完整藏文原文 · 德格版页 当前仅加载第 40 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་འདི་ལ་ཞོན་ནས་ནི། །སེམས་ཅན་རྣམས་ལ་སྙིང་བརྩེའི་ཕྱིར། །ཐམས་ཅད་ཡོངས་སུ་གཟུང་བར་བྱ། །འདས་པའི་ཐམས་ཅད་མཁྱེན་པ་རྣམས། །ཐེག་པ་འདི་ཡིས་ངེས་བྱུང་གྱུར། །མ་བྱོན་ཐམས་ཅད་མཁྱེན་རྣམས་ཀྱང་། །ཐེག་པ་འདི་དབང་ངེས་
D51.040.0104a01.01འབྱུང་འགྱུར། །ད་ལྟར་སངས་རྒྱས་བཅོམ་ལྡན་འདས། །ཐེག་པ་འདི་དབང་ངེས་འབྱུང་བརྙེས། །དེ་ཕྱིར་ཐེག་པ་འདི་ལ་ནི། །མ་བཅིབས་པ་ནི་གང་ཡང་མེད། །འཇིག་རྟེན་དག་ལ་མགོན་མཛད་པས། །རྒྱལ་བ་དག་ནི་ཐམས་ཅད་ཀུན། །ཐེག་པ་འདི་ཡིས་ངེས་འབྱུང་ཡང་། །
D51.040.0104a02.01ཐེག་པའི་འདུ་ཤེས་སྐྱེད་མི་མཛད། །ཐེག་པ་མེད་པས་ཐེག་པ་མཛད། །ལམ་མེད་པ་ལ་ལམ་དུ་མཛད། །ངེས་འབྱུང་མེད་པར་ངེས་པར་བྱུང་། །དེ་ཕྱིར་ངེས་འབྱུང་བླ་ན་མེད། །ཐེག་པ་འདི་ནི་ངེས་འབྱུང་ཚེ། །ངེས་འབྱུང་ཅུང་ཟད་ཡོད་མ་ཡིན། །སྟོང་པ་མཚན་མ་མེད་པ་དང་། །སྨོན་
D51.040.0104a03.01མེད་བྱེད་པ་མེད་ཕྱིར་རོ། །ཐེག་མིན་ངེས་བྱུང་མ་ཡིན་པ། །དེ་ནི་ཐེག་ཆེན་ཞེས་བྱའོ། །ཐམས་ཅད་རབ་ཏུ་མཉམ་པས་ན། །དེས་ན་ཡང་དག་གཞོལ་བར་བྱེད། །ཐེག་པ་འདི་ལ་འདུས་པ་མེད། །མ་འདུས་པ་ཡང་ཡོད་མ་ཡིན། །བླ་མེད་ལམ་ལ་གཞོལ་བྱེད་པས། །བདེ་བ་ཆེན་པོ་
D51.040.0104a04.01མངོན་དུ་བྱེད། །ཐེག་པ་འདི་ལ་མཚུངས་ལྡན་མེད། །མཚུངས་མི་ལྡན་པ་ཡོང་མ་ཡིན། །གནས་པ་མེད་ཅིང་རྟེན་པ་མེད། །དེས་ན་རབ་ཏུ་གཞོལ་བར་བྱེད། །ལམ་འདི་ལ་ནི་འོང་བ་མེད། །ལམ་འདི་ལ་ནི་བགྲོད་པ་མེད། །ཡང་དག་ལམ་འདི་གང་སྤྱོད་པ། །རབ་དབེན་ཡང་དག་གཞོལ་བར་
D51.040.0104a05.01འགྱུར། །ངས་ནི་ལམ་འདི་ཐེག་འདི་དང་། །གོ་ཆ་ཆེན་པོ་འདི་དག་ནི། །ཆོས་ལ་རྟེན་པར་མི་བྱེད་པས། །རབ་དབེན་བླ་མེད་མཆོག་ཏུ་བསྟན། །སོ་སོའི་སྐྱེ་བོའི་ཆོས་རྣམས་དང་། །ཉན་ཐོས་ཆོས་ནི་ཐམས་ཅད་དང་། །རང་རྒྱལ་ཆོས་རྣམས་ཐམས་ཅད་ཀྱང་། །ཐམས་ཅད་
D51.040.0104a06.01དམིགས་སུ་མེད་པ་ཡིན། །སངས་རྒྱས་ཆོས་ནི་ཐམས་ཅད་དང་། །དྲི་མེད་བླ་ན་མེད་པའི་ཆོས། །རིང་བ་མ་ཡིན་ཉེ་མིན་པས། །ཐམས་ཅད་དམིགས་སུ་མེད་པ་ཡིན། །སྟོད་དང་མཚན་མ་མེད་པའི་ཆོས། །སྨོན་དང་བྱེད་པ་མེད་ཆོས་ཀྱང་། །རིང་བ་མ་ཡིན་ཉེ་མིན་པས། །ཐམས་ཅད་
D51.040.0104a07.01