完整藏文原文 · 德格版页 当前仅加载第 39 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པར་སངས་རྒྱས་སོ། །ཞི་བའི་བློ་གྲོས་བྱང་ཆུབ་བརྙེས་པའི་དེ་བཞིན་གཤེགས་པ་ལ་ཕྱོགས་བཅུ་ནས་སངས་རྒྱས་བཅོམ་ལྡན་འདས་གྲངས་མེད་དཔག་ཏུ་མེད་པ་དག་གིས་ཕྱག་གཡས་པ་བརྐྱང་སྟེ། སྐུ་མ་མཉེལ་ཏམ་ཞེས་སྙུན་གསོལ་ལོ། །མཉེལ་བ་མི་
D47.039.0157a01.01མངའ་བར་བྱང་ཆུབ་བམ། རང་བྱུང་དུ་མངོན་པར་རྫོགས་པར་བྱང་ཆུབ་བམ། སྒྲིབ་པ་མི་མངའ་བར་མངོན་པར་རྫོགས་པར་བྱང་ཆུབ་བམ། མཉམ་པ་ཉིད་ཀྱི་ཡེ་ཤེས་ཀྱིས་མངོན་པར་རྫོགས་པར་བྱང་ཆུབ་བམ། ཀུན་ཏུ་ཡེ་ཤེས་ཀྱིས་མངོན་པར་རྫོགས་པར་བྱང་ཆུབ་བམ། སྤྱོད་
D47.039.0157a02.01ཡུལ་མ་འདྲེས་པ་དང་ལྡན་ནམ། སྙིང་རྗེ་ཆེན་པོའི་གོ་ཆ་བགོས་སམ། དཀོན་མཆོག་གསུམ་གྱི་རིགས་བསབས་སམ། ཆོས་ཐམས་ཅད་ལ་དབང་སྒྱུར་རམ་ཞེས་ཡོངས་སུ་འདྲིའོ། །དེ་ལ་སེམས་ཅན་གང་དག་དབང་པོ་ཡོངས་སུ་སྨིན་པ་དེ་དག་གིས་ནི་བྱ་བ་དེ་ཤེས་སོ། །སེམས་
D47.039.0157a03.01ཅན་གང་དག་དབང་པོ་ཡོངས་སུ་མ་སྨིན་པ་དེ་དག་གིས་ནི་བྱ་བ་དེ་མི་ཤེས་སོ། །ཞི་བའི་བློ་གྲོས་བྱང་ཆུབ་བརྙེས་པའི་དེ་བཞིན་གཤེགས་པ་ཞག་བདུན་གྱི་བར་དུ་སྤྱན་མི་འཛུམས་པར་ཆོས་ཀྱི་དགའ་བའི་བདེ་བ་ཉམས་སུ་བསྟར་རོ། །སྤྱན་མི་འཛུམས་པར་བྱང་ཆུབ་ཀྱི་ཤིང་ལ་
D47.039.0157a04.01ཡང་གཟིགས་སོ། །ལྷའི་བུ་སྟོང་ཡང་དེ་ལ་མཆོད་དོ། །བསྟོད་དོ། །ཕྱག་འཚལ་ལོ། །ལྷའི་བུ་མོ་བརྒྱ་སྟོང་དག་ཀྱང་དེ་ལ་མཆོད་པ་བྱེད་དོ། །བསྟོད་དོ། །ཕྱག་འཚལ་ལོ། །དེ་བཞིན་གཤེགས་པའི་སྤྱོད་ལམ་མཐོང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
D47.039.0157a05.01སེམས་ཀྱང་བསྐྱེད་དོ། །ཞི་བའི་བློ་གྲོས་དེ་བཞིན་གཤེགས་པས་བྱང་ཆུབ་བརྙེས་པ་དང་། རྒྱལ་པོ་ཆེན་པོ་བཞི་ལྷུང་བཟེད་རྣམས་ཐོགས་ཏེ་དེ་བཞིན་གཤེགས་པའི་གན་དུ་དོང་བར་གྱུར་ཏོ། །བཞི་གང་ཞེ་ན། ཡུལ་འཁོར་སྲུང་དང་། འཕགས་སྐྱེས་པོ་དང་། མིག་མི་བཟང་དང་། རྒྱལ་པོ་
D47.039.0157a06.01ཆེན་པོ་རྣམ་ཐོས་ཀྱི་བུ་སྟེ་རྒྱལ་པོ་ཆེན་པོ་བཞི་པོ་དེ་དག་གོ། །གླིང་བཞི་པ་འདི་ནས་ཇི་ལྟར་དོང་བ་དེ་བཞིན་དུ་གླིང་བཞི་པ་བྱེ་བ་ཕྲག་བརྒྱ་ནས་རྒྱལ་པོ་ཆེན་པོ་བྱེ་བ་ཕྲག་བཞི་བརྒྱ་ལྷུང་བཟེད་རྣམས་ཐོགས་ཏེ་དེ་བཞིན་གཤེགས་པའི་གན་དུ་དོང་ངོ་། །ཞི་བའི་བློ་གྲོས་དེ་ལ་དེ་བཞིན་གཤེགས་པས་ལྷུང་
D47.039.0157a07.01