完整藏文原文 · 德格版页 当前仅加载第 39 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོད་པ་དེ་དག་གི་ཡོན་ཏན་གྱི་རྒྱུའི་ཁྱད་པར་ནི་ཚད་མེད་པར་སྣང་ངོ་། །ཞི་བའི་བློ་གྲོས་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོ་མཆོག་དམ་པར་འདུག་པ་དང་། སྔོན་འཐུན་པར་སྤྱོད་པའི་བྱང་ཆུབ་སེམས་དཔའ་གྲངས་མེད་དཔག་ཏུ་མེད་པ་དག་ཕྱོགས་བཅུའི་འཇིག་རྟེན་གྱི་ཁམས་ཚད་མེད་
D47.039.0156b01.01གྲངས་མེད་པ་དག་ནས་ལྷགས་ཏེ། མི་འཇིགས་པའི་སྒྲ་རྗོད་ཅིང་ཤིས་པའི་སྒྲ་དང་། བདེ་བའི་སྒྲ་དང་། ཀུན་དགའ་བའི་སྒྲ་དང་། མགྱོགས་པའི་སྒྲ་དང་། མྱུར་བའི་སྒྲ་དང་། ལེགས་པའི་སྒྲ་དང་། དོན་ཡོད་པའི་སྒྲ་དང་། དཔའ་བའི་སྒྲ་དང་། སྐྱེས་བུ་དམ་བའི་སྒྲ་དང་།
D47.039.0156b02.01ཕྱིར་མི་ལྡོག་པའི་སྒྲ་དང་། རྒྱས་པའི་སྒྲ་དང་། བཀྲ་ཤིས་པའི་སྒྲ་དང་། མི་གདུང་བའི་སྒྲ་དང་། མ་ཞུམ་པའི་སྒྲ་དང་། སྔོན་གྱི་བསམ་པའི་སྒྲ་དང་། སྤོང་བ་དོན་ཡོད་པའི་སྒྲ་དང་། ཡིད་བདེ་བའི་སྒྲ་དང་། རྡོ་རྗེ་ལྟར་མཁྲེགས་པའི་སྒྲ་དང་། སྐྱེས་བུ་དམ་པ་རྩེན་པའི་སྒྲ་དང་། ཕན་
D47.039.0156b03.01པའི་སྒྲ་དང་། སྐད་ཅིག་གཅིག་དང་ལྡན་པའི་སྒྲ་དང་། ཐམས་ཅད་མཁྱེན་པའི་ཡེ་ཤེས་ཀྱི་སྒྲ་དང་། མངོན་པར་རྫོགས་པར་བྱང་ཆུབ་པའི་སྒྲ་རྗོད་དེ། །ཞི་བའི་བློ་གྲོས་དེ་ལྟར་བྱང་ཆུབ་ཀྱི་སྙིང་པོ་མཆོག་དམ་པ་ལ་འདུག་པའི་བྱང་ཆུབ་སེམས་དཔའ་ལ་ཕྱོགས་བཅུའི་འཇིག་རྟེན་གྱི་ཁམས་
D47.039.0156b04.01ནས་འདུས་པའི་བྱང་ཆུབ་སེམས་དཔའ་རྣམས་ཀྱི་དབུགས་འབྱིན་པ་རྣམ་པ་སྣ་ཚོགས་བརྒྱ་སྟོང་དག་གིས་དབུགས་འབྱིན་ཏོ། །མཆོད་པ་རྣམ་པ་སྣ་ཚོགས་བྱེད་དོ། །བསྟོད་པ་རྣམ་པ་སྣ་ཚོགས་བྱེད་དོ། །འདི་ནི་བྱང་ཆུབ་སེམས་དཔའི་སྔོན་ལེགས་པར་སྤྱད་པ་སྟེ། དེས་ན་ཕྱོགས་
D47.039.0156b05.01བཅུའི་འཇིག་རྟེན་གྱི་ཁམས་ནས་འདུས་པའི་བྱང་ཆུབ་སེམས་དཔའ་དེ་དག་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོ་མཆོག་དམ་པ་ལ་འདུག་པ་ལ་དབུགས་འབྱིན་ཅིང་མཆོད་པ་བྱེད་ཀྱང་བྱང་ཆུབ་སེམས་དཔའ་དེ་ལ་ཡང་རྗེས་སུ་ཆགས་པ་མེད་ལ་བདུད་ཀྱི་སྡེ་ལ་ཡང་ཁོང་ཁྲོ་བ་མེད་དོ། །
D47.039.0156b06.01ཞི་བའི་བློ་གྲོས་བྱང་ཆུབ་སེམས་དཔའ་རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བས་སྐད་ཅིག་གཅིག་དང་ལྡན་པའི་ཤེས་རབ་ཀྱིས་ཤེས་པར་བྱ་བ་དང་། བལྟ་བར་བྱ་བ་དང་། ཐོབ་པར་བྱ་བ་དང་། མངོན་པར་རྫོགས་པར་བྱང་ཆུབ་པར་བྱ་བ་གང་ཅི་ཡང་རུང་སྟེ་དེ་ཐམས་ཅད་མངོན་པར་
D47.039.0156b07.01