完整藏文原文 · 德格版页 当前仅加载第 40 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་མེད་པ་ལ་གནས་པར་བྱེད་པས་ཆོས་ཐམས་ཅད་ལ་རྣམ་པར་རྟོག་པ་མེད་པར་མཐོང་ཞིང་རྣམ་པར་མི་རྟོག་པའི་སྤྱོད་པ་དེ་ལྟ་བུ་ལ་གནས་པར་བྱེད་དེ། སྤྱོད་པ་དེས་ཆོས་ཐམས་ཅད་གཡོ་བ་མེད་པར་མཐོང་བས་ཚུལ་བཞིན་དུ་གནས་པའི་རྗེས་སུ་འཐུན་པ་དང་།
D51.040.0121a01.01ཚུལ་བཞིན་དུ་མི་གཡོ་བའི་རྗེས་སུ་འཐུན་པ་དང་། ཚུལ་བཞིན་དུ་མི་ལེན་པའི་རྗེས་སུ་འཐུན་པར་གྱུར་པ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། །བྱང་ཆུབ་སེམས་དཔའ་ཡང་དག་དྲན། །དོན་ལ་ལེགས་པར་སེམས་བྱེད་ཅིང་། །ཆོས་
D51.040.0121a02.01རྣམས་ལ་ནི་མི་གནས་པས། །བློ་དང་ལྡན་པ་ཞེས་བྱའོ། །ཆོས་ནི་ཅུང་ཟད་འགའ་ཙམ་ཡང་། །རྣམ་པར་གཞག་པར་བྱ་བ་མེད། །རྣམ་པར་གཞག་པ་མེད་པའི་ཕྱིར། །འཇིགས་པ་མེད་པར་གཞོལ་བར་བྱེད། །གཟུགས་ནི་རྣམ་པར་མི་གཞག་ཅིང་། །ཚོར་བ་རྣམས་ཀྱང་
D51.040.0121a03.01གཞག་པ་མེད། །འདུ་ཤེས་དང་ནི་འདུ་བྱེད་དང་། །རྣམ་པར་ཤེས་པ་འང་དེ་བཞིན་ནོ། །ཕུང་པོ་རྣམས་ལ་མི་གནས་ཤིང་། །ཁམས་རྣམས་དང་ནི་སྐྱེ་མཆེད་དང་། །གནས་དང་གནས་མ་ཡིན་ལ་ཡང་། །རྟག་ཏུ་གནས་པ་མེད་པ་ཡིན། །ས་ཡི་ཁམས་ལ་མི་གནས་ཤིང་། །ཆུ་
D51.040.0121a04.01ཡི་ཁམས་ལའང་གནས་པ་མིན། །མེ་དང་རླུང་གི་ཁམས་ལ་ཡང་། །རྟག་ཏུ་གནས་པ་མེད་པ་ཡིན། །འདོད་པའི་ཁམས་དང་གཟུགས་ཀྱི་ཁམས། །གཟུགས་མེད་ཁམས་ལ་མི་གནས་ཏེ། །རྣམ་གཞག་མེད་པ་ཐོབ་པའི་ཕྱིར། །ཁམས་གསུམ་དག་ལ་གནས་མི་བྱེད། །ནམ་
D51.040.0121a05.01མཁའི་ཁམས་ནི་དེ་དག་ལ། །གནས་པར་ཡང་ནི་མི་བྱེད་དེ། །གནས་པར་བྱེད་པ་མེད་པས་ན། །མཉམ་པ་ཉིད་དུ་གཞོལ་བར་བྱེད། །དེ་ཕྱིར་ཆོས་ནི་ཅུང་ཟད་ཙམ། །གནས་པར་བྱ་བ་ཅི་ཡང་མེད། །གནས་པ་མེད་པ་གང་ཐོབ་པ། །དེ་ནི་ཡེ་ཤེས་དམ་པ་ཡིན། །ཡེ་ཤེས་དམ་པ་
D51.040.0121a06.01གནས་པ་མེད། །གནས་པ་མེད་པས་ལེགས་གནས་ཡིན། །དེ་ལྟའི་གནས་པ་གང་ཐོབ་པ། །ཆོས་ཀྱི་དབྱིངས་ལ་གནས་པ་ཡིན། །གནས་པ་མེད་དང་མཚུངས་ལྡན་ཕྱིར། །དེ་ནི་རྟག་ཏུ་ལེགས་གནས་འགྱུར། །གནས་པ་མེད་ཅིང་རྟེན་པ་མེད། །ཆོས་ལ་གནས་པ་འཐོབ་པར་
D51.040.0121a07.01