完整藏文原文 · 德格版页 当前仅加载第 39 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་རྗེ་བར་བྱ་བའི་ཕྱིར་ངེས་པར་སེམས་པའི་སྟོབས་དང་། ཕྱིར་མི་ལྡོག་པར་བྱ་བའི་ཕྱིར་བརྩོན་འགྲུས་ཀྱི་སྟོབས་དང་། ཤེས་རབ་ཆེན་པོར་བྱ་བའི་ཕྱིར་ཐོས་པའི་སྟོབས་དང་། རྣམ་པར་གྲོལ་བ་ཡོངས་སུ་རྫོགས་པར་བྱ་བའི་ཕྱིར་མོས་པའི་སྟོབས་དང་། འབྲལ་
D47.039.0184a01.01བར་བྱ་བའི་ཕྱིར་བསྒོམ་པའི་སྟོབས་དང་། སེམས་བསྲུང་བའི་ཕྱིར་བཟོད་པའི་སྟོབས་དང་། བདུད་ཚར་གཅད་པའི་ཕྱིར་བྱང་ཆུབ་ཀྱི་སེམས་ཀྱི་སྟོབས་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་སྙིང་རྗེ་ཆེན་པོའི་སྟོབས་དང་། སྟོབས་བཅུ་ཡོངས་སུ་རྫོགས་པར་བྱ་བའི་
D47.039.0184a02.01ཕྱིར་མི་སྐྱེ་བར་བཟོད་པའི་སྟོབས་ཏེ། གཞོན་ནུ་དགུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྟོབས་སོ། །བསྟན་པ་འདི་བཤད་པ་ན་གསང་བ་པའི་བདག་པོའི་བུ་དེ་དག་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏེ། དེ་དག་བཟོད་པ་ཐོབ་ནས་བཅོམ་ལྡན་འདས་ལ་འདི་སྐད་
D47.039.0184a03.01ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདི་གསང་བ་པའི་བདག་པོའི་གནས་སུ་ཡུན་རིང་དུ་གནས་ཤིང་སྤྱོད་པར་འགྱུར་བ་དང་། སེམས་ཅན་སྣོད་དུ་གྱུར་པ་དེ་དག་གི་རྣ་ལམ་དུ་གྲག་པར་འགྱུར་བ་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་
D47.039.0184a04.01སླད་ན་འཛམ་བུའི་གླིང་དུ་རྒྱས་པར་འགྱུར་ཞིང་ཅི་ནས་ཀྱང་ནུབ་པར་མི་འགྱུར་བར་བྱིན་གྱིས་བརླབ་ཏུ་གསོལ། དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོའི་བུ་དེ་དག་གིས་གསོལ་བ་བཏབ་པར་མཁྱེན་ནས། གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ།
D47.039.0184a05.01གསང་བ་པའི་བདག་པོ་འདི་ལྟ་སྟེ། དམ་པའི་ཆོས་ཀྱི་ཚུལ་ཡུན་རིང་དུ་གནས་པར་བྱ་བ་དང་། བདུད་དང་ཕས་ཀྱི་རྒོལ་བ་ཐམས་ཅད་ཆོས་དང་འཐུན་པས་ཚར་གཅད་པར་བྱ་བའི་ཕྱིར་ངས་ཁྱོད་ལ་བསྐུལ་གྱིས་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོ་མཆོག་དམ་པ་ལ་འདུག་པ་བསྲུང་བ་དང་།
D47.039.0184a06.01བདུད་ཀྱི་སྡེ་འོངས་པ་ན་བདུད་ཚར་གཅད་པའི་ཕྱིར་ཁྱོད་ཀྱིས་གསང་སྔགས་ཀྱི་ཚིག་གང་དག་བསམས་ཤིང་བརྗོད་པ་དང་། ཁ་ཏོན་བྱས་པ་དེ་དག་ལ་ཁྱོད་སྤོབས་པར་གྱིས་ཤིག །དེ་ནས་གསང་བ་པའི་བདག་པོ་ལག་ན་རྡོ་རྗེས་བཅོམ་ལྡན་འདས་ཀྱིས་བསྐུལ་བར་རིག་ནས་སྟན་ལས་ལངས་ཏེ། བླ་
D47.039.0184a07.01