完整藏文原文 · 德格版页 当前仅加载第 76 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིམས་དང་། སྔོན་གྱི་ལས་ཀྱི་ཆོས་རྣམས་ཀྱང་མི་ཤེས་སོ། །རིགས་ནི་བཞི་པོ་འདི་དག་ཡིན་ཏེ། འདི་ལྟ་སྟེ། བྲམ་ཟེའི་རིགས་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ཞེས་བྱ་བ་སྟེ། དེ་དག་གི་བག་མ་ལེན་པའི་ཁྲིམས་ཀྱང་བྲམ་ཟེ་རྣམས་
D358.076.0241b01.01ཀྱི་ཆུང་མ་ནི་རྣམ་པ་བཞིར་འགྱུར་ཏེ། འདི་ལྟ་སྟེ། བྲམ་ཟེ་མོ་དང་། རྒྱལ་རིགས་མོ་དང་། རྗེའུ་རིགས་མོ་དང་། དམངས་རིགས་མོ་ཡིན་ནོ། །ཀྱེ་དམན་པ་རྒྱལ་རིགས་ཀྱི་ཆུང་མ་ནི་རྣམ་པ་གསུམ་དུ་འགྱུར་ཏེ། རྒྱལ་རིགས་མོ་དང་། རྗེའུ་རིགས་མོ་དང་། དམངས་རིགས་མོ་
D358.076.0241b02.01ཞེས་བྱ་བ་ཡིན་ནོ། །རྗེའུ་རིགས་ཀྱི་ཆུང་མ་ནི་རྣམ་པ་གཉིས་སུ་འགྱུར་ཏེ། རྗེའུ་རིགས་མོ་དང་། དམངས་རིགས་མོའོ། །དམངས་རིགས་ཀྱི་ཆུང་མ་ནི་གཅིག་སྟེ། དམངས་རིགས་མོ་ཉིད་ཡིན་ནོ། །ཀྱེ་དམན་པ་བྲམ་ཟེ་རྣམས་ཀྱི་བུ་ནི་རྣམ་པ་བཞིར་འགྱུར་ཏེ། འདི་ལྟ་སྟེ། བྲམ་ཟེ་
D358.076.0241b03.01མོ་དང་། རྒྱལ་རིགས་མོ་དང་། རྗེའུ་རིགས་མོ་དང་། དམངས་རིགས་མོ་ལ་སྐྱེས་པ་ཡིན་ནོ། །རྒྱལ་རིགས་རྣམས་ཀྱི་བུ་ནི་རྣམ་པ་གསུམ་དུ་འགྱུར་ཏེ། རྒྱལ་རིགས་མོ་དང་། རྗེའུ་རིགས་མོ་དང་། དམངས་རིགས་མོ་ལས་སྐྱེས་པ་ཡིན་ནོ། །རྗེའུ་རིགས་རྣམས་ཀྱི་བུ་ནི་གཉིས་
D358.076.0241b04.01སུ་འགྱུར་ཏེ། རྗེའུ་རིགས་མོ་དང་། དམངས་རིགས་མོ་ལས་སྐྱེས་པ་ཡིན་ནོ། །དམངས་རིགས་རྣམས་ཀྱི་བུ་ནི་གཅིག་ཏུ་འགྱུར་ཏེ། དམངས་རིགས་མོ་ལས་སྐྱེས་པ་ཡིན་ནོ། །ཀྱེ་དམན་པ་བྲམ་ཟེ་རྣམས་ཀྱི་བུ་ནི་ལུས་ཀྱི་སྟོད་ཁ་ནས་སྐྱེས་པ་ཡིན་ནོ། །བྲང་ལས་ནི་རྒྱལ་རིགས་སྐྱེས་
D358.076.0241b05.01པ་ཡིན་ནོ། །ལྟེ་བ་ནས་ནི་རྗེའུ་རིགས་སྐྱེས་པ་ཡིན་ནོ། །རྐང་པ་ནས་ནི་དམངས་རིགས་སྐྱེས་པ་ཡིན་ཏེ། ཀྱེ་དམན་པ་ངེས་པར་བྲམ་ཟེ་རྣམས་ནི་འཇིག་རྟེན་ཐམས་ཅད་སྒྲུབ་པར་བྱེད་པ་དེ་ལས་བདག་ཅག་སྐྱེས་པ་ཡིན་ནོ། །དེ་ནས་ནི་རྒྱལ་རིགས་རྣམས་སོ། །དེ་ནས་ནི་རྗེའུ་
D358.076.0241b06.01རིགས་ཏེ་གསུམ་པའོ། །དེ་ནས་ནི་དམངས་རིགས་ཏེ་བཞི་པ་ཡིན་པར་འདོད་དོ། །ཀྱེ་དམན་པ་ཁྱོད་རིགས་དེ་ལྟ་བུ་བཞི་པ་ཡིན་པར་མ་མཐོང་ངམ། བདག་རིགས་ཀྱི་མཆོག །རིགས་ཀྱི་གཙོ་བོ། ཕུལ་དུ་བྱུང་བ། རིགས་ཀྱི་རབ་མཆོག་དམ་པར་གྱུར་པ་དང་། ཡང་དག་
D358.076.0241b07.01