完整藏文原文 · 德格版页 当前仅加载第 42 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་བོ་ཉིད་ཀྱིས་སྟོང་པས་གར་མཁན་གྱི་ཚོན་དང་འདྲའོ། །ཁྱིམ་ན་གནས་པ་ནི་མྱུར་དུ་ཕན་ཚུན་འགྱེས་པས་མཐར་རྒུད་ཅིང་འགྱུར་བའོ། །ཁྱིམ་ན་གནས་པ་ནི་སྐྱེ་བོ་གློ་བུར་དུ་འདུས་པས་རྟག་ཏུ་ངོ་བོ་ཉིད་མེད་པའི་ཕྱིར་སྒྱུ་མ་ལ་ལྟ་བ་དང་མཚུངས་སོ། །ཁྱིམ་ན་གནས་པ་ནི་ཕུན་སུམ་ཚོགས་པ་ཐམས་ཅད་
D63.042.0264b01.01ཀྱང་མཐར་རྒུད་པར་འགྱུར་བས་རྨི་ལམ་དང་མཚུངས་སོ། །ཁྱིམ་ན་གནས་པ་ནི་མྱུར་དུ་འབྲལ་བས་ཟིལ་པའི་ཐིགས་པ་དང་མཚུངས་སོ། །ཁྱིམ་ན་གནས་པ་ནི་རོ་བྲོ་བ་ཆུང་ངུ་ཡོངས་སུ་འཇལ་བས་སྦྲང་རྩིའི་ཐིགས་པ་དང་མཚུངས་སོ། །ཁྱིམ་ན་གནས་པ་ནི་གཟུགས་དང་། སྒྲ་དང་། དྲི་དང་།
D63.042.0264b02.01རོ་དང་། རེག་དང་། ཆོས་ཀྱིས་ཡོངས་སུ་གཟིར་བས་ཚེར་མའི་དྲ་བ་དང་མཚུངས་སོ། །ཁྱིམ་ན་གནས་པ་ནི་མི་དགེ་བ་ལ་རྣམ་པར་རྟོག་པས་ཡོངས་སུ་མི་སྐྱོ་བའི་ཕྱིར་ཁ་ཁབ་ཙམ་གྱི་སྲོག་ཆགས་དང་མཚུངས་སོ། །ཁྱིམ་ན་གནས་པ་ནི་གཅིག་ལ་གཅིག་འདྲིད་པས་སྲོག་རྣམ་པར་འཇིག་པའོ། །ཁྱིམ་ན་གནས་པ་ནི་
D63.042.0264b03.01སེམས་རྙོག་པ་ཅན་དུ་བྱེད་པས་རྟག་ཏུ་འཁྲུག་པའོ། །ཁྱིམ་ན་གནས་པ་ནི་རྒྱལ་པོ་དང་། ཆོམ་རྐུན་དང་། མེ་དང་། ཆུ་དང་། བགོ་སྐལ་ལ་སྤྱོད་པས་རྣམ་པར་འཇོམས་པའི་ཕྱིར་ཐུན་མོང་བའོ། ཁྱིམ་ན་གནས་པ་ནི་ཉེས་དམིགས་མང་བས་རོ་བྲོ་བ་ཆུང་བའོ། །ཁྱིམ་བདག་དེ་ལྟར་བྱང་ཆུབ་སེམས་དཔའ་
D63.042.0264b04.01ཁྱིམ་པ་ཁྱིམ་ན་གནས་པས་ཁྱིམ་ན་གནས་པའི་ཉེས་པ་ལ་མཁས་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། ངེས་པ་མང་དུ་བྱའོ། །དེས་ཡང་འདི་ལྟར་བརྟག་པར་བྱ་སྟེ། གང་བྱིན་པ་དེ་ནི་བདག་གི་ཡིན་
D63.042.0264b05.01ནོ། །ཁྱིམ་ན་བཞག་པ་དེ་ནི་བདག་གི་མ་ཡིན་ནོ། །གང་བྱིན་པ་དེ་ནི་སྙིང་པོ་ཅན་ནོ། །གང་ཁྱིམ་ན་བཞག་པ་དེ་ནི་སྙིང་པོ་མེད་པའོ། །གང་བྱིན་པ་དེ་ནི་གཞན་དུ་བདེ་བའོ། །གང་ཁྱིམ་ན་བཞག་པ་དེ་ནི་ད་ལྟར་བྱུང་བ་ན་བདེ་བའོ། །གང་བྱིན་པ་དེ་ནི་ཡང་བསྲུང་བར་བྱ་བ་མ་ཡིན་པའོ། །གང་ཁྱིམ་ན་
D63.042.0264b06.01བཞག་པ་དེ་ནི་བསྲུང་བར་བྱ་བའོ། །གང་བྱིན་པ་དེ་ནི་སྲེད་པ་ཟད་པར་འགྱུར་བའོ། །གང་ཁྱིམ་ན་བཞག་པ་དེ་ནི་སྲེད་པ་རྣམ་པར་འཕེལ་བའོ། །གང་བྱིན་པ་དེ་ནི་བདག་གི་བ་མེད་པའོ། །གང་ཁྱིམ་ན་བཞག་པ་དེ་ནི་བདག་གི་བ་དང་བཅས་པའོ། །གང་བྱིན་པ་དེ་ནི་ཡོངས་སུ་མི་འཛིན་པའོ། །གང་
D63.042.0264b07.01