完整藏文原文 · 德格版页 当前仅加载第 39 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་གྱི་རྗེས་སུ་འཇུག་པའི་འདོགས་པ་འབྱུང་བ་ནི་མ་གཏོགས་སོ། །ཡང་དག་པ་མ་ཡིན་པ་ཀུན་ཏུ་གཏི་མུག་པ་དེ་ཡང་ཡང་དག་པ་ཇི་ལྟ་བ་བཞིན་དུ་ཡོངས་སུ་བརྟགས་ན་ཆོས་གང་ཡང་ཆོས་གང་གི་བྱེད་པ་པོར་འགྱུར་བ་མེད་དེ། གང་ལ་བྱེད་པ་པོར་མི་དམིགས་
D47.039.0177b01.01པ་དེ་ལ་འཇུག་པ་མེད། ལྡོག་པ་མེད་དོ་ཞེས་བརྗོད་པར་བྱའོ། །དེ་ཆོས་ཟབ་མོའི་གཏམ་དེ་ལྟ་བུ་ཐོས་ནས་སོམ་ཉི་མེད་དོ། །ཐེ་ཙོམ་མི་ཟའོ། །ཆོས་ཐམས་ཅད་ལ་ཆགས་པ་མེད་པར་འཇུག་སྟེ། དེ་གཟུགས་ལ་མི་ཆགས་སོ། །ཚོར་བ་དང་། འདུ་ཤེས་དང་།
D47.039.0177b02.01འདུ་བྱེད་རྣམས་དང་། རྣམ་པར་ཤེས་པ་ལ་མི་ཆགས་སོ། །དེ་མིག་དང་། གཟུགས་དང་། མིག་གི་རྣམ་པར་ཤེས་པ་ལ་མི་ཆགས་སོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། ཆོས་རྣམས་དང་། ཡིད་ཀྱི་རྣམ་པར་ཤེས་པ་ལ་མི་ཆགས་སོ། །
D47.039.0177b03.01ཆོས་ཐམས་ཅད་རང་བཞིན་གྱིས་སྟོང་པ་དང་། ཆོས་ཐམས་ཅད་རང་བཞིན་གྱིས་དབེན་པར་ཡིད་ཆེས་སོ། །གྲོགས་པོ་དག་དེ་ལྟར་དད་པ་ལ་གནས་པའི་བྱང་ཆུབ་སེམས་དཔའ་ནི་སངས་རྒྱས་མཐོང་བ་ལས་ཡོངས་སུ་ཉམས་པར་མི་འགྱུར། །དམ་པའི་ཆོས་ཉན་པ་དང་། དགེ་
D47.039.0177b04.01འདུན་ལ་བསྙེན་བཀུར་བྱེད་པ་ལས་ཡོངས་སུ་ཉམས་པར་མི་འགྱུར་རོ། །དེ་གང་དང་གང་དུ་སྐྱེས་པ་དེ་དང་དེར་རང་སངས་རྒྱས་མཐོང་བ་དང་། ཆོས་མཉན་པ་དང་། དགེ་འདུན་ལ་བསྙེན་བཀུར་བྱ་བ་དང་བྲལ་བར་མི་འགྱུར་རོ། །སངས་རྒྱས་བཅོམ་ལྡན་འདས་རྣམས་ཀྱི་སྤྱན་སྔར་སྐྱེ་
D47.039.0177b05.01བར་འགྱུར་རོ། །དེར་སྐྱེས་ནས་ཀྱང་བརྩོན་འགྲུས་བརྩམས་པར་འགྱུར། དགེ་བའི་ཆོས་ཡོངས་སུ་བཙལ་བ་ལ་མངོན་པར་བརྩོན་པར་འགྱུར་རོ། །དེ་བརྩོན་འགྲུས་བརྩམས་པས་ཁྱིམ་གྱི་གནས་དོན་དུ་གཉེར་བར་མི་འགྱུར་རོ། །ཆུང་མ་དང་། བུ་དང་། བུ་མོ་དང་། བྲན་ཕོ་དང་།
D47.039.0177b06.01བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་ཡོངས་སུ་འཛིན་པས་ཡོངས་སུ་སྤྱོད་པ་དོན་དུ་གཉེར་བར་མི་འགྱུར་ཏེ། དེ་ན་ཚོད་གཞོན་ནུར་རྣམ་པར་རྩེ་བ་ལ་མི་དགའ་བས་ན་ཚོད་མཛེས་པ་ལ་བབ་པའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་བསྟན་པ་ལ་དད་པས་ཁྱིམ་ནས་ཁྱིམ་
D47.039.0177b07.01