完整藏文原文 · 德格版页 当前仅加载第 42 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་གྲོལ་བའི་ཕྱིར་བརྩོན་པ་དང་། འབྲས་བུ་ཐོབ་པ་རྣམས་ཤེས་པ་དང་། སྐྱོན་མེད་པ་ལ་འཇུག་པར་གནས་པ་དང་། དམ་པའི་ཆོས་བསྲུང་བ་དང་། ལས་ཀྱི་རྣམ་པར་སྨིན་པ་ལ་ཡིད་ཆེས་པས་ཡང་དག་པར་ལྟ་བ་དང་། རྟོག་པ་དང་། རྣམ་པར་རྟོག་པ་ཐམས་ཅད་རབ་ཏུ་
D63.042.0279a01.01ཆད་པས་ཡང་དག་པའི་རྟོག་པ་དང་། མོས་པ་ཇི་ལྟ་བ་བཞིན་དུ་ཆོས་སྟོན་པས་ཡང་དག་པའི་ངག་དང་། ལས་ཟད་པ་ཡོངས་སུ་རྫོགས་པས་ཡང་དག་པའི་ལས་ཀྱི་མཐའ་དང་། བག་ཆགས་ཀྱི་མཚམས་སྦྱོར་ཡང་དག་པར་བཅོམ་པས་ཡང་དག་པའི་འཚོ་བ་དང་། རྫོགས་པའི་བྱང་ཆུབ་ཁོང་དུ་ཆུད་
D63.042.0279a02.01པས་ཡང་དག་པའི་རྩོལ་བ་དང་། བརྗེད་པ་མེད་པའི་ཆོས་ཉིད་ཀྱིས་ཡང་དག་པའི་དྲན་པ་དང་། ཐམས་ཅད་མཁྱེན་པའི་ཡེ་ཤེས་ཡོངས་སུ་ཐོབ་པས་ཡང་དག་པའི་ཏིང་ངེ་འཛིན་དང་། སྟོང་པ་ཉིད་ཀྱིས་མི་སྐྲག་པ་དང་། མཚན་མ་མེད་པ་ལ་མི་ཞུམ་པ་དང་། སྨོན་པ་མེད་པ་ལ་མི་འགོང་བ་
D63.042.0279a03.01དང་། བསམས་བཞིན་དུ་ཡེ་ཤེས་ཀྱིས་སྲིད་པ་ཡོངས་སུ་འཛིན་པ་དང་། དོན་ལ་རྟོན་གྱི་ཡི་གེ་ལ་མི་རྟོན་པ་དང་། ཡེ་ཤེས་ལ་རྟོན་གྱི་རྣམ་པར་ཤེས་པ་ལ་མི་རྟོན་པ་དང་། ཆོས་ལ་རྟོན་གྱི་གང་ཟག་ལ་མི་རྟོན་པ་དང་། ངེས་པའི་དོན་གྱི་མདོ་སྡེ་ལ་རྟོན་གྱི་དྲང་བའི་མདོ་སྡེ་ལ་མི་རྟོན་པ་དང་། ཐོག་
D63.042.0279a04.01མ་ནས་མ་བྱུང་ཞིང་མི་འཇིག་པའི་ཚུལ་གྱིས་ཆོས་ཀྱི་ངོ་བོ་ཉིད་ལ་མི་རྟོག་པ་དེ་ནི་ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བའི་དགེ་སྦྱོང་གི་དོན་ཅེས་བྱའོ། །ཁྱིམ་བདག་ཡང་བྱང་ཆུབ་སེམས་དཔའ་རབ་ཏུ་བྱུང་བས་འགྲོགས་པ་མེད་པ་མང་དུ་བྱའོ། །དེས་འདི་ལྟར་ཡང་བདག་ནི་སེམས་ཅན་དང་
D63.042.0279a05.01འདྲེ་བར་མི་བྱ་སྟེ། བདག་གིས་སེམས་ཅན་གཅིག་གི་དགེ་བའི་རྩ་བ་བསྐྱེད་པར་མི་བྱའི། བདག་གིས་སེམས་ཅན་ཐམས་ཅད་ཀྱི་དགེ་བའི་རྩ་བ་བསྐྱེད་པར་བྱའོ་སྙམ་དུ་བརྟག་པར་བྱའོ། །དེ་ལྟ་མོད་ཀྱི་ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བའི་འགྲོགས་པ་བཞི་པོ་འདི་དག་ནི་དེ་
D63.042.0279a06.01བཞིན་གཤེགས་པས་གནང་སྟེ། བཞི་གང་ཞེ་ན། ཆོས་མཉན་པའི་ཕྱིར་འགྲོགས་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་འགྲོགས་པ་དང་། དེ་བཞིན་གཤེགས་པ་ལ་མཆོད་པ་དང་། རིམ་གྲོ་བྱ་བའི་ཕྱིར་འགྲོགས་པ་དང་། ཐམས་ཅད་མཁྱེན་པ་ཉིད་ཀྱི་སེམས་
D63.042.0279a07.01