完整藏文原文 · 德格版页 当前仅加载第 40 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་སེམས་ཅན་རྣམས་ཚིམ་པར་བྱས་ནས་རབ་ཏུ་དགའ་བར་བྱེད་པ་དང་། ནན་ཏན་བརྩོན་འགྲུས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གཞོལ་བར་བྱེད་དོ། །བློ་གྲོས་མཐའ་ཡས་བྱང་ཆུབ་སེམས་དཔའ་སེམས་
D51.040.0110a01.01དཔའ་ཆེན་པོ་རྣམས་ལམ་འདི་ལ་གནས་པའི་ཚེ་ཆོས་ཀྱི་སྣང་བ་ཆེན་པོ་འཐོབ་པར་འགྱུར་ཏེ། སྣང་བ་འཐོབ་པར་འགྱུར་བའི་ཕྱིར་རྟེན་ཅིང་འབྲེལ་པར་འབྱུང་བའི་ཆོས་ཐམས་ཅད་རང་བཞིན་གྱིས་གཟོད་མ་ཉིད་ནས་སྟོང་པ་དང་། རང་བཞིན་གྱིས་མཚན་མ་མེད་པ་དང་།
D51.040.0110a02.01རང་བཞིན་གྱིས་འབྱུང་བ་མེད་པར་མཐོང་བས་གཟུགས་ལ་གཟུགས་ཉིད་དུ་མི་མཐོང་སྟེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ལ་ཡང་དེ་བཞིན་ནོ། །རྣམ་པར་ཤེས་པ་ལ་ཡང་རྣམ་པར་ཤེས་པ་ཉིད་དུ་མི་མཐོང་བས་རྣམ་པར་ཤེས་
D51.040.0110a03.01པ་ཐ་དད་པའི་རྐྱེན་ལས་འབྱུང་བ་དང་། རྣམ་པར་ཤེས་པའི་མཚན་ཉིད་རང་བཞིན་གྱིས་གཟོད་མ་ཉིད་ནས་སྟོང་བ་དང་། རང་བཞིན་གྱིས་མཚན་མ་མེད་པ་དང་། རང་བཞིན་གྱིས་འབྱུང་བ་མེད་དེ་རྒྱུ་རྐྱེན་མང་པོར་གཏོགས་པ་ཙམ་ཡིན་པར་རབ་ཏུ་རྟོགས་སོ། །རྒྱུ་
D51.040.0110a04.01རྐྱེན་འདུས་པར་མཐོང་བ་ན་རྒྱུ་རྐྱེན་ཉིད་ཀྱང་སྟོང་པ་དང་། མཚན་མ་མེད་པ་དང་། འབྱུང་བ་མེད་པར་རབ་ཏུ་ཤེས་སོ། །དེ་ལྟར་མཐོང་བའི་ཚེ་མིག་ལ་མིག་ཉིད་དུ་མི་ལྟ་སྟེ། རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་ཡང་དེ་བཞིན་ནོ། །ཡིད་ལ་
D51.040.0110a05.01ཡང་ཡིད་ཉིད་དུ་མི་མཐོང་བས་ཡིད་ཐ་དད་པའི་རྐྱེན་ལས་བྱུང་བ་དག་ཡིད་ཀྱི་མཚན་ཉིད་རང་བཞིན་གྱིས་གཟོད་མ་ཉིད་ནས་སྟོང་པ་དང་། རང་བཞིན་གྱིས་མཚན་མ་མེད་པ་དང་། རང་བཞིན་གྱིས་འབྱུང་བ་མེད་པར་རབ་ཏུ་རྟོགས་སོ། །སའི་ཁམས་དང་། ཆའི་ཁམས་
D51.040.0110a06.01དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱི་བར་ལ་ཡང་བྱེད་པ་མེད་པ་དང་། མྱོང་བ་མེད་པར་རབ་ཏུ་ཤེས་སོ། །ཆོས་ཅུང་ཟད་ཙམ་ལ་ཡང་
D51.040.0110a07.01