完整藏文原文 · 德格版页 当前仅加载第 40 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མེ་རབ་ཏུ་འབར་བ་དང་། དུད་པ་འཐུལ་བ་དང་། མེ་རབ་ཏུ་འབར་བ་གཉིས་ཀ་སྟོན་པར་བྱེད་པས་རྣམ་པ་སྣ་ཚོགས་སུ་སྟོན་པའི་བར་དུ་བྱས་ནས་སེམས་ཅན་རྣམས་ལ་ཕན་གདགས་པ་ཆེན་པོ་བྱེད་དོ། །ཆོས་ཀྱི་དབྱིངས་ཀྱི་ཚུལ་གྱི་ཐབས་མཁས་པ་ལ་རབ་
D51.040.0120a01.01ཏུ་གནས་ནས་གཡོ་བ་མེད་པར་ཇི་ལྟར་མོས་པ་བཞིན་དུ་སངས་རྒྱས་ཀྱི་ཞིང་གང་དུ་མོས་པ་དེ་བཞིན་དུ་སྐྱེ་བར་འགྱུར་བས་སྲིད་པ་རྣམས་སུ་མངལ་དུ་སྐྱེ་བའི་ལུས་བཟློག་སྟེ། སྤྲུལ་པས་སྐྱེ་བའི་ལུས་བླངས་ནས་རྟག་ཏུ་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་དེ་
D51.040.0120a02.01བཞིན་གཤེགས་པ་རྣམས་མཐོང་ཞིང་དེ་བཞིན་གཤེགས་པ་དེ་དག་ཀྱང་མཚན་ནི་འདི་ལྟ་བུའོ། །རིགས་ནི་འདི་ལྟ་བུའོ། །འཁོར་འདུས་པ་ནི་འདི་ལྟ་བུའོ། །ཆོས་སྟོན་པ་ནི་འདི་ལྟ་བུའོ། །ཞེས་མ་འདྲེས་པར་རབ་ཏུ་ཤེས་སོ། །དེ་ནས་འཁོར་དེ་ཉིད་དུ་གཞན་ཡང་བྱང་ཆུབ་
D51.040.0120a03.01སེམས་དཔའ་སེམས་དཔའ་ཆེན་པོ་དཔག་ཏུ་མེད་པའི་རྒྱལ་བ་ཞེས་བྱ་བ་འདུས་པར་གྱུར་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཇི་ལྟ་བུ་ཞིག་ལ་གནས་པར་གྱུར་ན་བཅོམ་ལྡན་འདས་
D51.040.0120a04.01ཀྱིས་ཇི་སྐད་གསུངས་པའི་ཡོན་ཏན་མཆོག་དེ་དག་འཐོབ་པར་འགྱུར་ལགས། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དཔག་ཏུ་མེད་པའི་རྒྱལ་བ་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཆོས་ཐམས་
D51.040.0120a05.01ཅད་ལ་གནས་པ་མེད་པ་གང་ཡིན་པ་དེས་ངས་ཇི་སྐད་བསྟན་པའི་ཡོན་ཏན་མཆོག་ཏུ་གྱུར་པ་དེ་དག་འཐོབ་པར་འགྱུར་རོ། །དཔག་ཏུ་མེད་པའི་རྒྱལ་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གལ་ཏེ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་
D51.040.0120a06.01པར་ཤེས་པ་ལ་གནས་པར་གྱུར་ཏམ། གལ་ཏེ་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་ལ་གནས་པར་གྱུར་ཏམ། གལ་ཏེ་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་
D51.040.0120a07.01