完整藏文原文 · 德格版页 当前仅加载第 40 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་དང་། ཡོངས་སུ་ཤེས་པར་བྱ་བའི་ཕྱིར་རོ། །བློ་གྲོས་མཐའ་ཡས་ཡང་ཁྱོད་ཀྱིས་ཆོས་འདི་འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པའི་བདེ་བ་སྦྱིན་པ་བྱེད་པ་ཡིན་ཡང་སྲིད་པ་རྣམས་སུ་དབུལ་ཕོངས་པ་སྣ་ཚོགས་སྣང་བར་གྱུར་པ་ནི་སེམས་ཅན་རྣམས་ཆོས་
D51.040.0100b01.01ཟབ་མོ་འདི་ལས་རབ་ཏུ་ཉམས་པར་གྱུར་པའི་ཕྱིར་འཇིག་རྟེན་པ་དང་འཇིག་རྟེན་ལས་འདས་པའི་ཕུན་སུམ་ཚོགས་པ་དང་། འབྱོར་པ་དང་། བདེ་བ་རྣམས་སྤངས་བ་ཡིན་པར་བལྟ་བར་བྱའོ། །བློ་གྲོས་མཐའ་ཡས་ཡང་ཁྱོད་ཀྱིས་དེ་བཞིན་གཤེགས་པ་མངོན་སུམ་དུ་བཞུགས་པས། ཆོས་རིན་པོ་
D51.040.0100b02.01ཆེ་ཟབ་མོ་འདི་འབྱོར་པ་དུ་མ་རྙེད་སླ་བར་གྱུར་ཏོ་སྙམ་དུ་བལྟ་བར་བྱ་ཞིང་། ཁྱོད་ཀྱིས་ཆོས་ཟབ་མོ་འདི་ལ་ནན་ཏན་གྱིས་རབ་ཏུ་བསྒྲུབ་པར་བྱའོ། །བྱིས་པ་སོ་སོའི་སྐྱེ་བོ་རྣམས་ནི་ངས་ཆོས་རིན་པོ་ཆེ་འདི་ཡང་དག་པར་བསྟན་པ་ན་ཐོས་པར་ཡང་མི་འདོད་ན། ལེན་པ་དང་འཛིན་པ་ལྟ་སྨོས་ཀྱང་ཅི་
D51.040.0100b03.01དགོས། དེ་བཞིན་གཤེགས་པ་མངོན་སུམ་དུ་བཞུགས་ཤིང་ཆོས་རིན་པོ་ཆེ་འབྱོར་བའི་དུས་སུ་ཡང་མཉན་པར་མོས་པ་དང་། འདྲི་བར་ཡང་འདུན་པར་མི་འགྱུར་ན་མ་འོངས་པའི་དུས་ལྔ་བརྒྱ་ཐ་མ་ལ་ཡང་དག་པའི་ཆོས་རབ་ཏུ་རྣམ་པར་འཇིག་པའི་ཚེ་སངས་རྒྱས་དང་། ཆོས་དཀོན་མཆོག་དང་།
D51.040.0100b04.01ཆོས་འཛིན་པར་བྱེད་པ་རྣམ་པ་གསུམ་མངོན་དུ་མི་འགྱུར་བའི་དུས་སུ་མཉན་པ་དང་། འདྲི་བར་མོས་པར་ལྟ་ག་ལ་འགྱུར། བློ་གྲོས་མཐའ་ཡས་འོན་ཀྱང་མ་འོངས་པའི་དུས་ན་གལ་ཏེ་དེ་བཞིན་གཤེགས་པས་ལེགས་པར་བྱིན་གྱིས་བརླབས་པར་གྱུར་ན་ཆོས་རིན་པོ་ཆེ་ཟབ་མོ་འདི་རྙེད་པར་
D51.040.0100b05.01འགྱུར་རོ། །བློ་གྲོས་མཐའ་ཡས་ཤིན་ཏུ་འཇིགས་པའི་དུས་དེའི་ཚེ་ཆོས་རིན་པོ་ཆེ་ཟབ་མོ་འདི་ཡང་དག་པར་ཉམས་ཤིང་འགྲིབ་པ་འམ་ཟད་པར་གྱུར་བ་མེད་མོད་ཀྱི། འོན་ཀྱང་ཆོས་འདི་ལ་ཉན་པ་དང་འཛིན་པར་བྱེད་པ་མེད་དེ། ངའི་སྤྱན་སྔར་སེམས་རྩེ་གཅིག་ཏུ་མཉན་པར་
D51.040.0100b06.01མོས་པ་དང་། གོ་ཆ་བགོས་པ་ནི་མ་གཏོགས་ཏེ། དེ་དག་དེའི་ཚེ་ཆོས་འདི་ལ་རབ་ཏུ་དགའ་བས་ཉན་པ་དང་། ལེན་པར་འགྱུར་བས་སོ། །དེའི་ཚེ་སེམས་ཅན་གང་དག་ཆོས་འདི་ཐོས་ནས་རབ་ཏུ་དད་པ་ཙམ་སྐྱེད་པར་བྱེད་ན་ཡང་། ངས་དེ་དག་ཆོས་རྒྱ་ཆེན་པོ་འདི་
D51.040.0100b07.01