完整藏文原文 · 德格版页 当前仅加载第 40 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ཕྱག་རྒྱས་བཏབ་ནས་མཐའ་འདུས་པ་མེད་ཅིང་མཐའ་ཡོངས་སུ་ཟད་པར་བྱེད་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རྟོག་པ་མེད་པ་དང་། དཔྱོད་པ་མེད་པ་དང་། ཚིག་མེད་པའི་ཕྱག་རྒྱའི་སྒོར་འཇུག་པར་བྱའོ། །འདི་ལྟར་
D51.040.0133b01.01རང་བཞིན་སྣ་ཚོགས་མེད་པའི་ཕྱག་རྒྱས་ཆོས་ཐམས་ཅད་ཕྱག་རྒྱས་བཏབ་པས་རང་བཞིན་གཅིག་གིས་མངོན་པར་འདུས་བྱས་པའི་མཚན་མ་དང་། རང་བཞིན་སྣ་ཚོགས་ཀྱི་འདུ་ཤེས་རབ་ཏུ་སེལ་བར་བྱེད་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་
D51.040.0133b02.01རྣམས་རང་བཞིན་སྣ་ཚོགས་ཀྱི་ཕྱག་རྒྱའི་སྒོར་འཇུག་པར་བྱའོ། །འདི་ལྟར་འདུན་པ་དང་། མཚུངས་པར་ལྡན་པའི་ཕྱག་རྒྱས་ཆོས་ཐམས་ཅད་ཕྱག་རྒྱས་བཏབ་པས་འདུས་བྱས་ཀྱི་སྤྱོད་པ་མངོན་དུ་བྱུང་བ་རྣམས་ཡོངས་སུ་རྫོགས་པར་བྱེད་པ་དང་། འདོད་པ་
D51.040.0133b03.01སྤངས་ནས་རབ་ཏུ་དབེན་པར་གྱུར་པ་དང་། ཚོགས་པ་ཉིད་ཡོད་པ་མ་ཡིན་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འདོད་པ་ཟད་པར་བྱེད་པའི་ཤེས་པ་དང་། མཐོང་བ་དང་། ཚོགས་པ་མེད་པའི་ཕྱག་རྒྱའི་སྒོར་འཇུག་པར་བྱ་སྟེ། བློ་གྲོས་
D51.040.0133b04.01མཐའ་ཡས་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕྱག་རྒྱའི་སྒོས་ཆོས་ཐམས་ཅད་ཕྱག་རྒྱས་བཏབ་པ་ཡིན་ཏེ། ཕྱག་རྒྱའི་སྒོ་འདིས་ཆོས་ཐམས་ཅད་ལ་རབ་ཏུ་འཇུག་པར་བྱེད་དོ། །བློ་གྲོས་མཐའ་ཡས་གཞན་ཡང་ཐོགས་པ་མེད་
D51.040.0133b05.01པའི་སྒོ་དང་། རྗེས་སུ་འཐུན་པ་མེད་པའི་སྒོ་ཞེས་བྱ་བ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཁོང་དུ་ཆུད་པར་བྱས་ནས་རྗེས་སུ་འཇུག་པར་བྱའོ། །དེ་ལ་ཐོགས་པ་མེད་པའི་སྒོ་དང་། ཚོགས་པ་མེད་པའི་སྒོ་ཞེས་བྱ་བ་གང་ཡིན་ཞེ་ན། འདི་
D51.040.0133b06.01ལྟ་སྟེ་ནམ་མཁའི་ཕྱག་རྒྱས་ཆོས་ཐམས་ཅད་ཕྱག་རྒྱས་བཏབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མངོན་པར་ཞེན་པ་མེད་པའི་ཕྱག་རྒྱའི་སྒོར་འཇུག་པར་བྱའོ། །འདི་ལྟར་རབ་ཏུ་དབེན་པའི་ཕྱག་རྒྱས་ཆོས་ཐམས་ཅད་ཕྱག་རྒྱས་བཏབ་པ་ཡིན་པས་
D51.040.0133b07.01