完整藏文原文 · 德格版页 当前仅加载第 40 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཕྱག་རྒྱའི་སྒོ་འདི་ལེགས་པར་བསྒོམས་ནས་ཆོས་ཀྱི་རྒྱ་མཚོའི་ཏིང་ངེ་འཛིན་ཐམས་ཅད་ལ་གནས་ཏེ། ཆོས་ཐམས་ཅད་ལ་སོ་སོར་རབ་ཏུ་རྟོག་པར་བྱེད་ན། ཆོས་ཀྱི་སྣང་བ་ཆེན་པོ་ཚད་མེད་དཔག་ཏུ་མེད་པ་སྐྱེ་ཞིང་རབ་ཏུ་འབྱུང་བར་
D51.040.0135a01.01འགྱུར་རོ། །བློ་གྲོས་མཐའ་ཡས་འདི་ལྟ་སྟེ། དཔེར་ན་རྒྱ་མཚོ་ཆེན་པོའི་ཆུ་ནི་ཚད་མེད་པས་དེའི་ཚད་གང་གིས་ཀྱང་དཔག་པར་མི་ནུས་སོ། །དེ་བཞིན་དུ་ཆོས་ཐམས་ཅད་ཀྱང་ཚད་མེད་པས་གང་གིས་ཀྱང་དེའི་ཚད་དཔག་པར་མི་ནུས་སོ། །གཞན་ཡང་འདི་ལྟ་སྟེ། དཔེར་ན་ཆུ་ཀླུང་ཐམས་ཅད་ནི་རྒྱ་མཚོ་ཆེན་
D51.040.0135a02.01པོར་འབབ་ཅིང་འཇུག་པར་འགྱུར་རོ། །དེ་བཞིན་དུ་ཆོས་ཐམས་ཅད་ཀྱང་ཆོས་ཀྱི་ཕྱག་རྒྱར་འཇུག་པར་འགྱུར་བས་དེའི་ཕྱིར་རྒྱ་མཚོའི་ཕྱག་རྒྱ་ཞེས་བྱ་སྟེ། ཆོས་ཐམས་ཅད་ཕྱག་རྒྱས་བཏབ་ནས་ཆོས་རྣམས་ཀྱི་རྒྱ་མཚོའི་ཕྱག་རྒྱར་ཞུགས་པར་གྱུར་ན་ཕྱག་རྒྱ་འདིས་ཆོས་ཐམས་ཅད་ཆོས་ཀྱི་ཕྱག་རྒྱ་དང་མཚུངས་པར་
D51.040.0135a03.01མཐོང་བས་སོ། །གཞན་ཡང་འདི་ལྟ་སྟེ། དཔེར་ན་ཀླུ་ཆེན་པོ་དང་། ཀླུའི་འཁོར་ལུས་ཆེན་པོ་དང་ལྡན་པ་རྣམས་ནི་རྒྱ་མཚོ་དང་ལྡན་ཞིང་རྒྱ་མཚོར་འཇུག་པར་ནུས་པས། རྒྱ་མཚོ་ཆེན་པོ་དེ་དག་ལ་གནས་སུ་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱང་དེ་བཞིན་དུ་བསྐལ་པ་བརྒྱ་སྟོང་ཚད་མེད་པ་
D51.040.0135a04.01སྙེད་དུ་ཐེག་པ་རྣམས་ལེགས་པར་བསྒོམས་པས་ཏིང་ངེ་འཛིན་གྱི་ཕྱག་རྒྱའི་སྒོ་འདིར་འཇུག་པར་ནུས་ཤིང་ཕྱག་རྒྱའི་སྒོ་འདི་ཉིད་ལ་གནས་པར་བྱེད་དེ། སངས་རྒྱས་ཀྱི་ཆོས་རྣམས་མངོན་དུ་བྱ་བའི་ཕྱིར་དང་། ཐམས་ཅད་མཁྱེན་པ་ལེགས་པར་ཡོངས་སུ་རྫོགས་པར་བྱ་བའི་ཕྱིར་ཆོས་རྣམས་ཀྱི་ཕྱག་རྒྱའི་སྒོ་དེ་ལྟ་
D51.040.0135a05.01བུ་དག་མངོན་པར་སྒྲུབ་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཀྱི་སྒོ་འདི་ནན་ཏན་གྱིས་སྒྲུབ་པར་བྱེད་ན་ཆོས་ཐམས་ཅད་ཀྱི་སྒོ་ལ་ཡང་དག་པར་སློབ་པར་འགྱུར་རོ། །ཆོས་ཀྱི་སྒོ་རྣམས་ཆོས་ཀྱི་སྒོ་འདིར་འདུ་བར་མཐོང་བའི་ཕྱིར་ཆོས་ཀྱི་སྣང་བ་རྣམས་བསྐྱེད་ནས་ཆོས་ཀྱི་རྒྱ་མཚོ་
D51.040.0135a06.01ཐམས་ཅད་དུ་འཇུག་པར་འགྱུར་བས་དེའི་ཕྱིར་ཆོས་ཀྱི་རྣམ་གྲངས་འདི་ཆོས་ཐམས་ཅད་ཀྱི་རྒྱ་མཚོའི་ཕྱག་རྒྱའི་ཏིང་ངེ་འཛིན་ཅེས་བྱའོ། །གཞན་ཡང་འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་རིན་པོ་ཆེ་ཆེན་པོ་རྣམས་འདུ་བའི་གནས་སུ་གྱུར་པ་ཡིན་ནོ། །ཏིང་ངེ་འཛིན་འདི་ཡང་དེ་བཞིན་དུ་ཆོས་ཐམས་ཅད་
D51.040.0135a07.01