完整藏文原文 · 德格版页 当前仅加载第 42 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་འགྲོ་བར་བྱ་སྟེ། འདྲིད་པ་དང་། འཆོས་པས་ནི་མ་ཡིན་ནོ། །གང་ལ་ལ་བསོད་སྙོམས་བླངས་ཏེ་བདག་དང་གཞན་གྱི་དོན་རྫོགས་པར་བྱེད་ནུས་ན། ངས་བྱང་ཆུབ་སེམས་དཔའ་དེ་འགྲོན་དུ་འགྲོ་བར་གནང་ངོ་། །ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་
D63.042.0278a01.01ཕན་ཡོན་བཅུ་མཐོང་ནས་ཇི་སྲིད་འཚོ་བའི་བར་དུ་སྨན་བསྐུས་པས་ཆོག་ཤེས་པར་བྱ་སྟེ་བཅུ་གང་ཞེ་ན། དེ་བཞིན་གཤེགས་པའི་བསྟན་པ་ལ་ཞུགས་པར་འགྱུར་བ་དང་། གཞན་གྱི་ངོར་ལྟ་བར་མི་འགྱུར་བ་དང་། བདག་གིས་ནི་མི་སྡུག་པའི་འདུ་ཤེས་བསྟེན་པར་འགྱུར་བ་དང་། བདག་མི་འཐུན་པའི་
D63.042.0278a02.01འདུ་ཤེས་སོ་སོར་ཉེ་བར་གནས་པར་འགྱུར་བ་དང་། རོ་བྲོ་བ་ལ་ཆགས་པ་ཡང་བདག་གིས་ཚེགས་ཆུང་ངུས་སྤངས་པར་འགྱུར་བ་དང་། བྱིས་པ་སོ་སོའི་སྐྱེ་བོ་ཐམས་ཅད་བདག་ལ་ཡིད་རྟོན་པར་འགྱུར་བ་དང་། བདག་ཁ་ཟས་བསྙུངས་པ་མངོན་དུ་གྱུར་པར་འགྱུར་བ་དང་། བདག་ལ་སྨན་ཡོངས་སུ་ཚོལ་
D63.042.0278a03.01བའི་ཕོངས་པ་མེད་པར་འགྱུར་བ་དང་། བདག་གིས་སེམས་ལ་ཉོན་མོངས་པའི་ནད་ཀྱི་གནོད་པ་མེད་པར་བྱས་པར་འགྱུར་བ་དང་དེ་ལྟར་ཞུགས་ན་མྱུར་དུ་ཉོན་མོངས་པའི་ནད་དང་འབྲལ་བ་ཐོབ་པར་འགྱུར་བ་སྟེ། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བས་ཕན་ཡོན་བཅུ་པོ་དེ་དག་
D63.042.0278a04.01མཐོང་ནས་ཇི་སྲིད་འཚོའི་བར་དུ་སྨན་བསྐུས་པས་ཆོག་ཤེས་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་ཕན་ཡོན་བཅུ་མཐོང་ནས་ཇི་སྲིད་འཚོ་བའི་མཐའི་བར་དུ་དགོན་པ་ལ་གནས་པ་ཡོངས་སུ་མི་གཏང་བར་བྱ་སྟེ། བཅུ་གང་ཞེ་ན། བདག་གི་ཉམ་
D63.042.0278a05.01རངས་དང་། བདག་གི་དབང་དུ་འགྲོ་བ་དང་། ངའི་བ་མེད་ཅིང་ཡོངས་སུ་འཛིན་པ་མེད་པ་དང་། མལ་ཆ་ལྷུག་པར་གཏོང་བ་དང་། དགོན་པའི་གནས་ལ་དགའ་བ་དང་མ་བྲལ་བ་དང་། གནས་རྣམས་སུ་དོན་ཉུང་ཞིང་བྱེད་པ་ཉུང་བ་དང་། གཡོག་གི་ཚོགས་འདོར་ཞིང་ལུས་དང་སྲོག་ལ་མི་
D63.042.0278a06.01ལྟ་བ་དང་། དབེན་པར་དགའ་ཞིང་འདུ་འཛི་ཡོངས་སུ་སྤོང་བ་དང་། ལས་བྱས་པའི་ཡོན་ཏན་གྱི་ཕན་ཡོན་ཡོངས་སུ་གཏོང་བ་དང་། ཏིང་ངེ་འཛིན་དང་འཐུན་པའི་སེམས་རྩེ་གཅིག་པ་དང་། ཡིད་ལ་བྱེད་པ་བླ་གབ་མེད་པ་ཡིད་ལ་བྱེད་པའི་སྒྲིབ་པ་མེད་པ་སྟེ། ཁྱིམ་བདག་གཞན་ཡང་བྱང་ཆུབ་
D63.042.0278a07.01