完整藏文原文 · 德格版页 当前仅加载第 42 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་མཆོད་སྦྱིན་བྱས་ཏེ་བདོག་པ་ཐམས་ཅད་ཡོངས་སུ་བཏང་བ་བྱས་པ་དེ་དག་ཐམས་ཅད་ནི་ལེགས་པར་བཤད་པའི་ཆོས་འདུལ་བ་ལ་རབ་ཏུ་འབྱུང་བའི་སེམས་ཀྱིས་ཟིལ་གྱིས་ནོན་ཏོ་སྙམ་དུ་སེམས་བསྐྱེད་པར་བྱའོ། །དེ་ཅིའི་ཕྱིར་ཞེ་ན། ཁྱིམ་བདག་མ་དད་པ་དང་། བྱས་པ་མི་གཟོ་
D63.042.0274a01.01བ་དང་། ཆོམ་རྐུན་དང་། གདོལ་པ་དང་། རྒྱལ་པོའི་བཀྲབས་པ་དང་། བློན་པོ་ཡང་སྦྱིན་པ་སྦྱིན་པར་བྱེད་དེ། ཟང་ཟིང་གི་སྦྱིན་པ་ནི་དམན་པ་ཡིན་ནོ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་འདི་ལྟར་བདག་གིས་སྦྱིན་པའི་སྙིང་པོས་ཆོག་པར་མི་བྱའི་བདག་གིས་ནི་ཚུལ་ཁྲིམས་
D63.042.0274a02.01དང་། ཐོས་པ་དང་། ཚངས་པར་སྤྱོད་པ་ཡང་སྙིང་པོར་བྱའོ་སྙམ་དུ་སེམས་བསྐྱེད་པར་བྱའོ། །དེ་གཙུག་ལག་ཁང་དུ་འོངས་ན་དེ་བཞིན་གཤེགས་པའི་མཚན་མ་ལ་ཕྱག་བྱའོ། །དེ་དག་ལ་ཕྱག་བྱས་ནས་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། བདག་ཀྱང་འདི་འདྲ་བར་
D63.042.0274a03.01མཆོད་པའི་འོས་སུ་འགྱུར་བར་བྱ་བ་དང་། སེམས་ཅན་ལ་སྙིང་བརྩེ་བའི་ཕྱིར་བདག་གི་ལུས་ཀྱང་བྱིན་གྱིས་བརླབ་པ་དང་། བདག་ཀྱང་ཇི་ལྟར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སངས་རྒྱས་ཀྱི་བྱ་བ་བྱས་ཏེ་དེ་བཞིན་གཤེགས་པ་ཡོངས་སུ་མྱ་
D63.042.0274a04.01ངན་ལས་འདས་པས་ཡོངས་སུ་མྱ་ངན་ལས་འདའ་བར་བྱ་བ་དེ་ལྟར་བསླབ་ཅིང་དེ་ལྟར་ནན་ཏན་བྱའོ་སྙམ་པའོ། །དེ་གཙུག་ལག་ཁང་དུ་ཞུགས་ན་དེས་དགེ་སློང་མང་དུ་ཐོས་པ་ནི་གང་། དགེ་སློང་ཆོས་བརྗོད་པ་ནི་གང་། དགེ་སློང་འདུལ་བ་འཛིན་པ་ནི་གང་། དགེ་སློང་མ་མོ་འཛིན་པ་ནི་གང་། དགེ་སློང་
D63.042.0274a05.01བྱང་ཆུབ་སེམས་དཔའི་སྡེ་སྣོད་འཛིན་པ་ནི་གང་། དགེ་སློང་དགོན་པ་བ་ནི་གང་། བསོད་སྙོམས་པ་ནི་གང་། ཕྱག་དར་ཁྲོད་པ་དང་། འདོད་པ་ཆུང་བ་དང་། ཆོག་ཤེས་པ་དང་། རབ་ཏུ་དབེན་པ་ནི་གང་། དགེ་སློང་རྣལ་འབྱོར་སྤྱོད་པ་ནི་གང་། དགེ་སློང་བསམ་གཏན་པ་ནི་གང་། དགེ་སློང་བྱང་ཆུབ་སེམས་
D63.042.0274a06.01དཔའི་ཐེག་པ་བ་ནི་གང་། དགེ་སློང་ལག་གི་བླ་ནི་གང་། དགེ་སློང་ཞལ་ཏ་བྱེད་པ་ནི་གང་། དགེ་སློང་དཔོན་སྣ་བྱེད་པ་ནི་གང་ཡིན་ཞེས་དགེ་སློང་གི་དགེ་འདུན་གྱི་སྤྱོད་པ་ཐམས་ཅད་ལ་རྣམ་པར་བརྟག་པར་བྱའོ། །དེས་དེ་དག་གི་སྤྱོད་པ་ལ་རྣམ་པར་བརྟགས་ནས་ཐམས་ཅད་དང་འཐུན་པར་འཇུག་པའི་
D63.042.0274a07.01