完整藏文原文 · 德格版页 当前仅加载第 42 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། མི་སྡུག་པ་དང་ཕྲད་པར་འདུ་ཤེས་པ་དང་། སྡུག་པ་དང་བྲལ་བར་འདུ་ཤེས་པ་དང་། ཉམ་ང་བར་འདུ་ཤེས་པའོ། །མདོར་ན་ཐབ་མོའི་དྲི་མར་འདུ་ཤེས་པ་
D63.042.0269a01.01དང་། ཐབ་མོ་རྙོག་པ་ཐམས་ཅད་དུ་འདུ་ཤེས་པ་དང་། གནོད་པ་ཐམས་ཅད་ཀྱི་རྒྱུར་གྱུར་པར་འདུ་ཤེས་པ་དང་། མི་དགེ་བ་ཐམས་ཅད་ཀྱི་རྩ་བར་འདུ་ཤེས་བསྐྱེད་པར་བྱའོ། །ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་འདི་ལྟ་བུའི་འདུ་ཤེས་ཡིད་ལ་བྱེད་པས་རང་
D63.042.0269a02.01གི་ཆུང་མ་ལ་བརྟག་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་བུ་ལ་ལྷག་པར་སྡུག་པའི་སེམས་བསྐྱེད་པར་མི་བྱའོ། །ཁྱིམ་བདག་གལ་ཏེ་དེས་བུ་ལ་ལྷག་པར་སྡུག་པའི་སེམས་བསྐྱེད་ལ་དེ་བཞིན་དུ་སེམས་ཅན་གཞན་ལ་མ་ཡིན་ན་དེས་སྤྱོ་བ་གསུམ་གྱིས་རང་གི་
D63.042.0269a03.01སེམས་ལ་སྤྱོ་བར་བྱ་སྟེ། གསུམ་གང་ཞེ་ན། བྱང་ཆུབ་ནི་སེམས་སྙོམས་པའི་བྱང་ཆུབ་སེམས་དཔའི་ཡིན་གྱི །སེམས་མི་སྙོམས་པའི་མ་ཡིན་ནོ། །བྱང་ཆུབ་ནི་ཡང་དག་པར་སྦྱོར་བའི་བྱང་ཆུབ་སེམས་དཔའི་ཡིན་གྱི། ལོག་པའི་སྦྱོར་བའི་ནི་མ་ཡིན་ནོ། །བྱང་ཆུབ་ནི་ཐ་དད་པ་མེད་པར་སྤྱོད་པའི་
D63.042.0269a04.01བྱང་ཆུབ་སེམས་དཔའི་ཡིན་གྱི །ཐ་དད་དུ་སྤྱོད་པའི་ནི་མ་ཡིན་པ་སྟེ། སྤྱོ་བ་གསུམ་པོ་དེ་དག་གིས་རང་གི་སེམས་ལ་སྤྱོས་ནས་བུ་དེ་ལ་མི་སྡུག་པའི་འདུ་ཤེས་བསྐྱེད་པར་བྱའོ། །འདི་ནི་མི་སྡུག་པ་སྟེ། བདག་གི་སྙིང་དུ་སྡུག་པ་མ་ཡིན་ན། གང་བདག་གིས་དེའི་དོན་དུ་བུ་དེ་ལ་ནི་ལྷག་
D63.042.0269a05.01པར་སྡུག་པ་སྐྱེད་ལ། སེམས་ཅན་གཞན་ལ་ནི་དེ་ལྟ་མ་ཡིན་ན། སངས་རྒྱས་ཀྱིས་བཀའ་སྩལ་པའི་བསླབ་པ་དང་འགལ་བར་འགྱུར་རོ། །བདག་གིས་དེའི་ཕྱིར་དགེ་བའི་རྩ་བ་ལ་ཡང་གནོད་པར་བྱས། སྲོག་ལ་ཡང་བག་མེད་དེ་གནོད་པར་གྱུར་པས་འདི་ནི་བདག་ལ་གནོད་པ་བྱེད་པའོ། །
D63.042.0269a06.01བདག་དེའི་ཕྱིར་བྱང་ཆུབ་ཀྱི་ལམ་དང་མི་འཐུན་པའི་ལམ་ལ་སྤྱོད་པས་འདི་ནི་བདག་ལ་ཕྱིར་རྒོལ་བའོ་སྙམ་དུ་འདུ་ཤེས་གསུམ་པོ་དེ་དག་བསྐྱེད་པར་བྱའོ། །དེས་བུ་དེ་རྒྱུར་བྱས་ཏེ། ཇི་ལྟ་ཇི་ལྟ་བུར་བུ་དེ་ལ་སྡུག་པར་སེམས་པ་དང་ལྡན་པ་བཞིན་དུ་སེམས་ཅན་ཐམས་ཅད་ལ་བྱམས་པ་བསྐྱེད་
D63.042.0269a07.01