完整藏文原文 · 德格版页 当前仅加载第 76 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གསོ་བ་དང་། {གོ་རིམས་,གོ་རིམ་}དང་ནི་རྨོངས་བྱེད་དང་། །འདོད་པའི་གཟུགས་དང་ཡིད་མགྱོགས་དང་། །དྲི་ཟ་འཇིགས་དང་ཤང་ཀ་དང་། །སྤྲུལ་དང་རིན་ཆེན་སྔགས་དང་ནི། །མིག་འཕྲུལ་རྣམས་ནི་འཇིགས་པ་དང་། །གྲངས་ལ་མཁས་
D358.076.0249a01.01པར་གྱུར་པ་དང་། །བདག་ལ་སྐྱེས་བུའི་རིགས་ཡོད་དེ། །མཚོ་ཡི་སྙིང་པོ་རིན་ཆེན་དང་། །རང་གི་སྲིང་མོ་རྣམས་ལ་དགའ། །ལྷ་ཡི་རྫུ་འཕྲུལ་ཡང་དག་འཐོབ། །གསོ་བ་ཡི་ནི་རིག་པ་རྣམས། །གདོལ་པ་ཡིས་ནི་མ་བསླབས་ཤིང་། །བྲམ་ཟེའི་རིག་བྱེད་ཕ་
D358.076.0249a02.01རོལ་ཕྱིན། །སེར་སྐྱ་ལ་སོགས་སྐྱེས་ནས་ནི། །སྔགས་མཆོག་གི་ནི་ཕ་རོལ་ཕྱིན། །བྲམ་ཟེའི་བུ་ནི་མ་ཡིན་ནོ། །བྲམ་ཟེ་མིན་ཡང་བསམ་པར་གྱིས། །རིགས་ངན་ལས་སྐྱེས་དྲང་སྲོང་ནག །ཐུབ་པ་བྱི་བ་ཡ་ན་དང་། །དྲག་ཤུལ་ལས་སྐྱེས་གཟི་བརྗིད་ལྡན། །འཇིགས་
D358.076.0249a03.01བྱེད་མངོན་ཤེས་ལྔ་ལྡན་པ། །ཐུབ་པ་ཆེན་པོ་དེ་དག་ནི། །བྲམ་ཟེ་ལས་སྐྱེས་མ་ཡིན་ནོ། །ཅི་ཡིན་བྲམ་ཟེ་ཡང་བརྗོད་ཀྱིས། །ཐ་སྙད་དུ་ནི་བཏགས་པ་སྟེ། །རྡུལ་ལྡན་མ་ནི་རྒྱལ་རིགས་ལས། །མཁས་ཤིང་དུལ་དང་ལྡན་པ་དང་། །བསྟན་ཆོས་ཐམས་ཅད་ལེགས་རྟོགས་
D358.076.0249a04.01པ། །ཐུབ་པ་དགའ་བྱེད་དེ་ལས་སྐྱེས། །བྲམ་ཟེའི་བུ་ནི་མ་ཡིན་ནོ། །བྲམ་ཟེ་ཅི་ཡང་མི་བརྗོད་ཀྱིས། །གཟི་བརྗིད་དཀའ་ཐུབ་དང་ལྡན་ལ། །མཁས་ཤིང་དུལ་དང་ལྡན་པ་སྟེ། །དྲང་སྲོང་འཇིག་རྟེན་དུ་གྲགས་པ། །གང་ཡིན་དེ་ནི་མ་ནུས་བསྐྱེད། །བྲམ་ཟེའི་བུ་ནི་མ་ཡིན་
D358.076.0249a05.01ནོ། །ཅི་ཡིན་བྲམ་ཟེ་ཡང་བརྗོད་ཀྱིས། །འདི་དག་འཇིག་རྟེན་ཐ་སྙད་དེ། །བྲམ་ཟེ་རྒྱལ་རིགས་དེ་བཞིན་ཏེ། །དེ་ལྟར་རྗེའུ་རིགས་དམངས་རིགས་ནི། །ཐ་སྙད་དུ་ནི་འཇིགས་པ་ཡིན། །དེ་ལ་བྲམ་ཟེ་ཁྱོད་ཀྱིས་སྨྲས། །འདི་དག་འཇིག་རྟེན་ཐ་སྙད་ཙམ། །འདི་
D358.076.0249a06.01ལྟ་སྟེ། བྲམ་ཟེའི་རིགས་ཞེས་བྱ་བ་དང་། རྒྱལ་རིགས་ཞེས་བྱ་བ་དང་། རྗེའུ་རིགས་ཞེས་བྱ་བ་དང་། དམངས་རིགས་ཞེས་བྱ་བ་འདི་དག་ནི་ཐམས་ཅད་གཅིག་ཅིང་དེ་ལ་ཐ་དད་པ་མེད་དོ། །བདག་གི་བུ་གཞོན་ནུ་སྟག་རྣ་ལ་བུ་མོ་གཟུགས་བཟང་མོ་ཆུང་མའི་དོན་
D358.076.0249a07.01