཁྱེད་ཀྱིས་ངན་སེམས་མེད་པ་དང་། སྡང་བ་མེད་པ་དང་། དགའ་བ་དང་། དད་པ་དང་། མཆོག་ཏུ་དགའ་བ་མང་པོས་བཅོམ་ལྡན་འདས་
D47.039.0172a06.01དེ་ལ་བསྙེན་བཀུར་གྱིས་ཤིག །ཆོས་ཀྱང་ཉོན་ཅིག་ཅེས་བསྒོའོ།། །།བམ་པོ་བརྒྱད་པ། དེ་ནས་གསང་བ་པའི་བདག་པོ་ལག་ན་རྡོ་རྗེས་བུ་ཐུ་བོ་རྡོ་རྗེའི་སྡེ་ཞེས་བྱ་བ་ལ་སྨྲས་པ། བཞིན་{བཟངས་,བཟང་}ཁྱོད་རང་གི་རྫུ་འཕྲུལ་གྱི་སྟོབས་ཀྱིས་སོང་ལ་ཚངས་རིས་ནས་བཟུང་སྟེ། འོག་མིན་གྱི་བར་གྱི་ལྷ་རྣམས་ལ་བཅོམ་
D47.039.0172a07.01