完整藏文原文 · 德格版页 当前仅加载第 76 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཁྱིམ་གང་ན་བ་དེར་སོང་སྟེ་ཕྱིན་ནས་སྟེགས་བུ་ལ་བརྟེན་ནས་ཕྱོགས་གཅིག་ཏུ་འདུག་སྟེ། ཚེ་དང་ལྡན་པ་ཀུན་དགའ་བོ་ངུ་ཞིང་འདི་སྐད་ཅེས་སྨྲས་སོ། །བདག་གིས་ཉམ་ང་བའི་གནས་སྐབས་འདི་ཐོབ་ན། ད་ལྟར་བཅོམ་ལྡན་འདས་བདག་ལ་མི་དགོངས་སོ། །དེ་ནས་བཅོམ་
D358.076.0233b01.01ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་དགོངས་པར་མཛད་དོ། །དགོངས་མ་ཐག་ཏུ་ཡང་དག་པར་རྫོགས་པའི་སངས་རྒྱས་ཀྱི་སྔགས་ཀྱིས་གདོལ་པའི་སྔགས་ཉམས་པར་མཛད་དོ། །དེའི་སྔགས་ནི་འདི་ཡིན་ཏེ། སྠི་ཏི་ར་ཙུ་ཏི་ར་ནི་སྭ་ཏི་སརྦ་པྲཱ་ཎི་བྷྱཿ སེ་ར་པྲ་ས་ནཾ་ནི་རྡོ་ཥཾ་
D358.076.0233b02.01ཏཾ་སརྦ་ཏོ་པཱ་ཡཾ་ཨི་ཏ་ཡོ་ཡ་ཏྲ་ཤ་སྱནྟ་པྟ་ཡཱ་ནི་ཙ་ལི་ཏཱ་ནི་ཙཱ་ཏཾ་བེ་དེ་བཱ་ན་མཿ ཤྱཾ་ཏི་སརྦ་སིད་དྷ་ཙ་ཡོ་གི་ན་ཨེ་ཏེ་ན་ས་ཏྱ་བཱ་ཀྱེ་ན་སྭ་སྟྱ་ཨཱ་ནན་ད་ཡ་བིཀྵ་བེ། དེ་ནས་ཚེ་དང་ལྡན་པ་ཀུན་དགའ་བོ་གདོལ་པའི་རིག་སྔགས་བཀྲོལ་ནས་གདོལ་པའི་ཁྱིམ་ནས་བྱུང་ནས་རང་གི་གཙུག་ལག་
D358.076.0233b03.01ཁང་གང་ན་བ་དེར་འགྲོ་བར་བརྩམས་སོ། །གདོལ་པའི་བུ་མོ་གཟུགས་བཟང་མོས་མཐོང་ནས། ཚེ་དང་ལྡན་པ་ཀུན་དགའ་བོ་ལ་བལྟས་ནས་རང་གི་མ་ལ་འདི་སྐད་ཅེས་སྨྲས་སོ། །ཀྱེ་ཡུམ་དགེ་སློང་ཀུན་དགའ་བོ་འདི་མཆི་ཞིང་གདའོ། །དེའི་མས་སྨྲས་པ། བུ་ངེས་པར་དགེ་
D358.076.0233b04.01སྦྱོང་གཽ་ཏ་མས་དྲན་པར་བྱས་པས་དེས་ན་བདག་གི་སྔགས་ཉམས་པར་གྱུར་ཏོ། །གཟུགས་བཟང་མོས་སྨྲས་པ། ཡང་ཅི་ཡུམ་དག་སྦྱོང་གཽ་ཏ་མའི་སྔགས་ཁྱད་པར་དུ་སྟོབས་དང་ལྡན་ལ་བདག་ཅག་གི་དེ་ལྟ་མ་ཡིན་ནམ། དེ་ལ་མས་སླར་སྨྲས་པ། བུ་དགེ་སྦྱོང་གཽ་ཏ་མའི་སྔགས་ཁྱད་
D358.076.0233b05.01པར་དུ་སྟོབས་དང་ལྡན་པ་ཡིན་གྱི། བདག་ཅག་གི་དེ་ལྟ་མ་ཡིན་ནོ། །བུ་འཇིག་རྟེན་ན་སྔགས་མཐུ་དང་ལྡན་པའི་སྔགས་གང་ཡིན་པ་དེ་དག་ཐམས་ཅད་དགེ་སྦྱོང་གཽ་ཏ་མ་འདོད་ན་རབ་ཏུ་འཇོམས་པར་བྱེད་དོ། །ཡང་འཇིག་རྟེན་པའི་སྔགས་མཐུ་དང་ལྡན་པ་ཐམས་ཅད་ཀྱིས་དགེ་སྦྱོང་གཽ་ཏ་
D358.076.0233b06.01མའི་སྔགས་རབ་ཏུ་གཞོམ་པར་མི་ནུས་སོ། །དེ་ལྟ་བས་ན་དགེ་སྦྱོང་གཽ་ཏ་མའི་སྔགས་ནི་ཆེས་སྟོབས་དང་ལྡན་པ་ཡིན་ནོ། །དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང་སྟེ། རིམ་གྱིས་ཕྱིན་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ནས་ཕྱོགས་
D358.076.0233b07.01