完整藏文原文 · 德格版页 当前仅加载第 39 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ནོན་པས་སེམས་ཅན་ལ་རྣམ་པར་འཚེ་བར་འགྱུར་དུ་འོང་ངོ་ཞེས་སྒྲ་དེ་མི་གྲག་པར་བྱས་པར་གྱུར་ཏོ། །ཞི་བའི་བློ་གྲོས་འདི་ཡང་བྱང་ཆུབ་སེམས་དཔའི་ཐབས་ལ་མཁས་པའི་ཡུལ་ཡིན་ནོ། །ཞི་བའི་བློ་གྲོས་སྒྲ་དེ་ལྟ་བུ་དེ་ཐོས་ཀྱང་བྱང་ཆུབ་སེམས་དཔའ་ནི་ཐ་ན་སྤུ་གཡོས་པར་ཡང་མ་གྱུར་ཏོ། །
D47.039.0154b01.01དེ་ཅིའི་ཕྱིར་ཞེ་ན། སྒྲ་འདི་ཐམས་ཅད་བྲག་ཆ་དང་མཚུངས་པར་ལེགས་པར་རྟོགས་པའི་ཕྱིར་རོ། །ཞི་བའི་བློ་གྲོས་བྱང་ཆུབ་ཀྱི་བསྙེན་བཀུར་བའི་ལྷ་རྣམས་ཀྱིས་བདུད་ལྷགས་པར་རིག་ནས་བདུད་སྡིག་ཅན་དེ་དག་ལ་བཟློག་པ་རྣམ་པ་བཅུ་དྲུག་གིས་ཟློག་པར་བྱེད་དེ། སྡིག་ཅན་དག་ཕོངས་པར་འགྱུར་
D47.039.0154b02.01བ་གདོན་པར་དཀའ་བ་རྣམ་པ་འདི་ལྟ་བུ་འདི་དག་གིས་ཅི་ཞིག་བྱས་ཐོང་ཤིག །དེ་ཅིའི་ཕྱིར་ཞེ་ན། སྡིག་ཅན་ཁྱེད་ནི་གྱད་སྟོབས་ཆུང་ངུ་ལ་གྱད་སྟོབས་ཆེན་པོ་བབ་པ་ལྟར་དོ་མོད་བྱང་ཆུབ་སེམས་དཔས་བརྡབས་པར་འགྱུར་རོ། །སྡིག་ཅན་ཁྱེད་ནི་དཔའ་བོ་ཆེན་པོས་ཕ་རོལ་གྱི་སྡེ་བཅོམ་པ་ལྟར་དོ་
D47.039.0154b03.01མོད་བྱང་ཆུབ་སེམས་དཔས་ཕམ་པར་བྱས་པར་འགྱུར་རོ། །སྡིག་ཅན་ཁྱེད་ནི་སྲིན་བུ་མེ་ཁྱེར་ལ་ཟླ་བའི་དཀྱིལ་འཁོར་བབ་པ་ལྟར་དོ་མོད་བྱང་ཆུབ་སེམས་དཔས་ཟིལ་གྱིས་ནོན་པར་འགྱུར་རོ། །སྡིག་ཅན་ཁྱེད་ནི་ཕུབ་མ་སྤར་གང་ལ་རླུང་མར་བབ་པ་ལྟར་དོ་མོད་བྱང་ཆུབ་སེམས་དཔས་གཏོར་
D47.039.0154b04.01བར་འགྱུར་རོ། །སྡིག་ཅན་ཁྱེད་ནི་ཤིང་སཱ་ལ་ཆེན་པོ་རྩ་བ་ནས་ཆད་པ་ལྟར་དོ་མོད་བྱང་ཆུབ་སེམས་དཔས་སྒྱེལ་བར་འགྱུར་རོ། །སྡིག་ཅན་ཁྱེད་ནི་{རི་དགས་,རི་དྭགས་}ཀྱི་ཚོགས་ལ་སེང་གེ་བབ་པ་ལྟར་དོ་མོད་བྱང་ཆུབ་སེམས་དཔས་དངངས་པར་བྱས་པར་འགྱུར་རོ། །སྡིག་ཅན་ཁྱེད་ནི་བརྗེས་ཀྱི་ཆུ་
D47.039.0154b05.01ལ་ཉི་ཚན་བབ་པ་ལྟར་དོ་མོད་བྱང་ཆུབ་སེམས་དཔས་ཡོངས་སུ་ཟད་པར་བྱས་པར་འགྱུར་རོ། །སྡིག་ཅན་ཁྱེད་ནི་མི་མཛའ་བའི་གྲོང་ཁྱེར་ལ་རྒྱལ་པོ་ཆེན་པོ་བབ་པ་ལྟར་དོ་མོད་བྱང་ཆུབ་སེམས་དཔས་རླག་པར་འགྱུར་རོ། །སྡིག་ཅན་ཁྱེད་ནི་མི་གཡོ་ཅན་གསད་པར་བྱ་བ་ཤོར་བ་ལྟར་དོ་མོད་བྱང་
D47.039.0154b06.01ཆུབ་སེམས་དཔས་འབྲོས་པར་བྱེད་པར་འགྱུར་རོ། །སྡིག་ཅན་ཁྱེད་ནི་ཚོང་པ་ལམ་རྒྱགས་མང་པོ་མེས་ཚིག་པ་ལྟར་དོ་མོད་བྱང་ཆུབ་སེམས་དཔས་མགོ་འཁོར་བར་བྱེད་པར་འགྱུར་རོ། །སྡིག་ཅན་ཁྱེད་ནི་ཆོས་ཀྱི་རྒྱལ་པོ་རྒྱལ་སྲིད་ཉམས་པ་ལྟར་དོ་མོད་བྱང་ཆུབ་སེམས་དཔས་མྱ་ངན་བྱེད་དུ་
D47.039.0154b07.01