完整藏文原文 · 德格版页 当前仅加载第 42 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
མཆེད་རྣམས་ལ་གྲོང་སྟོང་པར་འདུ་ཤེས་པ་དང་། ཐ་སྙད་བཏགས་པ་རྣམས་ལ་མངོན་པར་མ་ཞེན་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ། །ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། བདག་
D63.042.0284b01.01ལ་བདག་མེད་པར་འདུ་ཤེས་པས་བདག་ལ་མི་སྟོད་པ་དང་། གཞན་མི་དམིགས་པས་གཞན་ལ་མི་སྨོད་པ་དང་། སེམས་ཤིན་ཏུ་སྦྱངས་པས་རློམ་སེམས་མེད་པ་དང་། ཆོས་ཐམས་ཅད་མཉམ་པ་ཉིད་པས་གཡོ་བ་མེད་པ་སྟེ། བཞི་པོ་དེ་དག་ནི་ཚུལ་ཁྲིམས་
D63.042.0284b02.01ཡོངས་སུ་དག་པའོ། །ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། སྟོང་པ་ཉིད་ལ་མོས་པ་དང་། མཚན་མ་མེད་པས་མི་སྐྲག་པ་དང་། སེམས་ཅན་ཐམས་ཅད་ལ་ཆེར་སྙིང་རྗེ་བ་དང་། བདག་མེད་པ་ལ་བཟོད་པ་སྟེ།
D63.042.0284b03.01བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ཏིང་ངེ་འཛིན་ཡོངས་སུ་དག་པ་ཐོས་ན་དེ་ལ་སློབ་སྟེ། ཏིང་ངེ་འཛིན་ཡོངས་སུ་དག་པ་གང་ཞེ་ན། གང་ཆོས་ཐམས་ཅད་ལ་རྩོལ་བ་མེད་པ་
D63.042.0284b04.01དང་། ཆོས་ཐམས་ཅད་མཉམ་པ་ཉིད་པས་གཉིས་སུ་དབྱེར་མེད་པ་དང་། སེམས་ལས་སུ་རུང་བ་དང་། སེམས་རྩེ་གཅིག་པ་དང་། སེམས་ངེས་པར་བྱུང་བ་དང་། སེམས་མི་འཕྲོ་བ་དང་། སེམས་ཀུན་ཏུ་མི་རྒྱུག་པ་དང་། སེམས་མི་གནས་པ་དང་།
D63.042.0284b05.01སེམས་ངེས་པར་སེམས་པར་བྱིན་གྱིས་རློབ་པ་དང་། སེམས་ལ་དབང་སྒྱུར་བ་དང་། སེམས་འདོད་པའི་ཡོན་ཏན་རྣམས་ལ་མི་ཆགས་པ་དང་། སེམས་ཆོས་ལ་སྒྱུ་མར་སོ་སོར་རྟོག་པ་དང་། ཇི་ལྟར་ཆོས་ཀྱི་དབྱིངས་མངོན་པར་འདུ་མི་བྱེད་པ་དང་། ཇི་ལྟར་མི་སྐྱེ་
D63.042.0284b06.01མི་འབྱུང་ཞིང་མཉམ་པ་ཉིད་པ་དེ་ལྟར་ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཏིང་ངེ་འཛིན་ཡོངས་སུ་དག་པ་ལ་སོ་སོར་རྟོག་གོ །ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཐོས་ན་དེ་ལ་སློབ་སྟེ།
D63.042.0284b07.01