完整藏文原文 · 德格版页 当前仅加载第 39 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
ཉན་ཐོས་དང་། རང་སངས་རྒྱས་ཡིད་ལ་བྱས་ནས་ཐེག་པ་ཆེན་པོ་ཡང་དག་པར་བསྒྲུབ་པར་སེམས་གནས་སོ། །ཡིད་འབྱུང་བ་ཡིད་ལ་བྱས་ནས་སྡིག་པ་ཐམས་ཅད་མི་བྱ་བར་སེམས་གནས་སོ། །ངན་འགྲོ་ངན་སོང་ཡིད་ལ་བྱས་ནས་ངན་འགྲོ་ངན་སོང་དང་། མི་ཁོམ་པར་སྐྱེས་པའི་
D47.039.0163b01.01སེམས་ཅན་ཐམས་ཅད་ཡོངས་སུ་བསྐྱབ་པར་སེམས་གནས་སོ། །ལྷ་ཡིད་ལ་བྱས་ནས་འབྱོར་པ་ཐམས་ཅད་མཐར་རྒུད་པར་འགྱུར་བར་སེམས་གནས་སོ། །མི་ཡིད་ལ་བྱས་ནས་སྙིང་པོ་བླང་བར་སེམས་གནས་སོ། །སངས་རྒྱས་རྗེས་སུ་དྲན་པ་ཡིད་ལ་བྱས་ནས་སངས་རྒྱས་
D47.039.0163b02.01དང་ཕྲད་པར་བྱ་བར་སེམས་གནས་སོ། །ཆོས་རྗེས་སུ་དྲན་པ་ཡིད་ལ་བྱས་ནས་སློབ་དཔོན་གྱི་ཆོས་ལ་དཔེ་མཁྱུད་མེད་པར་བྱ་བར་སེམས་གནས་སོ། །དགེ་འདུན་རྗེས་སུ་དྲན་པ་ཡིད་ལ་བྱས་ནས་ཕྱིར་མི་ལྡོག་པའི་ཆོས་ཐོབ་པར་བྱ་བར་སེམས་གནས་སོ། །གཏོང་བ་རྗེས་སུ་དྲན་པ་ཡིད་ལ་བྱས་
D47.039.0163b03.01ནས་གཏང་བ་ཐམས་ཅད་ཡོངས་སུ་གཏང་བར་སེམས་གནས་སོ། །ཚུལ་ཁྲིམས་རྗེས་སུ་དྲན་པ་ཡིད་ལ་བྱས་ནས་སྨོན་པ་དང་། བསམ་གཏན་དང་། བྱང་ཆུབ་ཀྱི་ཡན་ལག་ཡོངས་སུ་རྫོགས་པར་བྱ་བར་སེམས་གནས་སོ། །ལྷ་རྗེས་སུ་དྲན་པ་ཡིད་ལ་བྱས་ནས། ལྷ་ཐམས་ཅད་ཀྱིས་བསྟོད་
D47.039.0163b04.01ཅིང་བསྔགས་པའི་སངས་རྒྱས་ཀྱི་ཡེ་ཤེས་ལ་གནས་པར་བྱ་བར་སེམས་གནས་སོ། །ལུས་ཡིད་ལ་བྱས་ནས། སངས་རྒྱས་ཀྱི་སྐུ་ཐོབ་པར་བྱ་བར་སེམས་གནས་སོ། །ངག་ཡིད་ལ་བྱས་ནས་སངས་རྒྱས་ཀྱི་གསུང་ཐོབ་པར་བྱ་བར་སེམས་གནས་སོ། །སེམས་ཡིད་ལ་བྱས་ནས་སངས་རྒྱས་དང་མཉམ་པའི་
D47.039.0163b05.01སེམས་ཐོབ་པར་བྱ་བར་སེམས་གནས་སོ། །འདུས་བྱས་ལ་དམིགས་ནས་དེ་བཞིན་གཤེགས་པའི་ཡེ་ཤེས་ཡོངས་སུ་རྫོགས་པར་བྱ་བར་སེམས་གནས་སོ། །འདུས་མ་བྱས་ལ་དམིགས་ནས་སངས་རྒྱས་ཀྱི་ཡེ་ཤེས་ཡོངས་སུ་རྫོགས་པར་བྱ་བར་སེམས་གནས་ཏེ། ཞི་བའི་བློ་གྲོས་དེ་ལྟར་ན་བྱང་ཆུབ་སེམས་དཔའ་
D47.039.0163b06.01ཐམས་ཅད་མཁྱེན་པའི་ཡེ་ཤེས་ཀྱི་ཕྱིར་ཡིད་ལ་མི་བྱེད་པའི་དམིགས་པ་དེ་གང་ཡང་མེད་དོ། །བྱང་ཆུབ་སེམས་དཔའ་དེའི་དམིགས་པ་ཐམས་ཅད་ནི་བྱང་ཆུབ་ཏུ་ཡོངས་སུ་བསྔོ་པའོ། །ཆོས་ཐམས་ཅད་བྱང་ཆུབ་ཀྱི་རྗེས་སུ་སོང་བར་མཐོང་བ་འདི་ཡང་བྱང་ཆུབ་སེམས་དཔའི་ཐབས་ལ་མཁས་པ་སྟེ། ཞི་བའི་བློ་གྲོས་
D47.039.0163b07.01