完整藏文原文 · 德格版页 当前仅加载第 42 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་ལུང་འབོག་པ་དང་། ཁ་ཏོན་བྱ་བ་དང་། རྗེས་སུ་བསྟན་པས་ཕན་འདོགས་པར་མི་འགྱུར་དུ་འོང་ཞེས་ལུས་དང་སེམས་ལས་སུ་རུང་བ་དང་། སེམས་ཅང་ཤེས་པས་འགྲོ་བར་བྱའོ། །དེ་ལུང་མནོད་པ་དང་། ཁ་ཏོན་གྱི་ཕྱིར་ལུས་དང་སྲོག་ལ་ཡང་མི་བལྟ་བར་བྱའོ། །ཆོས་
D63.042.0283b01.01འདོད་པས་སློབ་དཔོན་དང་། མཁན་པོ་རྣམས་ཀྱི་བསམ་པ་ཡོངས་སུ་རྫོགས་པར་བྱའོ། །ཡོན་ཏན་དོན་དུ་གཉེར་བས་རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམས་ཅད་དོན་དུ་མི་གཉེར་བར་བྱའོ། །ཁྱིམ་བདག་གལ་ཏེ་བྱང་ཆུབ་སེམས་དཔའ་ལུང་མནོད་པ་དང་།
D63.042.0283b02.01ཁ་ཏོན་དུ་བྱ་བ་དོན་དུ་གཉེར་བས་གཞན་དག་ལས་ཚིག་བཞི་པའི་ཚིགས་སུ་བཅད་པ་ཙམ་འམ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་ལྡན་པའམ། བྱང་ཆུབ་སེམས་དཔའི་ལམ་གྱི་ཚོགས་སོགས་
D63.042.0283b03.01པ་དང་ལྡན་པའི་ཚིག་བཞི་པའི་ཚིགས་སུ་བཅད་པ་སུ་ལས་མཉན་ཏམ། ལུང་མནོས་སམ། བཟུང་ན་དེས་སློབ་དཔོན་དེ་ལ་ཆོས་ཀྱི་ཕྱིར་གུས་པར་བྱའོ། །མིང་དང་། ཚིག་དང་། ཡི་གེ་ཇི་སྙེད་ཀྱིས་ཚིགས་སུ་བཅད་པ་བསྟན་པ་དེ་སྙེད་ཀྱི་བསྐལ་པར་གལ་ཏེ་སློབ་དཔོན་
D63.042.0283b04.01དེ་ལ་གཡོ་མེད་པས་བསྙེན་བཀུར་དང་། གཡོག་བྱས་ཤིང་རྙེད་པ་དང་། བཀུར་སྟི་ཐམས་ཅད་ཀྱིས་མཆོད་པ་བྱས་སུ་ཟིན་ཀྱང་། ཁྱིམ་བདག་ད་དུང་དུ་དེས་སློབ་དཔོན་ལ་སློབ་དཔོན་དུ་རི་མོ་བྱ་བ་རྫོགས་པར་མི་འགྱུར་ན་ཆོས་མ་ཡིན་པའི་གུས་པས་ལྟ་ཅི་སྨོས། ཁྱིམ་
D63.042.0283b05.01བདག་དད་པས་མཉན་ཅིང་བསྒོམ་པ་དང་། ཁ་ཏོན་ལ་འཇུག་པ་དེའི་སེམས་དང་། སེམས་ལས་བྱུང་བ་དགེ་བ་དང་ལྡན་པའམ། སངས་རྒྱས་དང་ལྡན་པའམ། ཆོས་དང་ལྡན་པའམ། དགེ་འདུན་དང་ལྡན་པའམ། སྐྱོ་ཞིང་འདོད་ཆགས་དང་བྲལ་བ་དང་ལྡན་པའམ།
D63.042.0283b06.01བྱང་བ་དང་། དུལ་བ་དང་། ཞི་བ་དང་ལྡན་པའི་འཇུག་པ་ཇི་སྙེད་པ་གལ་ཏེ་དེ་སྙེད་ཀྱི་བསྐལ་པར་སློབ་དཔོན་ལ་བསྙེན་བཀུར་བྱས་སུ་ཟིན་ཀྱང་། ཁྱིམ་བདག་ད་དུང་དུ་སློབ་དཔོན་ལ་སློབ་དཔོན་དུ་རི་མོ་བྱ་བ་རྫོགས་པ་མ་ཡིན་ནོ། །ཁྱིམ་བདག་རྣམ་གྲངས་འདིས་ཀྱང་ཇི་
D63.042.0283b07.01