完整藏文原文 · 德格版页 当前仅加载第 39 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་དོན་མཛད་བདག་ཉིད་ཆེ། །དེ་ནི་བློ་ངན་སྡེར་བཅས་བདུད་འདུལ་དུ། །ཤིང་གི་དབང་པོ་བྱང་ཆུབ་དྲུང་དུ་བཞུད། །ཐམས་ཅད་འདུས་ཏེ་ལྷན་ཅིག་འདོང་བར་བྱ། །སྟོང་གསུམ་མི་མཇེད་འདི་ནི་བརྒྱན་པར་བྱ། །འདི་ནི་ལྷར་བཅས་འཇིག་རྟེན་ཆོས་ཀྱི་དབང་། །ཡང་དག་
D47.039.0150b01.01མཆོད་ན་བསོད་ནམས་མཐའ་ཡས་འགྱུར། །ཚངས་པ་དེ་དག་ཚིག་མཆོག་དེ་ཐོས་ནས། །སྟོང་གསུམ་ཐམས་ཅད་མ་ལུས་རྒྱན་བྱེད་ཅིང་། །ལེགས་པར་ཕྱགས་ཏེ་མེ་ཏོག་རྒྱལ་མཚན་བརྒྱན། །འཇིག་རྟེན་ཁམས་ནི་རིན་ཆེན་རང་བཞིན་སྤྲུལ། །ཉི་མ་ཟླ་བའི་འོད་ཀྱི་
D47.039.0150b02.01བཀོད་པ་དང་། །བྱེ་བའི་གདུགས་རྣམས་ནམ་མཁར་དེ་དག་སྤྲུལ། །སཱ་ལའི་ཤིང་རྣམས་མེ་ཏོག་མཆོག་སྤྲས་པ། །དགའ་ཚལ་ལྟ་བུ་དེ་དག་རྣམས་ཀྱིས་སྤྲུལ། །ལམ་གང་ནས་ནི་དྲང་སྲོང་ཆེ་གཤེགས་པ། །དེ་ནི་ཤིང་རྟ་བདུན་བསྟམས་ཚད་དུ་སྤྲུལ། །རིན་
D47.039.0150b03.01ཆེན་གཞི་ལ་གསེར་གྱི་པདྨ་བཀྲམ། །ཁ་ཁྱེར་རིམ་པ་བདུན་གྱིས་ཡོངས་སུ་བསྐོར། །བརྒྱ་བྱིན་གྱིས་དེར་བཀོད་པ་གང་བྱས་པ། །དེ་དག་ལྷ་མི་རྣམས་ཀྱིས་སྔོན་མ་མཐོང་། །སུམ་ཅུ་གསུམ་དབང་རྣམ་རྒྱལ་ཁང་འདྲ་བར། །དེ་ལྟར་གླིང་བཞི་དག་ནི་མཛེས་པར་
D47.039.0150b04.01བརྒྱན། །འཐབ་བྲལ་ལྷ་དང་དགའ་ལྡན་འཕྲུལ་བ་དང་། །གཞན་འཕྲུལ་བ་དང་འོག་མིན་ལྷ་ཡི་རྣམས། །སྟོབས་དང་ཤུགས་འཆང་ཐམས་ཅད་བརྩོན་པར་ནི། །བྱང་ཆུབ་སྙིང་པོ་དམ་པ་རྒྱན་པར་བྱེད། །བྱང་ཆུབ་སྙིང་པོར་གཤེགས་པའི་བར་དེར་ནི། །འདོད་པའི་ཁམས་
D47.039.0150b05.01འདིར་དཀོན་མཆོག་གང་ཡོད་པ། །ལྷ་འམ་ཀླུ་འམ་མི་འམ་ཅི་རྣམས་ཀྱི། །དེ་དག་ཐམས་ཅད་སྐད་ཅིག་དེ་ལ་བསྟན། །ཕྱོགས་བཞི་དག་ནས་ལྷ་མོ་བྱེ་བ་ལྷགས། །མེ་ཏོག་རྣམས་དང་སྤོས་དང་བྱུག་པ་ཡིས། །བྱང་ཆུབ་ཤིང་ནི་མངོན་དུ་རྒྱན་པར་བྱེད། །སྤོས་ཆུ་ཡིས་
D47.039.0150b06.01ནི་ཀུན་ཏུ་ཆག་ཆག་འདེབས། །བྱང་ཆུབ་ཤིང་ནི་ལེགས་པར་བརྒྱན་བྱས་ཏེ། །སུམ་ཅུ་རྩ་གསུམ་ལྷ་ཡི་ཡོངས་འདུ་འདྲ། །ལྷ་རྣམས་བྱེ་བ་དག་གིས་མཛེས་སྤྲུལ་པ། །བཀོད་པ་དེ་དག་ཚིག་གིས་བརྗོད་མི་ནུས། །ཞི་བའི་བློ་གྲོས་དེ་ནས་བྱང་ཆུབ་སེམས་དཔའ་བྱང་ཆུབ་ཀྱི་
D47.039.0150b07.01