完整藏文原文 · 德格版页 当前仅加载第 40 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
མེད། །བྱང་ཆུབ་སེམས་དཔའ་ཐམས་ཅད་ནི། །ཆོས་རྣམས་ཀུན་གྱི་ཚུལ་དག་ལ། །རབ་ཏུ་མཁས་པར་གྱུར་པས་ན། །ཐབས་མཁས་པས་ནི་གནས་པར་བྱེད། །གནས་པ་མེད་ལ་གནས་པས་ན། །བྱང་ཆུབ་སེམས་དཔའ་ཞེས་བྱའོ། །བྱང་ཆུབ་སེམས་དཔའ་
D51.040.0124b01.01ཐམས་ཅད་ནི། །ཆོས་ནི་ཅུང་ཟད་ཙམ་ལ་ཡང་། །འགྲོ་འམ་འོང་ཞེས་བྱ་བ་ཡི། །རྣམ་རྟོག་དག་ལ་མི་གནས་པ། །དེ་ཚེ་ཆོས་རྣམས་ཐམས་ཅད་ཀྱི། །ཚུལ་ལ་རབ་ཏུ་གནས་པ་ཡིན། །བྱང་ཆུབ་སེམས་དཔའ་ཐམས་ཅད་ནི། །ཆོས་ཀྱི་ཚུལ་ནི་ཀུན་ལ་ཡང་། །
D51.040.0124b02.01རྣམ་པ་སྣ་ཚོགས་གནས་བྱེད་པས། །ཆོས་ཀྱི་སྣང་བ་ཆེན་པོ་ནི། །དཔག་ཏུ་མེད་པ་སྐྱེད་པར་བྱེད། །ཆོས་ཀྱི་སྣང་བའི་དབང་གིས་ནི། །མཉམ་པའི་ལྟ་བ་རབ་གནས་པས། །ཆོས་རྣམས་ཐམས་ཅད་ཀུན་ལ་ནི། །ཆོས་རྣམས་ཀུན་གྱི་ཚུལ་རྣམས་ཀྱང་། །ནམ་མཁའ་དག་པ་
D51.040.0124b03.01ལྟ་བུ་དང་། །གྲིབ་མ་དང་ནི་གཟུགས་བརྙན་དང་། །མཉམ་ཞིང་དྲི་མ་མེད་པར་མཐོང་། །བྱང་ཆུབ་སེམས་དཔའ་ཐམས་ཅད་ནི། །ལྟ་བ་དག་ནི་རྟོགས་གྱུར་ཀྱང་། །རྟོགས་པ་དག་ནི་མེད་པས་ན། །རང་བཞིན་ཡོངས་སུ་སྤོང་བར་བྱེད། །བྱང་ཆུབ་སེམས་དཔའ་ཐམས་ཅད་
D51.040.0124b04.01ནི། །ཇི་ལྟར་མཐོང་ཞིང་རྟོགས་བྱེད་པས། །ཆོས་ཀྱི་ཚུལ་ནི་ཐམས་ཅད་ལ། །རབ་ཏུ་གནས་པར་གྱུར་པ་ཡིན། །ཆོས་རྣམས་ཀུན་གྱི་དབྱིངས་དག་ལ། །བརྟན་པས་ནན་ཏན་བསྒྲུབས་པས་ན། །ཆོས་ཀྱི་དབྱིངས་ཀྱི་ཚུལ་དག་ལ། །ཐབས་མཁས་པ་ཞེས་བརྗོད་པ་ཡིན། །
D51.040.0124b05.01བྱང་ཆུབ་སེམས་དཔའ་ཐམས་ཅད་ནི། །ཆོས་ཀྱི་དབྱིངས་ལ་མི་གནས་པས། །ཆོས་ཀྱི་དབྱིངས་རྣམས་ཐམས་ཅད་ཀུན། །གཏན་དུ་ཡོད་མིན་ལྟ་བར་བྱེད། །བྱང་ཆུབ་སེམས་དཔའ་ཐམས་ཅད་ནི། །ཆོས་ཀྱི་དབྱིངས་རྣམས་རྟོགས་པས་ན། །ཆོས་རྣམས་ནམ་མཁའ་རླུང་
D51.040.0124b06.01ཁམས་ལ། །རྣམ་གཞག་མེད་ཅིང་ཐམས་ཅད་དུ། །ཁྱབ་པར་གྱུར་པ་བཞིན་དུ་མཐོང་། །ཆོས་ཀྱི་དབྱིངས་ཀྱང་དེ་བཞིན་ཏེ། །ཐམས་ཅད་དུ་ནི་ཁྱབ་པ་ཡིན། །ཆོས་ཀྱི་དབྱིངས་ནི་བསམ་དཀའ་བས། །བསྟན་པར་བྱ་བར་རུང་མ་ཡིན། །བློ་ལྡན་དག་ནི་ཐམས་ཅད་
D51.040.0124b07.01