完整藏文原文 · 德格版页 当前仅加载第 39 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་གཉིས་སུ་མེད་པའི་མཐའ་གང་ཡིན་པ་དེ་ལ་ལུང་བསྟན་དུ་ཅི་ཡོད། སྨྲས་པ། མཐའ་གང་ཡིན་པ་དེ་ཉིད་གཉིས་སུ་མེད་པའི་མཐའ་སྟེ་མཐའ་དེ་ཉིད་ལུང་བསྟན་པའོ། །སྨྲས་པ། གང་ལ་གནས་ན་ལུང་བསྟན་པ་ཐོབ་པའི་མཐའ་གང་ཡིན། སྨྲས་པ། བདག་གི་མཐའ་ལ་
D47.039.0169b01.01གནས་ན་ལུང་བསྟན་པ་ཐོབ་པར་འགྱུར་རོ། །སེམས་ཅན་གྱི་མཐའ་དང་། སྲོག་དང་། གང་ཟག་གི་མཐའ་ལ་གནས་ན། ལུང་བསྟན་པར་འགྱུར་རོ། །བདག་གི་མཐའི་གནས་གང་གི་གནས་ཡིན། སྨྲས་པ། བདག་གི་མཐའི་གནས་ནི་དེ་བཞིན་གཤེགས་པའི་རྣམ་པར་གྲོལ་
D47.039.0169b02.01བའི་མཐའི་གནས་སོ། །སྨྲས་པ། དེ་བཞིན་གཤེགས་པའི་རྣམ་པར་གྲོལ་བའི་མཐའ་གང་གི་གནས་ཡིན། སྨྲས་པ། དེ་བཞིན་གཤེགས་པའི་རྣམ་པར་གྲོལ་བའི་མཐའི་གནས་ནི་མ་རིག་པ་དང་། སྲིད་པའི་སྲེད་པའི་མཐའི་གནས་སོ། །སྨྲས་པ། མ་རིག་པ་དང་།
D47.039.0169b03.01སྲིད་པའི་སྲེད་པའི་མཐའི་གནས་གང་གི་གནས་ཡིན། སྨྲས་པ། ཤིན་ཏུ་མ་སྐྱེས་མ་བྱུང་བའི་མཐའི་གནས་སོ། །སྨྲས་པ། མ་སྐྱེས་པ་དང་མ་བྱུང་བའི་གནས་གང་ཡིན། སྨྲས་པ། རྣམ་པར་རིག་པ་མ་ཡིན་པའི་མཐའ་ནི་གནས་སོ། །སྨྲས་པ། རྣམ་པར་རིག་པས་ཅི་ཞིག་
D47.039.0169b04.01རིག་པར་བྱེད། སྨྲས་པ། གལ་ཏེ་རྣམ་པར་རིག་པར་བྱེད་ན། རྣམ་པར་རིག་པ་མ་ཡིན་པར་མི་འགྱུར་རོ། །སྨྲས་པ། ཅི་ཞིག་རྣམ་པར་རིག་པར་མི་བྱེད། སྨྲས་པ། རྣམ་པར་རིག་པ་ཐམས་ཅད་རྣམ་པར་རིག་པར་མི་བྱེད་དོ། །སྨྲས་པ། གལ་ཏེ་རྣམ་པར་རིག་པར་མི་བྱེད་ན་ཇི་ལྟར་ཀུན་ཤེས་
D47.039.0169b05.01པར་བྱེད། སྨྲས་པ། གལ་ཏེ་ཀུན་ཤེས་པར་བྱེད་ན་རྣམ་པར་རིག་པར་བྱེད་པ་མ་ཡིན་ཏེ། གང་གི་ཕྱིར་རྣམ་པར་རིག་པར་མི་བྱེད་པ་དེའི་ཕྱིར་ཀུན་ཤེས་པར་བྱེད་དོ། །སྨྲས་པ། ཀུན་ཤེས་པར་བྱེད་པ་ཇི་ལྟ་བུ་ཡིན། སྨྲས་པ། གང་གི་ཚེ་རྣམ་པར་རིག་པ་ཁས་མི་ལེན་པའོ། །སྨྲས་པ། ཇི་
D47.039.0169b06.01ལྟར་ན་རྣམ་པར་རིག་པ་ཁས་མི་ལེན། སྨྲས་པ། གང་གི་ཚེ་ཚིག་འབྲུའི་རྗེས་སུ་མི་རྒྱུག་པའོ། །སྨྲས་པ། ཇི་ལྟར་ན་ཚིག་འབྲུའི་རྗེས་སུ་མི་རྒྱུག །སྨྲས་པ་གང་གི་ཚེ་དོན་ལ་རྟོན་པའོ། །སྨྲས་པ། དོན་ལ་རྟོན་པ་ཇི་ལྟ་བུ་ཡིན། སྨྲས་པ། གང་གི་ཚེ་དོན་མི་མཐོང་བའོ། །སྨྲས་པ། དོན་མི་མཐོང་བ་ཇི་ལྟ་བུ་ཡིན།
D47.039.0169b07.01