完整藏文原文 · 德格版页 当前仅加载第 40 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། །གཞོལ་བགྱིད་གཞན་དུ་མི་མཆིའོ། །ཐུབ་པ་ཆེན་པོ་དཔའ་བོའི་གཙོ། །ཆོས་རྣམས་ཐམས་ཅད་ཐུགས་སུ་ཆུད། །འཇིག་རྟེན་དག་ན་ལྷག་མ་མཆིས། །བདག་ཅག་སྲོག་ཕྱོགས་སྐྱབས་སུ་མཆི། །བློ་གྲོས་མཐའ་ཡས་དེ་བཞིན་གཤེགས་པ་དགྲ་
D51.040.0109b01.01བཅོམ་པ་ཡང་དག་པར་རྫོགས་པའི་སངས་རྒྱས་ཙན་དན་སྤོས་ཀྱི་འོད་ཟེར་དེས་ཆོས་འདི་བསྟན་པས། སེམས་ཅན་ཚད་མེད་གྲངས་མེད་པ་རྣམས་ཡོངས་སུ་སྨིན་པར་མཛད་དོ། །དགེ་སློང་དོན་ཐམས་ཅད་གྲུབ་པ་དེ་ཕྱིན་ཅད་འཁོར་དང་བཅས་ཏེ། སངས་རྒྱས་
D51.040.0109b02.01བཅོམ་ལྡན་འདས་ཚད་མེད་གྲངས་མེད་པ་སྙེད་ལ་རིམ་གྲོ་དང་། མཆོད་པ་བྱས་པས་བསྐལ་པ་གྲངས་མེད་པ་ལྔ་བརྒྱ་འདས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཏེ། མཚན་ཡང་དེ་བཞིན་གཤེགས་པ་སྤྱོད་
D51.040.0109b03.01ཡུལ་དཔག་ཏུ་མེད་པ་ལས་ཡང་དག་པར་འདས་པའི་རྒྱལ་པོ་ཞེས་བྱ་བར་གྱུར་ཏོ། །སངས་རྒྱས་ངའི་ཞིང་གི་ཡོན་ཏན་དང་། ཆུ་ཞིང་གི་མཚན་ཉིད་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཙན་དན་སྤོས་ཀྱི་འོད་ཟེར་གྱི་ཞིང་ཁམས་
D51.040.0109b04.01རབ་ཏུ་སྣང་བ་དང་ཐ་དད་པ་མེད་པར་གྱུར་ཏོ། །ཉན་ཐོས་རྣམས་ཀྱི་གྲངས་ཀྱང་ཚད་མེད་པར་གྱུར་ཏོ། །རྒྱལ་པོའི་བཙུན་མོ་དང་། རྒྱལ་བུ་དང་འཁོར་རྣམས་ཀྱང་བསྐལ་པ་གྲངས་མེད་པ་ལྔ་བརྒྱ་འདས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
D51.040.0109b05.01པར་སངས་རྒྱས་པར་གྱུར་ཏོ། །བློ་གྲོས་མཐའ་ཡས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་གོ་ཆ་ཆེན་པོ་བགོས་པས་ཐེག་པ་ཆེན་པོ་ལ་ཞོན་ཏེ། ལམ་འདིས་ཆོས་ཀྱི་སྒྲོན་མ་ཆེན་པོ་བཟུང་ནས་ཆོས་ཀྱི་སྣང་བ་ཆེན་པོ་བྱེད་པ་དང་། ཆོས་ཀྱི་འོད་ཟེར་ཆེན་པོ་འགྱེད་པ་
D51.040.0109b06.01དང་། ཆོས་ཀྱི་རྒྱལ་མཚན་ཆེན་པོ་བསྒྲེང་བ་དང་། ཆོས་ཀྱི་རྔ་ཆེན་པོ་རྡུང་བ་དང་། ཆོས་ཀྱི་གྲུ་ཆེན་པོར་ཞུགས་ནས་ཆོས་ཆེན་པོ་ཡོངས་སུ་བསྡུས་ཏེ། རབ་ཏུ་གཞོལ་བར་བྱེད་པ་དང་། སྐྱེས་བུ་དམ་པའི་རྣམ་པར་རྩེན་པས་རྣམ་པར་རྩེ་བ་དང་། ཆོས་ཀྱི་ཆར་
D51.040.0109b07.01