完整藏文原文 · 德格版页 当前仅加载第 76 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་བྱིན་ཅིག །རིན་གང་བབ་པ་དེ་འདོད་པ་བཞིན་དུ་གཞལ་བར་བྱའོ། །གདོལ་པའི་རྒྱལ་པོ་ཏྲེ་ཤང་ཀུ་ལས་འདི་ལྟ་བུའི་ཚིག་ཐོས་ནས། བྲམ་ཟེ་པད་མའི་སྙིང་པོས་གདོལ་པའི་རྒྱལ་པོ་ཏྲེ་ཤང་ཀུ་ལ་འདི་སྐད་ཅེས་སྨྲས་སོ། །ཁྱོད་ཀྱི་རིགས་ཅི་ཡིན་བདག་གི་ཨ་
D358.076.0249b01.01ཏྲེ་ཡའོ། །སྔར་ཅི་ཞིག །སྔར་མིང་ངོ་། །ཅི་ཞིག་སྤྱོད་པར་བྱེད། བྱམས་པ་མང་དུའོ། །རབས་དུ་ཡིན། གསུམ་སྟེ། འདི་ལྟ་སྟེ། བད་ས་དང་། ཀཽ་ས་དང་། བ་ར་དྭ་ཛའོ། །ཅི་ཞིག་ལ་གོམས། ཚངས་པར་སྤྱོད་པ་དང་བཅས་པའི་སྡེབ་སྦྱོར་འདོན་པ་ལའོ། །
D358.076.0249b02.01སྡེབ་སྦྱོར་གྱི་གདོན་པ་དུ་ཞིག །དྲུག་པོ་འདི་ལྟ་སྟེ། གཽ་ཏ་མ་དང་། ར་མ་ཡ་ནི་དང་། ལང་ག་ལི་དང་། སཽ་པད་ཙ་ལ་དང་། ཀ་པི་ཙ་ལི་ཡ་དང་། ཨ་ར་ཤི་སེ་ན་ཞེས་བྱ་བ་ཡིན་ནོ། །ཁྱོད་ཀྱི་མའི་རིགས་ཅི་ཡིན། པར་ཤ་རི་ཡུམ་མོ། །ཁྱོད་ཀྱིས་ས་བྱ་ཏི་བཀླགས་སམ།
D358.076.0249b03.01ཇི་ལྟར་ཡིན། དེ་ལ་ཡི་གེ་དུ་ཞིག །གདོན་པ་ནི་དུ་ཞིག །ཚིག་ནི་དུ་ཞིག །རྐང་པ་ནི་དུ་ཞིག །ཡི་གེ་ནི་ཉི་ཤུ་རྩ་བཞིའོ། །གདོན་པ་ནི་གསུམ་མོ། །ཚིག་ནི་གསུམ་མོ། །རྐང་པ་ནི་ཡི་གེ་བརྒྱད་དོ། །ཁྱོད་ཀྱིས་ས་བྱིན་ཏྲ་ཐོན་ཅིག །པད་མའི་སྙིང་པོ་དེ་བཞིན་ཏེ།
D358.076.0249b04.01ལྷན་ཅིག་སྐྱེས་པའི་སྔགས་བཤད་པར་བྱ་ཡིས་ཉོན་ཅིག །ཁྱོད་ཀྱིས་ཤོད་ཅིག །སྨྲས་པ། བྲམ་ཟེ་སྔོན་བྱུང་བ་འདས་པའི་དུས་ན་བ་སུ་ཞེས་བྱ་བའི་དྲང་སྲོང་མངོན་པར་ཤེས་པ་ལྔ་དང་ལྡན་པ། གཟི་བརྗིད་འབར་ཞིང་མཐུ་ཆེ་བ། བསམ་གཏན་རྣམས་ཐོབ་པ་ཞིག་བྱུང་
D358.076.0249b05.01སྟེ། དེས་ཤིང་མཁན་གྱི་བུ་མོ་སེར་སྐྱ་མ་ཞེས་བྱ་བ་ཆུང་མའི་དོན་དུ་བླངས་སོ། །དེ་ལ་ཀུན་དུ་ཆགས་པའི་སེམས་ཀྱིས་བུ་མོ་དེ་དང་ལྷན་ཅིག་ཆགས་པ་སྤྱད་པས་རྫུ་འཕྲུལ་ལས་ཉམས་ཤིང་བསམ་གཏན་ཤོར་རོ། །དེ་བདག་ཉིད་ཀྱི་ཉེས་པར་སྤྱོད་པས་ཉམས་པས་རྗེས་སུ་
D358.076.0249b06.01འགྱོད་དོ། །དེའི་ཚེ་སྔགས་འདི་དག་སྨྲས་སོ། །འདི་ལྟ་སྟེ། ཨོཾ་བྷུར་བྷུ་བ་སྭ་ཏད་ས་པི་ཏུར་པ་རེ་ཎྱ་བྷར་གོ་དེ་བས། དྷི་མ་ཧི་ཙྷོ་ཡོ་ཡོན་པྲ་ཙོ་ད་ཡཱ་ཡད། བྲམ་ཟེ་སྔགས་འདིས་རྟོག་པ་མེད་པར་བཅོས་ནས་དེ་ཉིད་ཀྱི་ཉིན་ཞག་ལ་བྲམ་ཟེ་སྔགས་བཟླས་ཏེ། སྔོན་བྱུང་བའི་
D358.076.0249b07.01