完整藏文原文 · 德格版页 当前仅加载第 42 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བའི་རྩ་བ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ། །དེས་བསླབ་པའི་གཞི་ལྔ་པོ་དེ་དག་ཀྱང་ཤིན་ཏུ་བསྲུང་བར་བྱའོ། །གང་དུ་ཡང་དེས་ཕྲ་མ་མི་བྱ་ཞིང་བྱེ་བ་རྣམས་ཀྱི་བསྡུམས་བྱའོ། །དེས་ངག་རྩུབ་པོ་ཡང་མི་སྨྲ་བར་བྱ་ཞིང་དེས་ངག་འཇམ་པོར་སྨྲ་བ་དང་། ཚིག་
D63.042.0262b01.01མཉེན་པ་དང་། གསོང་པོར་སྨྲ་བར་བྱའོ། །ཚིག་ཀྱལ་པ་ཡང་སྨྲ་བར་མི་བྱ་ཞིང་། དུས་སུ་སྨྲ་བ་དང་། ཡང་དག་པར་སྨྲ་བ་དང་། དོན་སྨྲ་བ་དང་། ཆོས་སྨྲ་བ་དང་། རིགས་པ་སྨྲ་བ་དང་། འདུལ་བ་ས་བ་དང་། ལན་ལེགས་པར་འདེབས་པ་དང་། ཇི་སྐད་སྨྲས་པ་དེ་བཞིན་བྱེད་པར་བྱའོ། །ངེས་བརྣབ་སེམས་སུ་
D63.042.0262b02.01མི་བྱ་ཞིང་སེམས་ཅན་ཐམས་ཅད་ལ་ཕན་པ་དང་བདེ་བ་བསམ་པར་བྱའོ། །གནོད་སེམས་སུ་མི་བྱ་ཞིང་རྟག་ཏུ་བཟོད་པའི་སྟོབས་ཀྱི་གོ་ཆ་བགོ་བར་བྱའོ། །དེས་ཡང་དག་པར་བལྟ་བར་བྱ་ཞིང་ལོག་པ་ཕྱིན་ཅི་ལོག་ཏུ་ལྟ་བ་ཐམས་ཅད་དང་བྲལ་བར་བྱའོ། །ལྷར་སངས་རྒྱས་ལ་བསམ་པ་རྗེས་སུ་སོང་ཞིང་ལྷ་གཞན་མི་
D63.042.0262b03.01འཛིན་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་གནས་པ་དེར་དེས་སེམས་ཅན་རྣམས་ལ་ཆོས་ཀྱི་གཏམ་བརྗོད་པར་བྱ་སྟེ། གང་དག་མ་དད་པ་དེ་དག་ནི་དད་པ་ལ་གཟུད་པར་བྱ། སེམས་ཅན་གང་
D63.042.0262b04.01དག་མི་གུས་ཤིང་ཕར་མི་འཛིན་པ། མར་མི་འཛིན་པ། དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་གཙོ་བོ་ལ་རིམ་གྲོ་མི་བྱེད་པ། ཚུལ་དང་མི་ལྡན་ཞིང་མཚམས་ལས་འདས་པ་དེ་དག་བླ་མ་ལ་གུས་པ་དང་། ཆོས་སྤྱོད་པ་ལ་གཟུད་པར་བྱའོ། །སེམས་ཅན་གང་དག་ཐོས་པ་ཉུང་བ་དེ་དག་
D63.042.0262b05.01མང་དུ་ཐོས་པ་ལ་སྦྱར་བར་བྱའོ། །སེར་སྣ་ཅན་རྣམས་ནི་གཏོང་བ་ལ། ཚུལ་ཁྲིམས་འཆལ་པ་རྣམས་ནི་ཚུལ་ཁྲིམས་ལ། གནོད་སེམས་ཅན་རྣམས་ནི་བཟོད་པ་དང་དེས་པ་ལ། ལེ་ལོ་ཅན་རྣམས་ནི་བརྩོན་འགྲུས་རྩོམ་པ་ལ། བརྗེད་(ངས་,ངེས་)པ་རྣམས་ནི་དྲན་པ་དང་ཤེས་བཞིན་ལ། འཆལ་བའི་ཤེས་རབ་
D63.042.0262b06.01ཅན་རྣམས་ནི་ཤེས་རབ་ལ་གཟུད་པར་བྱའོ། །སེམས་ཅན་དབུལ་པོ་རྣམས་ལ་ལོངས་སྤྱོད་ཡང་དག་པར་བགོ་བར་བྱའོ། །སེམས་ཅན་ནད་པ་རྣམས་ལ་སྨན་སྦྱིན་པར་བྱའོ། །སེམས་ཅན་མགོན་མེད་པ་རྣམས་ཀྱི་མགོན་བྱའོ། །སྐྱབས་མེད་པ་རྣམས་ཀྱི་སྐྱབས་དང་། དཔུང་གཉེན་མེད་པ་རྣམས་ཀྱི་
D63.042.0262b07.01