完整藏文原文 · 德格版页 当前仅加载第 42 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
མཚམས་དེ་དག་ནི་ལས་ཀྱི་རྣམ་པར་སྨིན་པས་གྲུབ་པ་ཡིན་ཏེ། དེ་དག་ཀྱང་བདག་གི་མ་ཡིན། བདག་ཀྱང་དེ་དག་གི་མ་ཡིན་ནོ། །དེ་ཅིའི་ཕྱིར་ཞེ་ན། ཕ་མ་ལ་སོགས་པ་དེ་དག་ནི་བདག་གི་མགོན་ནམ། སྐྱབས་སམ། དཔུང་གཉེན་ནམ། གནས་སམ། གླིང་ངམ། བདག་གམ། བདག་གི་བ་མ་ཡིན་ནོ། །གང་
D63.042.0266b01.01བདག་གི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དེ་དག་ཀྱང་བདག་མ་ཡིན། བདག་གི་མ་ཡིན་ན། གང་བདག་གི་ཕ་མ་ལ་སོགས་པ་དེ་དག་བདག་དང་བདག་གིར་འགྱུར་བ་དང་། བདག་ཀྱང་དེ་དག་གི་ཡིན་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། བདག་ཀྱང་ལས་བདག་གིར་
D63.042.0266b02.01བྱ་བ། ལས་ཀྱི་བགོ་སྐལ་ལ་སྤྱོད་པ་ཡིན་ཏེ། ལས་དགེ་བའམ། སྡིག་པའམ། གང་དང་གང་བྱས་པ་དེ་དང་དེ་ཉིད་ཀྱིས་བགོ་སྐལ་ལ་སྤྱོད་པར་འགྱུར་རོ། །དེ་དང་དེ་ཉིད་ཀྱི་འབྲས་བུ་སོ་སོར་མྱོང་ངོ་། །དེ་དང་དེ་ཉིད་ཀྱི་རྣམ་པར་སྨིན་པ་ལ་སྤྱོད་དོ། །འདི་དག་ཀྱང་ལས་བདག་གིར་བྱ་བ།
D63.042.0266b03.01ལས་ཀྱི་བགོ་སྐལ་ལ་སྤྱོད་པ་ཡིན་ཏེ། ལས་དགེ་བའམ། སྡིག་པའམ། གང་དང་གང་བྱས་པ་དེ་དང་དེ་ཉིད་ཀྱི་བགོ་སྐལ་ལ་སྤྱོད་པར་འགྱུར། དེ་དང་དེ་ཉིད་ཀྱི་རྣམ་པར་སྨིན་པ་སོ་སོར་མྱོང་པར་འགྱུར། དེ་དང་དེ་ཉིད་ཀྱི་འབྲས་བུ་སོ་སོར་མྱོང་བར་འགྱུར་རོ། །དེ་དག་གི་ཕྱིར་བདག་གི་མི་དགེ་
D63.042.0266b04.01བའི་ལས་མངོན་པར་འདུ་བྱ་བ་ནི་བདག་གི་ཆ་མ་ཡིན་ཏེ། འདི་དག་ནི་ཚེ་འདི་ལ་བདེ་བའི་བདག་གིར་བྱ་བ་ཡིན་གྱི། ཚེ་གཞན་ལ་བདེ་བའི་བདག་གིར་བྱ་བ་མ་ཡིན་ནོ། །བདག་གི་གང་ཡིན་པ་དེ་ལ་བདག་འཇུག་པར་བྱ་སྟེ། འདི་ལྟ་སྟེ། སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་།
D63.042.0266b05.01བཟོད་པ་དང་། དེས་པ་དང་། བརྩོན་འགྲུས་དང་། བག་ཡོད་པ་དང་། བྱང་ཆུབ་ཀྱི་ཡན་ལག་སྡུད་ཅིང་མངོན་པར་སྒྲུབ་པའི་དགེ་བ་དེ་ནི་བདག་གི་ཡིན་ཏེ། གང་དུ་བདག་འགྲོ་བར་འགྱུར་བའི་ལམ་དེར་འདི་དག་ཀྱང་འགྲོ་བར་འགྱུར་རོ་སྙམ་སྟེ། དེ་སྲོག་གི་ཕྱིར་རམ། བུ་དང་ཆུང་མའི་ཕྱིར་ཡང་
D63.042.0266b06.01སྡིག་པའི་ལས་མངོན་པར་འདུ་མི་བྱེད་དོ། །ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་དེས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། མི་རྟག་པའི་འདུ་ཤེས་དང་། མི་བརྟན་པའི་འདུ་ཤེས་དང་། འགྱུར་བའི་འདུ་ཤེས་ཏེ། ཁྱིམ་བདག་བྱང་ཆུབ་
D63.042.0266b07.01