完整藏文原文 · 德格版页 当前仅加载第 42 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་རྣམ་པར་སྨིན་པའི་ཆོས་ཚད་མེད་ཅིང་ཡེ་ཤེས་ཁོང་དུ་ཆུད་པ་ཚད་མེད་པ་དེ་ལྟར་རིག་པར་བྱའོ། །ཁྱིམ་བདག་དེ་ལྟ་བས་ན་རྣམ་པར་སྨིན་པའི་ཆོས་ཚད་མེད་པ་དང་། ཡེ་ཤེས་ཁོང་དུ་ཆུད་པ་ཚད་མེད་པ་དྲིས་པས་བདག་གི་སློབ་དཔོན་
D63.042.0284a01.01ཡང་ཚད་མེད་དོ་སྙམ་ནས་བྱང་ཆུབ་སེམས་དཔའ་ཆོས་ལ་རི་མོ་ཚད་མེད་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས། རབ་ཏུ་བྱུང་བའི་སྒྲུབ་པ་ལ་གནས་པར་བྱའོ། །ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་རབ་ཏུ་
D63.042.0284a02.01བྱུང་བའི་སྒྲུབ་པ་ལ་གནས་པ་ཡིན་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་ཚུལ་ཁྲིམས་ཡོངས་སུ་དག་པ་ཐོས་ན་དེ་ལ་སློབ་སྟེ། བཞི་པོ་འདི་དག་ནི་ཚུལ་ཁྲིམས་ཡོངས་སུ་དག་པའོ། །བཞི་གང་ཞེ་ན། འཕགས་པའི་རིགས་རྣམས་ལ་གནས་པ་དང་།
D63.042.0284a03.01སྦྱངས་པའི་ཡོན་ཏན་དང་ཡོ་བྱད་བསྙུངས་པ་ལ་མངོན་པར་དགའ་བ་དང་། ཁྱིམ་ན་གནས་པ་དང་། རབ་ཏུ་བྱུང་བ་རྣམས་དང་མི་འདྲེ་བ་དང་། ཚུལ་འཆོས་པ་མེད་པར་དགོན་པ་ལ་གནས་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ། །ཁྱིམ་བདག་གཞན་ཡང་ཚུལ་
D63.042.0284a04.01ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། ལུས་བསྡམས་པས་ལུས་མི་དམིགས་པ་དང་། ངག་བསྡམས་པས་ངག་མི་དམིགས་པ་དང་། ཡིད་བསྡམས་པས་ཡིད་མི་དམིགས་པ་དང་། ལྟ་བ་དང་བྲལ་བས་ཐམས་ཅད་མཁྱེན་པར་སེམས་བསྐྱེད་པ་སྟེ། བཞི་པོ་
D63.042.0284a05.01དེ་དག་ནི་ཚུལ་ཁྲིམས་ཡོངས་སུ་དག་པའོ། །ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། ངར་འཛིན་པ་སྤངས་པ་དང་། ང་ཡིར་འཛིན་པ་བོར་བ་དང་། ཆད་པ་དང་། རྟག་པ་དང་བྲལ་བ་དང་། རྟེན་པའི་ཆོས་ལ་འཇུག་པ་སྟེ། བཞི་པོ་
D63.042.0284a06.01དེ་དག་ནི་ཚུལ་ཁྲིམས་ཡོངས་སུ་དག་པའོ། །ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། ཕུང་པོ་རྣམས་ལ་འབྱུང་བ་དང་འཇིག་པར་རྟོག་པ་དང་། ཁམས་རྣམས་ལ་ཆོས་ཀྱི་དབྱིངས་སུ་ཡོངས་སུ་འཇལ་བ་དང་། སྐྱེ་
D63.042.0284a07.01