完整藏文原文 · 德格版页 当前仅加载第 42 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
ང་རྒྱལ་དང་། རྒྱགས་པ་དང་། དྲེགས་པ་ཡང་དག་པར་ཆད་པས་མི་དགེ་བའི་ལས་ཀྱི་ཉེས་པ་ཐམས་ཅད་བཤགས་པ་དང་། ཕྱིན་ཅད་ཀྱང་བསྡམ་པ་དང་། བསོད་ནམས་ཐམས་ཅད་ཀྱི་རྗེས་སུ་ཡི་རང་བ་དང་། མཚན་བསགས་པ་རབ་ཏུ་རྫོགས་པར་བྱ་བ་དང་། སངས་རྒྱས་ཐམས་ཅད་ལ་ཆོས་ཀྱི་འཁོར་
D63.042.0270b01.01ལོ་རབ་ཏུ་བསྐོར་བར་གསོལ་བ་གདབ་པ་དང་། ཆོས་ཐམས་ཅད་གཟུང་བ་དང་། སངས་རྒྱས་ཀྱི་ཞིང་དཔག་ཏུ་མེད་པ་རྣམས་སུ་ཚེ་ཡོངས་སུ་བསྲུང་བའི་ཕྱིར་ཕུང་པོ་གསུམ་པའི་ཆོས་ཀྱི་རྣམ་གྲངས་ཁ་ཏོན་དུ་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་ཡན་ལག་བརྒྱད་
D63.042.0270b02.01དང་ལྡན་པའི་བསྙེན་པར་གནས་པ་བླང་བར་བྱའོ། །དེས་དགེ་སྦྱོང་དང་བྲམ་ཟེ་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། དགེ་བའི་ཆོས་དང་ལྡན་པ་རྣམས་ལ་བསྙེན་པར་བྱ། བསྟེན་པར་བྱ། བསྙེན་བཀུར་བྱའོ། །དེ་དག་ལ་བསྙེན་ཅིང་བསྟེན་ཏེ། བསྙེན་བཀུར་བྱེད་ཅིང་། སྤྱོད་པ་འཁྲུལ་པ་མེད་
D63.042.0270b03.01པར་རང་གི་ཉེས་པ་མཐོང་བར་བྱའོ། །དེས་དགེ་སྦྱོང་གི་སྤྱོད་པ་ལས་ཉམས་པའི་དགེ་སློང་མཐོང་ན་ཡང་མི་གུས་པའི་བག་ཅུང་ཟད་ཀྱང་མི་བྱ་སྟེ། འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྙོག་པ་མེད་པ། ཉོན་མོངས་པའི་རྙོག་པ་ཐམས་
D63.042.0270b04.01ཅད་དང་བྲལ་བ་དེའི་ངུར་སྨྲིག་ནི་ཚུལ་ཁྲིམས་ཀྱིས་ཡོངས་སུ་བསྒོས་པ། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བས་ཡོངས་སུ་བསྒོས་པ་འདི་དག་ཡིན་ཏེ། འདི་ནི་འཕགས་པ་རྣམས་ཀྱི་དྲང་སྲོང་གི་རྒྱལ་མཚན་ཡིན་ནོ་སྙམ་དུ་སེམས་བསྐྱེད་
D63.042.0270b05.01པར་བྱའོ། །དེས་དེ་དག་ལ་རབ་ཏུ་གུས་པ་བསྐྱེད་ནས་དགེ་སློང་དེ་ལ་སྙིང་རྗེ་ཆེན་པོ་བསྐྱེད་པར་བྱའོ། །སྡིག་པའི་སྤྱོད་པ་འདི་ནི་མ་ལེགས་སོ། །ཀུན་ནས་ཉོན་མོངས་པའི་སྤྱོད་པ་འདི་ནི་མ་ལེགས་སོ། །འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D63.042.0270b06.01རྒྱས་དུལ་བ། ཞི་བ། སྦས་པ། ཅང་ཤེས་པ་དེའི་དྲང་སྲོང་གི་རྒྱལ་མཚན་བགོས་ཀྱང་འདི་ནི་མ་བྱང་། མ་ཞི། མ་སྦས། མ་དུལ་བ་སྟེ། ཅང་ཤེས་པ་མ་ཡིན་པའི་སྤྱོད་པ་སྤྱོད་དོ། །བཅོམ་ལྡན་འདས་དེས་མ་བསླབས་པ་ལ་མ་བརྙས་ཤིག་ཅེས་གསུངས་པས་ན་འདིས་ཉེས་པ་མ་ཡིན། ཉོན་
D63.042.0270b07.01