完整藏文原文 · 德格版页 当前仅加载第 40 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སམ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་འཕགས་པ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་བསྒྲུབ་པ་ཅུང་ཟད་ཀྱང་མེད། ཁྱད་པར་དུ་བསྒྲུབ་པ་ཡང་མེད། བསྒྲུབ་
D51.040.0113b01.01པའི་རྗེས་སུ་འབྲང་བ་ཡང་མེད། ཀུན་ཏུ་ཁྱབ་པར་བསྒྲུབ་པ་ཡང་མེད་པར་ཆོས་ཀྱི་སྣང་བ་ཆེན་པོ་དཔག་ཏུ་མེད་པ་ཐོབ་པར་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཉིད་ཀྱང་དམིགས་སུ་མེད་ཅིང་མཐོང་བར་མི་འགྱུར་ན་བྱང་ཆུབ་སེམས་དཔའི་སྤྱོད་པ་མི་དམིགས་ཤིང་མཐོང་བར་མི་འགྱུར་བ་
D51.040.0113b02.01ལྟ་སྨོས་ཀྱང་ཅི་དགོས་ཏེ། དེའི་ཕྱིར་བསྐལ་པ་དུ་མར་མངོན་པར་བསྒྲུབས་པས་ཆོས་ཀྱི་སྣང་བ་ཆེན་པོ་དཔག་ཏུ་མེད་པ་འཐོབ་པར་འགྱུར་བར་ལྟ་བར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སྤྱོད་པ་ཐམས་ཅད་ཉེ་བར་ཞི་ཞིང་སྤྱོད་པ་རྣམ་པར་དག་པར་གྱུར་པས་ན་ཆོས་ཀྱི་སྣང་བ་འཐོབ་པ་
D51.040.0113b03.01ཡིན་ནོ། །ཆོས་ཀྱི་སྣང་བའི་སྤྱོད་པ་ནི་གྲངས་ཀྱི་ཚད་དང་ལྡན་པའི་སྤྱོད་པ་ཡང་མ་ཡིན། མཚན་མའི་རྗེས་སུ་འབྲང་བའི་སྤྱོད་པ་ཡང་མ་ཡིན་ན་གང་ལས་སྤྱོད་པ་ཐམས་ཅད་ཅེས་ཉེ་བར་འདོགས། མངོན་པར་བསྒྲུབ་པ་ཞེས་བྱ་བ་ནི་ཉེ་བར་འདོད་པའི་སྤྱོད་པ་ཡང་མ་ཡིན་ལ། དེ་དང་བྲལ་བ་ཡང་མ་
D51.040.0113b04.01ཡིན་ནོ། །བློ་གྲོས་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སྤྱོད་པ་འདི་ལ་གནས་པའི་ཚེ་སྤྱོད་པ་ཐམས་ཅད་སྤོང་བར་བྱེད་པས་ཡོངས་སུ་འཛིན་པར་མི་བྱེད་དོ། །སྤྱོད་པ་འདི་དང་ལྡན་པ་ནི་གྲངས་ཀྱི་ཚད་དང་ལྡན་པའི་སྤྱོད་པ་ཡང་མ་ཡིན། མཚན་མའི་རྗེས་སུ་འབྲང་
D51.040.0113b05.01བའི་སྤྱོད་པ་ཡང་མ་ཡིན་པས་མཚན་མ་མེད་པ་དང་སྤྱོད་པ་མེད་པས་ཆོས་ཀྱི་སྣང་བ་ཆེན་པོ་འདི་ཐོབ་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། །བྱང་ཆུབ་སེམས་དཔའ་སྤྱོད་མེད་ལ། །སྤྱོད་པ་དག་ནི་ཅི་ཡང་མེད། །སྤྱོད་པ་མེད་པ་གང་ཐོབ་པ། །
D51.040.0113b06.01འཇིགས་པ་མེད་པས་གཞོལ་བར་བྱེད། །ཁྱད་པར་བསྒྲུབ་པ་ཡོད་མ་ཡིན། །ཀུན་ཏུ་བསྒྲུབ་པ་ཅི་ཡང་མེད། །སྤྱོད་མེད་ཁྱད་པར་བསྒྲུབ་མེད་པས། །མཉམ་པ་ཉིད་དུ་གཞོལ་བར་བྱེད། །སྤྱོད་པ་འདི་ནི་བསྟན་དུ་མེད། །མཚན་མ་རྣམས་ཀྱང་ཡོད་མ་ཡིན། །སྤྱོད་དང་མཚན་མ་མེད་གྱུར་པ། །འདི་
D51.040.0113b07.01