完整藏文原文 · 德格版页 当前仅加载第 42 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པ་སྐྱེ་བར་འགྱུར་སྙམ་དུ་སེམས་ངེས་པར་བསམ་པར་བྱའོ། །གལ་ཏེ་དེ་ལྟར་བསམས་ཀྱང་དངོས་པོ་དེ་གཏོང་མ་ནུས་ན། དེས་སློང་བ་ལ་ཀུན་གོ་བར་བྱ་བ་གསུམ་གྱིས་གོ་བར་བྱ་སྟེ། བདག་ནི་ད་དུང་དུ་མཐུ་ཆུང་ཞིང་དགེ་བའི་རྩ་བ་ཡོངས་སུ་མ་སྨིན་ཏེ། ཐེག་པ་ཆེན་པོ་ལ་ལས་དང་པོ་
D63.042.0270a01.01བ་དང་། བདག་ནི་མི་གཏོང་བ་ལ་སེམས་ཀྱི་དབང་དུ་གྱུར་པ་དང་། བདག་ནི་ཉེ་བར་ལེན་པའི་ལྟ་བ་དང་བཅས་པ་དང་། བདག་ཏུ་འཛིན་པ་དང་། བདག་གིར་འཛིན་པ་ལ་གནས་པ་ལགས་ཀྱིས། སྐྱེས་བུ་དམ་པ་བཟོད་པར་མཛད་ཅིང་ཡོངས་སུ་གདུང་བར་མི་མཛད་དུ་གསོལ། ཇི་ལྟར་ཁྱོད་དང་སེམས་ཅན་
D63.042.0270a02.01ཐམས་ཅད་ཀྱི་བསམ་པ་ཡོངས་སུ་རྫོགས་པར་འགྱུར་བ་དེ་ལྟར་བདག་གིས་བགྱིའོ། །དེ་ལྟར་བསྒྲུབ་པོ། །དེ་ལྟར་བརྩོན་འགྲུས་བརྩམ་མོ་ཞེས་ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པས་སློང་བ་ལ་ཀུན་གོ་བར་བྱ་བ་གསུམ་གྱིས་གོ་བར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་
D63.042.0270a03.01པ་ཁྱིམ་ན་གནས་པས་རྟག་ཏུ་རྒྱུན་མི་འཆད་པར་ཡོངས་སུ་བསྔོ་བ་ལ་མཁས་པར་བྱ་སྟེ། གལ་ཏེ་དེ་སྟོན་པ་འདས་པའི་གསུང་རབ་ཡོད་ལ་སངས་རྒྱས་འབྱུང་བ་ཡང་མེད། ཆོས་སྟོན་པ་ཡང་མེད། འཕགས་པའི་དགེ་འདུན་དང་ཕྲད་པ་ཡང་མེད་པར་གྱུར་ན། དེས་ཕྱོགས་བཅུའི་སངས་རྒྱས་
D63.042.0270a04.01ཐམས་ཅད་ལ་ཕྱག་བྱས་ཏེ། གང་དེ་དག་གི་སྔོན་གྱི་སྤྱོད་པ་དང་མཚུངས་པར་སྤྱོད་པ་དང་། དགེ་བ་སྤྱོད་པ་དང་། བསམ་པ་དང་། ལྷག་པའི་བསམ་པ་ཕུན་སུམ་ཚོགས་པ་དང་། བྱང་ཆུབ་ཐོབ་པ་རྣམས་ཀྱི་སངས་རྒྱས་ཀྱི་ཆོས་ཐམས་ཅད་ཡོངས་སུ་གྲུབ་པ་དེ་དེས་རྗེས་སུ་དྲན་པར་བྱ། རྗེས་སུ་
D63.042.0270a05.01ཡི་རང་བར་བྱའོ། །དེས་ཡང་འདི་ལྟར་ཉིན་ལན་གསུམ་མཚན་ལན་གསུམ་དུ་ལུས་ཀྱི་ལས་ཡོངས་སུ་དག་པ་དང་། ངག་གི་ལས་ཡོངས་སུ་དག་པ་དང་། ཡིད་ཀྱི་ལས་ཡོངས་སུ་དག་པ་དང་། གཙང་བ་དང་། བསམ་པ་དག་པ་དང་། བྱམས་པ་བསྒོམ་པ་ལ་མཁས་པ་དང་། གོས་གཙང་མ་དང་། ངོ་ཚ་ཤེས་ཤིང་
D63.042.0270a06.01(ཁྲིལ་,ཁྲེལ་)ཡོད་པས་ལེགས་པར་བརྒྱན་པ་དང་། བསོད་ནམས་ཀྱི་ཚོགས་དགེ་བའི་རྩ་བ་བསགས་པ་དང་། མཛེས་པ་དང་། བྱང་ཆུབ་ཀྱི་སེམས་ལ་རབ་ཏུ་དགའ་བ་དང་། དེས་པ་དང་། འགྲོགས་ན་བདེ་བ་དང་། ལེགས་པར་བྱ་བའི་ལས་བྱེད་པ་དང་། གུས་པ་དང་བཅས་པ་དང་། བཀའ་བློ་བདེ་བ་དང་།
D63.042.0270a07.01