完整藏文原文 · 德格版页 当前仅加载第 40 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པས་ན། །མྱུར་དུ་བདེ་གནས་ཕྱིན་སེམས་པ། །བླ་མེད་བཟོད་པ་འགྲུབ་པར་འགྱུར། །བྱང་ཆུབ་སེམས་དཔའ་བློ་དམ་པས། །ཚུལ་བཞིན་ཆོས་རྣམས་རྟོག་བྱེད་ཅིང་། །འདུ་ཤེས་རྣམས་ལས་གང་འདས་པ། །འདུ་ཤེས་མེད་ལ་རྟག་གནས་འགྱུར། །བྱང་ཆུབ་སེམས་
D51.040.0093b01.01དཔའ་བློ་དམ་པས། །ལམ་འདི་རབ་སྦྱོར་འགྱུར་རོ་ཞེས། །ལམ་གྱི་འདུ་ཤེས་གང་སྤོང་བ། །ཆོས་ཀྱི་འདུ་ཤེས་ལ་མི་གནས། །བྱང་ཆུབ་སེམས་དཔའ་བློ་དམ་པས། །ལམ་འདི་རབ་ཏུ་སྤྱོད་པའི་ཕྱིར། །མ་རིག་དྲ་བ་དྲལ་སེམས་པ། །ཆོས་ཀྱི་སྣང་ཆེན་ཐོབ་པར་འགྱུར། །བྱང་ཆུབ་
D51.040.0093b02.01སེམས་དཔའ་བློ་དམ་པས། །རིག་པས་སྒོམ་པར་བྱེད་པས་ནི། །སེམས་ཅན་རྣམས་ལ་སྟོན་བྱེད་པས། །དེས་ན་རབ་ཏུ་གཞོལ་བར་འགྱུར། །བྱང་ཆུབ་སེམས་དཔའ་རིག་སྒོམ་པ། །ཆོས་རྣམས་ཐམས་ཅད་རབ་རྟོགས་ཕྱིར། །དོན་ཟབ་ལ་ནི་ངེས་འགྱུར་ཞིང་། །ཐབས་མཁས་
D51.040.0093b03.01ཆེན་པོ་ཐོབ་པར་འགྱུར། །བྱང་ཆུབ་སེམས་དཔའ་རིག་སྒོམ་པ། །ཐབས་ཀྱིས་འདུ་ཤེས་ཀུན་སྤངས་བས། །གསང་བའི་ཆོས་ཀྱི་རྗེས་འབྲང་ཞིང་། །ངེས་པའི་དོན་ནི་རྟོགས་པར་འགྱུར། །བྱང་ཆུབ་སེམས་དཔའ་བློ་དམ་པས། །ཆོས་ཀྱི་སྣང་བ་ཆེན་པོ་ཡིས། །འདུ་ཤེས་ཚོར་བ་འགོག་བྱེད་ན། །དེས་ན་
D51.040.0093b04.01ཡང་དག་གཞོལ་བར་འགྱུར། །བྱང་ཆུབ་སེམས་དཔའ་བློ་དམ་པས། །ལམ་འདི་ལ་ནི་མི་གནས་ཕྱིར། །ལམ་ལ་ཡང་དག་གཞོལ་བར་འགྱུར། །བྱང་ཆུབ་སེམས་དཔའ་འཇིགས་མེད་པས། །ཆོས་རྣམས་དག་ནི་ཐམས་ཅད་ཀྱང་། །ནམ་མཁའ་དག་པ་ལྟར་ཤེས་པས། །མཚན་མ་རྣམས་ཀྱིས་སྒྲིབ་མི་
D51.040.0093b05.01འགྱུར། །བྱང་ཆུབ་སེམས་དཔའ་ཆོས་རྣམས་ཀྱི། །རང་བཞིན་ནམ་མཁའ་འདྲར་ཤེས་ཏེ། །ཆོས་རྣམས་ནམ་མཁའ་འདྲ་བའི་ཕྱིར། །རྣམ་དག་དྲི་མ་མེད་པར་ཤེས། །བྱང་ཆུབ་སེམས་དཔའ་དེ་ལྟ་བུར། །གནས་པས་མཚན་མ་སྒྲིབ་པར་འགྱུར། །མྱུར་དུ་སེམས་ཅན་རྣམས་ལ་
D51.040.0093b06.01ནི། །གདམས་ངག་རྗེས་སུ་སྟོན་པར་འགྱུར། །བྱང་ཆུབ་སེམས་དཔའ་བློ་དམ་པའི། །ལམ་རྣམས་ཐམས་ཅད་རྣམ་དག་པས། །ལམ་ལ་བར་ཆད་ཅི་ཡང་མེད། །ཐོགས་པ་མེད་པར་གཞོལ་བར་འགྱུར། །རྣམ་པར་དག་པའི་ལམ་འདི་ནི། །བྱང་ཆུབ་ཆེན་པོར་མྱུར་དུ་འགྲོ། །འདུས་མ་
D51.040.0093b07.01