完整藏文原文 · 德格版页 当前仅加载第 40 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཆོས་ལ་ཐབས་མཁས་པ་རྣམས་འདུ་བའི་གནས་སུ་གྱུར་པ་ཡིན་ནོ། །བློ་གྲོས་མཐའ་ཡས་སེམས་ཅན་གང་ལ་ལ་ཞིག་སངས་རྒྱས་ཀྱི་མཁྱེན་པ་དང་། གཟིགས་པ་བླ་ན་མེད་པ་འཐོབ་པར་བྱ་བའི་ཕྱིར་ཏིང་ངེ་འཛིན་འདི་ཡོངས་སུ་ཚོལ་བར་གྱུར་པ་དང་། ཡོངས་སུ་ཚོལ་
D51.040.0135b01.01བར་འགྱུར་བ་དང་། ཡོངས་སུ་ཚོལ་བར་བྱེད་པ་དེ་དག་ནི་ཆོས་ཀྱི་རྒྱ་མཚོ་ཡོངས་སུ་རྫོགས་པའི་ཤེས་རབ་ཐམས་ཅད་ཡོངས་སུ་ཚོལ་བར་བྱེད་པ་ཡིན་པས་དོན་དེའི་ཕྱིར་ངས་ཆོས་ཀྱི་ཕྱག་རྒྱ་འདི་ཁྱོད་ལ་གཏད་པ་ཡིན་གྱིས་ཁྱོད་ཀྱིས་ཀྱང་མ་འོངས་པའི་དུས་ལྔ་བརྒྱ་ཐ་མ་ལ་ཡང་དག་
D51.040.0135b02.01པའི་ཆོས་འཇིག་པར་འགྱུར་བའི་ཚེ་ཆོས་ཀྱི་ཕྱག་རྒྱ་འདིས་སེམས་ཅན་རྣམས་ལ་ཡོངས་སུ་གདབ་པར་བྱའོ། །ཆོས་ཀྱི་ཕྱག་རྒྱ་འདིས་གང་ལ་བཏབ་པར་གྱུར་ན་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་མི་འགྱུར་ཞིང་སངས་རྒྱས་ཀྱི་
D51.040.0135b03.01ཆོས་ཡོངས་སུ་རྫོགས་པར་བྱེད་པས་མྱུར་དུ་བྱང་ཆུབ་ཀྱི་སྙིང་པོར་འགྲོ་བ་དང་། བླ་ན་མེད་པའི་ཆོས་ཀྱི་འཁོར་ལོ་སྐོར་བ་དང་། སངས་རྒྱས་ཀྱི་གདུང་བསབ་པ་དང་། ཐམས་ཅད་མཁྱེན་པའི་ས་ལ་རྗེས་སུ་འཐུན་པར་གནས་པ་དང་། བླ་ན་མེད་པའི་ཡོངས་སུ་མྱ་ངན་ལས་འདས་
D51.040.0135b04.01པ་ཆེན་པོས་ཡོངས་སུ་མྱ་ངན་ལས་འདས་པ་དང་། ལྷ་དང་མི་རྣམས་ཀྱང་ཡང་དག་པའི་ཆོས་ཡོངས་སུ་འཛིན་པ་ལ་གཟུང་བར་བྱེད་དོ། །བློ་གྲོས་མཐའ་ཡས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཡོན་ཏན་ཁྱད་པར་དུ་འཕགས་པ་དེ་ལྟ་བུ་ཡོངས་སུ་སྡུད་པར་འདོད་པ་
D51.040.0135b05.01དེས་ཆོས་ཟབ་མོ་འདི་ལ་ནན་ཏན་གྱིས་བསླབ་པར་བྱ་ཞིང་བག་ཡོད་པ་དང་ལྡན་པར་བྱའོ། །གཞན་ཡང་བློ་གྲོས་མཐའ་ཡས་ངས་མངོན་པར་དྲན་ཏེ། སྔོན་འདས་པའི་དུས་བསྐལ་པ་གྲངས་མེད་པའི་ཡང་ཆེས་གྲངས་མེད་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D51.040.0135b06.01པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། བླ་ན་མེད་པ་སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རི་རབ་ཀྱི་འོད་ལས་ཡང་དག་པར་འདས་པའི་རྒྱལ་
D51.040.0135b07.01