完整藏文原文 · 德格版页 当前仅加载第 42 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རབ་ཏུ་བྱུང་བས་ཕན་ཡོན་བཅུ་པོ་དེ་དག་མཐོང་ནས་ཇི་སྲིད་འཚོ་བའི་མཐའི་བར་དུ་དགོན་པ་ལ་གནས་པ་ཡོངས་སུ་མི་གཏོང་བར་བྱའོ། །ཁྱིམ་བདག་གལ་ཏེ་བྱང་ཆུབ་སེམས་དཔའ་དགོན་པ་ལ་གནས་པ་ཆོས་ཉན་པར་འདོད་དམ། སློབ་དཔོན་དང་། མཁན་པོ་བལྟ་བར་འདོད་
D63.042.0278b01.01དམ། ན་བ་དྲི་བའི་ཕྱིར་གྲོང་གི་གནས་སུ་འོངས་ན། དེས་དགོངས་སུ་སླར་ལྡོག་པར་བྱ་བའི་ཕྱིར་འགྲོ་བའི་སེམས་བསྐྱེད་པར་བྱའོ། །དེ་གལ་ཏེ་ལུང་མནོད་པ་དང་། ཁ་ཏོན་བྱ་བ་གཞན་ལ་རག་ལས་ཏེ། གཙུག་ལག་ཁང་ན་གནས་ན་ཡང་དེས་དགོན་པ་ལ་གཞོལ་བའི་སེམས་ཀྱིས་གང་དངོས་པོ་
D63.042.0278b02.01ཐམས་ཅད་ལ་དགོན་པར་འདུ་ཤེས་པ་དང་། ཆོས་ཚོལ་བས་མི་ངོམས་པ་དེ་ཉིད་དགོན་པ་ལ་གནས་པ་ཡིན་ནོ་སྙམ་དུ་བསམ་མོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པས་འདི་ལྟར་བདག་ཅིའི་ཕྱིར་དགོན་པ་ལ་གནས། དགོན་པ་ལ་གནས་པ་འབའ་
D63.042.0278b03.01ཞིག་ནི་དགེ་སྦྱོང་མ་ཡིན་ཏེ། འདི་ན་ནི་མ་བྱང་བ། མ་སྦས་པ། མ་ཞི་བ། མ་དུལ་བ། མི་འགྲུས་པ། རབ་ཏུ་མི་བརྩོན་པ་འདི་ལྟ་སྟེ། {རི་དགས་,རི་དྭགས་}དང་། སྤྲེའུ་དང་། བྱ་མང་པོ་དང་། ཆོམ་རྐུན་དང་། གདོལ་པ་དག་ཀྱང་མང་དུ་གནས་ཏེ། དེ་དག་ཀྱང་དགེ་སྦྱོང་གི་ཡོན་ཏན་དང་ལྡན་པ་མ་ཡིན་
D63.042.0278b04.01པས་གང་གི་ཕྱིར་བདག་དགོན་པ་ལ་གནས་པ་འདི་ལྟ་སྟེ། དགེ་སྦྱོང་གི་དོན་དེ་ཡོངས་སུ་རྫོགས་པར་བྱའོ་སྙམ་དུ་བརྟག་པར་བྱའོ། །ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བའི་དགེ་སྦྱོང་གི་དོན་གང་ཞེ་ན། འདི་ལྟ་སྟེ་དྲན་པ་དང་། ཤེས་བཞིན་དང་། མི་གཡེང་བ་དང་། གཟུངས་རབ་
D63.042.0278b05.01ཏུ་ཐོབ་པ་དང་། བྱམས་པ་བསྟེན་པ་དང་། སྙིང་རྗེ་བསྟེན་པ་དང་། མངོན་པར་ཤེས་པ་རྣམས་ལ་དབང་བསྒྱུར་བ་དང་། ཕ་རོལ་དུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་བྱ་བ་དང་། ཐམས་ཅད་མཁྱེན་པ་ཉིད་ཀྱི་སེམས་ཡོངས་སུ་མི་གཏོང་བ་དང་། ཐབས་མཁས་པའི་ཡེ་ཤེས་བསྒོམ་
D63.042.0278b06.01པ་དང་། སེམས་ཅན་བསྡུ་བ་དང་། སེམས་ཅན་ཡོངས་སུ་སྨིན་པར་བྱ་བ་དང་། བསྡུ་བའི་དངོས་པོ་བཞི་ཡོངས་སུ་མི་གཏང་བ་དང་། རྗེས་སུ་དྲན་པ་དྲུག་རྗེས་སུ་དྲན་པ་དང་། ཐོས་པ་དང་། བརྩོན་འགྲུས་མི་འདོར་བ་དང་། ཚུལ་བཞིན་དུ་ཆོས་རབ་ཏུ་རྣམ་པར་འབྱེད་པ་དང་། ཡང་དག་པར་
D63.042.0278b07.01