完整藏文原文 · 德格版页 当前仅加载第 40 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། །དེ་བཞིན་གཤེགས་པ་འོད་ཟེར་ཁྱད་པར་དུ་འཕགས་པ་ཞེས་བྱ་བར་འགྱུར་རོ། །དེ་བཞིན་གཤེགས་པ་དེ་དག་གི་སྐུ་ཚེའི་ཚད་ཀྱང་བསྐལ་པ་རེ་རེ་ཐུབ་པར་འགྱུར་ཏེ། སངས་རྒྱས་ཀྱི་ཞིང་དེ་དག་ཀྱང་ཡོན་ཏན་ཚད་མེད་པ་
D51.040.0137b01.01བསགས་པ་ལས་མངོན་པར་གྲུབ་པ་ཡིན་ནོ། །ཞེས་ལུང་བསྟན་ཏོ། །བྱང་ཆུབ་སེམས་དཔའ་དེ་གཉིས་ཀྱང་དེ་བཞིན་གཤེགས་པའི་སྤྱན་སྔར་ལུང་བསྟན་པ་ཐོབ་པས་རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཏོ། །བློ་གྲོས་མཐའ་ཡས་
D51.040.0137b02.01བྱང་ཆུབ་སེམས་དཔའ་སེམས་དཔའ་ཆེན་པོ་གང་ཆོས་ཀྱི་རྒྱ་མཚོའི་ཕྱག་རྒྱའི་ཏིང་ངེ་འཛིན་ཐམས་ཅད་འཐོབ་པར་འདོད་པས་རབ་ཏུ་དགའ་བ་དང་། བརྩོན་འགྲུས་ཆེན་པོ་བསྐྱེད་ནས་ལུས་དང་སྲོག་ལ་ཕོངས་པ་མེད་པ་དང་། བག་ཡོད་པས་མངོན་པར་བསྒྲུབ་པར་བྱའོ། །དེ་ནས་དེའི་ཚེ་
D51.040.0137b03.01འཁོར་འདུས་པ་དེ་ཉིད་དུ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དོན་གྱི་བློ་གྲོས་ཤེས་བྱ་བ་འདུས་པར་གྱུར་པ་དེ་འདུག་པ་སྟན་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
D51.040.0137b04.01ཆོས་ཐམས་ཅད་ཀྱི་ཡེ་ཤེས་ལ་ཐབས་མཁས་པ་འཐོབ་པར་བགྱི་བ་དང་། དེ་བཞིན་གཤེགས་པའི་ཐམས་ཅད་མཁྱེན་པ་ཐོབ་པར་བགྱི་བའི་སླད་དུ་ཆོས་ཀྱི་རྒྱ་མཚོའི་ཕྱག་རྒྱའི་ཏིང་ངེ་འཛིན་ཐམས་ཅད་ཡང་དག་པར་གསུངས་པ་ནི་ངོ་མཚར་ཆེ་ལགས་སོ། །བཅོམ་ལྡན་འདས་གལ་
D51.040.0137b05.01ཏེ་ཆོས་ཀྱི་རྒྱ་མཚོའི་ཕྱག་རྒྱའི་ཏིང་ངེ་འཛིན་རྣམས་ཐོབ་པར་གྱུར་ན་གདོན་མི་འཚལ་བར་ཆོས་རྣམས་ཀྱི་ཚུལ་ལ་ཐབས་མཁས་པ་ཐོབ་ནས་མྱུར་དུ་བྱང་ཆུབ་ཀྱི་སྙིང་པོར་མཆི་བར་འགྱུར་བས་ཡོན་ཏན་གྱི་རྒྱ་མཚོ་དཔག་ཏུ་མ་མཆིས་པ་འདིས་བླ་ན་མེད་པ་ཡང་དག་པར་རྫོགས་པའི་བྱང་
D51.040.0137b06.01ཆུབ་ལ་རབ་ཏུ་གཞོལ་བར་བགྱིད་པ་དང་། རྟག་ཏུ་སངས་རྒྱས་རྣམས་མཐོང་ཞིང་ནན་ཏན་གྱིས་ཆོས་ཡང་དག་པར་མངོན་པར་སྒྲུབ་པ་དང་། དགེ་འདུན་དང་སྤྱོད་པ་མཚུངས་པས་དེ་བཞིན་གཤེགས་པའི་མཆོད་པ་ཆེན་པོ་ཡོངས་སུ་སྦྱོང་བར་འགྱུར་བ་དང་། ཉན་ཐོས་དང་། རང་སངས་
D51.040.0137b07.01