完整藏文原文 · 德格版页 当前仅加载第 40 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མི་སྤོང་མི་གཞིག་པའི་ཐབས་ལ་མཁས་པས་ཞི་གནས་དང་། ལྷག་མཐོང་ཡོངས་སུ་བསྡུས་ནས་མཚན་མ་མེད་པ་མངོན་པར་བསྒྲུབས་ཏེ། མཚན་མ་མེད་པ་མངོན་སུམ་དུ་གྱུར་ན་སངས་རྒྱས་རྣམས་ཀྱིས་ཆོས་ཀྱི་སྣང་བ་སྦྱིན་པར་འགྱུར་ལ། ཆོས་ཀྱི་སྣང་བ་ཐོབ་པའི་
D51.040.0083a01.01དབང་གིས་མཐའ་ཐམས་ཅད་ཡོངས་སུ་སྤོང་ཞིང་མཐའ་སྤོང་བ་དེ་དག་ལ་ཡང་མངོན་པར་ཞེན་པ་མེད་པས་མཐའ་ཅུང་ཟད་ཙམ་ལ་ཡང་མཐའི་སྒོ་དེ་དག་དང་མཚུངས་པར་ལྡན་པ་འམ། མཚུངས་པར་མི་ལྡན་པ་འམ། ཡིད་ལ་བྱེད་པ་འམ། ཡིད་ལ་མི་བྱེད་པ་ཡང་མེད་པར་ཆོས་ཐམས་ཅད་ལ་
D51.040.0083a02.01ཐབས་མཁས་པས་ཞི་གནས་དང་། ལྷག་མཐོང་དེ་ལ་རབ་ཏུ་གནས་ཤིང་ཆོས་ཀྱི་སྣང་བ་ཆེན་པོ་དཔག་ཏུ་མེད་པ་འཐོབ་པར་འགྱུར་རོ། །ཆོས་ཀྱི་སྣང་བ་ཐོབ་པའི་ཕྱིར་ནི་མུན་ནག་དང་། སྤུ་ཟིང་ཞེས་བྱེད་པའི་འཇིགས་པ་དག་ཡོངས་སུ་སྤངས་ནས་ཆོས་ཀྱི་རྒྱལ་མཚན་ཆེན་པོ་བསྒྲེང་བ་
D51.040.0083a03.01དང་། ཚངས་པའི་སྒྲ་ཆེན་པོ་འབྱིན་པ་དང་། སེང་གེའི་སྒྲ་ཆེན་པོ་བསྒྲགས་ནས་སེམས་ཅན་རྣམས་ལ་འདི་སྐད་དུ་ཀྱེ་ཁྱེད་རྣམས་མྱུར་དུ་འདིར་ཤོག་ལ་ཐེག་པ་ཆེན་པོ་རབ་ཏུ་བདེ་བའི་ཐེག་པ་དང་། ཁ་ལོ་སྒྱུར་བ་ཆེན་པོའི་ཐེག་པ་དང་། རབ་ཏུ་གཞོལ་བ་ཆེན་པོའི་ཐེག་པ་འདིས་བླ་ན་མེད་
D51.040.0083a04.01པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་ནས་སེམས་ཅན་རྣམས་ལ་ཆོས་ཀྱི་སྣང་བ་རབ་ཏུ་སྟོན་ལ། ཆོས་ཀྱི་སྣང་བའི་དབང་གིས་སེམས་ཅན་རྣམས་གོ་ཆ་ཆེན་པོ་བགོས་ནས་ཐེག་པ་ཆེན་པོ་བཞོན་པ་ལ་དགོད་པར་བྱའོ། །ཞེས་སྒྲོགས་པར་བྱེད་དོ། །བློ་གྲོས་མཐའ་
D51.040.0083a05.01ཡས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཐེག་པ་ཆེན་པོ་འདི་དང་། གོ་ཆ་ཆེན་པོ་འདི་ལ་སེར་སྣ་མི་སྐྱེད་པར་སེམས་ཅན་རྣམས་ལ་བྱང་ཆུབ་ཏུ་སེམས་བསྐྱེད་དེ། གོ་ཆ་འདི་བགོས་ནས་ཐེག་པ་ཆེན་པོ་འདི་ལ་ཞོན་པར་གྱུར་ཅིག་ཅེས་སྨོན་ལམ་གདབ་པར་བྱའོ། །
D51.040.0083a06.01ཐེག་པ་ཆེན་པོ་འདི་དང་གོ་ཆ་ཆེན་པོ་འདི་ལ་སེར་སྣ་མི་བྱ་བར་སེམས་ཅན་རྣམས་ལ་བརྒྱུད་ཅིང་སྤེལ་བར་བྱའོ། །གཞན་ཡང་སེམས་ཅན་རྣམས་གོ་ཆ་འདི་བགོས་ནས་ཐེག་པ་ཆེན་པོ་འདི་ལ་ཞོན་ཏེ་ངེས་པར་འབྱུང་བར་གྱུར་ཅིག་ཅེས་སྨོན་ལམ་གདབ་པར་བྱའོ། །བྱང་ཆུབ་སེམས་
D51.040.0083a07.01