完整藏文原文 · 德格版页 当前仅加载第 42 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
བླ་མ་རྣམས་ལ་གུས་པ་དང་། མང་དུ་ཐོས་པ་རྣམས་ལ་སྟེན་པ་དང་། མཁས་པ་རྣམས་ལ་ཀུན་འདྲི་བ་དང་། ལྟ་བ་དྲང་བ་དང་། གཡོ་མེད་པར་སྤྱོད་པ་དང་། སྒྱུ་མེད་པ་དང་། བཅོས་མ་མེད་པར་སེམས་ཅན་ཐམས་ཅད་ལ་བྱམས་པ་དང་། དགེ་བ་གང་ཡིན་ཞེས་ཚོལ་བས་མི་ངོམས་པ་དང་།
D63.042.0261a01.01མང་དུ་ཐོས་པ་ལ་ཆོག་མི་ཤེས་པར་བྱེད་པ་དང་། བརྩམས་པ་རྣམས་ལ་ཡི་དམ་བརྟན་པ་དང་། འཕགས་པའི་སྐྱེ་བོ་དག་འགྲོགས་པ་དང་། འཕགས་པ་མ་ཡིན་པའི་སྐྱེ་བོ་རྣམས་ལ་ཆེར་སྙིང་རྗེ་བ་དང་། མཛའ་བ་བརྟན་པ་དང་། མཛའ་བ་དང་། མི་མཛའ་བ་ལ་སེམས་སྙོམས་པ་དང་། སངས་རྒྱས་ཀྱི་
D63.042.0261a02.01ཆོས་ཐམས་ཅད་ལ་སློབ་དཔོན་གྱི་དཔེ་མཁྱུད་མེད་པ་དང་། ཇི་ལྟར་ཐོས་པའི་ཆོས་རྣམས་རབ་ཏུ་སྟོན་པ་དང་། ཐོས་པའི་དོན་རྗེས་སུ་སྒོམ་པ་དང་། འདོད་པ་ལ་དགའ་ཞིང་རྩེ་བ་ཐམས་ཅད་ལ་མི་རྟག་པར་འདུ་ཤེས་པ་དང་། ལུས་ལ་མི་གཙང་བར་འདུ་ཤེས་པ་དང་། སྲོག་ལ་ཟིལ་པའི་ཐིགས་པ་ལྟར་འདུ་ཤེས་
D63.042.0261a03.01པ་དང་། ལོངས་སྤྱོད་ལ་སྒྱུ་མ་དང་། སྨིག་རྒྱུ་ལྟ་བུར་འདུ་ཤེས་པ་དང་། བུ་དང་ཆུང་མ་ལ་སེམས་ཅན་དམྱལ་བ་མནར་མེད་པར་འདུ་ཤེས་པ་དང་། ཞིང་དང་ཁྱིམ་གྱི་ལས་ཀྱི་མཐའ་དང་གོས་རྣམ་པ་སྣ་ཚོགས་ཡོངས་སུ་འཛིན་པ་ལ་ཕོངས་པའི་སྡུག་པར་འདུ་ཤེས་པ་དང་། ཡོངས་སུ་ཚོལ་བ་ལ་དགེ་བའི་རྩ་བ་
D63.042.0261a04.01རྣམ་པར་འཇིག་པར་འདུ་ཤེས་པ་དང་། ཁྱིམ་གྱི་གནས་ལ་གཤེད་མ་ལྟ་བུར་འདུ་ཤེས་པ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་རྣམས་ལ་སེམས་ཅན་དམྱལ་བའི་སྲུངས་མར་འདུ་ཤེས་པ་དང་། ཉིན་དང་མཚན་དུ་བྱེ་བྲག་ཏུ་གྱུར་པ་ཅི་ཡོད་ཅེས་ཡོངས་སུ་འཇལ་བར་འདུ་ཤེས་
D63.042.0261a05.01པ་དང་། སྙིང་པོ་མེད་པའི་ལུས་ལས་སྙིང་པོ་བླང་བར་འདུ་ཤེས་པ་དང་། སྙིང་པོ་མེད་པའི་སྲོག་ལས་སྙིང་པོ་བླང་བར་འདུ་ཤེས་པ་དང་། སྙིང་པོ་མེད་པའི་ལོངས་སྤྱོད་རྣམས་ལས་སྙིང་པོ་བླང་བར་འདུ་ཤེས་པ་ཡིན་ནོ། །དེ་ལ་སྙིང་པོ་མེད་པའི་ལུས་ལས་སྙིང་པོ་བླང་བར་འདུ་ཤེས་པ་གང་ཞེ་ན། གང་གཞན་གྱི་
D63.042.0261a06.01བྱའོ་ཅོག་བྱ་བར་སྤྲོ་བ་དང་། བླ་མ་རྣམས་ལ་གུས་པར་སྨྲ་བ་དང་། ཕྱག་འཚལ་བ་དང་། ལྡང་བ་དང་། ཐལ་མོ་སྦྱོར་བ་དང་། འདུད་པའི་ལས་བྱེད་པ་སྟེ། འདི་ནི་སྙིང་པོ་མེད་པའི་ལུས་ལས་སྙིང་པོ་བླང་བར་འདུ་ཤེས་པ་ཞེས་བྱའོ། །དེ་ལ་སྙིང་པོ་མེད་པའི་སྲོག་ལས་སྙིང་པོ་བླང་བར་འདུ་ཤེས་
D63.042.0261a07.01