完整藏文原文 · 德格版页 当前仅加载第 76 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཅུ་གཉིས་ལ་ནི་མ་ཤ་ཀ་གཅིག་གོ། །མ་ཤ་ཀ་བཅུ་དྲུག་ལ་ནི་ཞོ་གཅིག་སྟེ། གསེར་གྱི་ཚད་དོ། །བྲམ་ཟེ་ཉོན་ཅིག །ཞོ་གཅིག་ལ་རྡུལ་ཕྲ་རབ་བྱེ་བ་ཕྲག་གཉིས་དང་། སྟོང་ཕྲག་ཉི་ཤུ་རྩ་ལྔ་དང་། བརྒྱ་ཕྲག་ལྔ་དང་ཉག་བརྒྱད་ཡོད་དོ། །བྲམ་ཟེ་
D358.076.0254b01.01ཡང་དེ་ལྟ་བུ་དེ་ནི་གསེར་བསྐྱེད་པའི་ཚད་ཡིན་ནོ། །བྲམ་ཟེ་སྲང་གི་ཚད་ཉོན་ཅིག །མ་ཤ་ཀ་དྲུག་ཅུ་རྩ་བཞི་ལ་ནི་མ་ག་དྷཱའི་སྲང་གི་སྲང་གཅིག་གོ། །དེ་ནི་སྲང་གི་ཚད་མདོར་བསྡུས་པ་ཡིན་ནོ། །སྲང་གཅིག་ལ་རྡུལ་ཕྲ་རབ་བྱེ་བ་ཕྲག་བརྒྱད་དང་བརྒྱ་སྟོང་ཕྲག་བཞི་བཅུ་
D358.076.0254b02.01རྩ་བཞི་དང་། བདུན་སྟོང་ཉིས་བརྒྱ་དང་ཉག་བརྒྱད་ཅུ་ཡོད་དེ། བྲམ་ཟེ་ཡང་དེ་ལྟ་བུ་དེ་ནི་སྲང་གི་ཚད་ཡིན་ནོ། །བྲམ་ཟེ་ཁུ་བ་གཞལ་བ་རྣམས་ཀྱི་ཚད་ཉོན་ཅིག །མ་ག་དྷཱའི་སྲང་ཉི་ཤུ་རྩ་བཞི་བྲེ་གང་སྟེ། ཁུ་བ་རྣམས་གཅལ་བའི་ཚད་དོ། །མ་ག་དྷཱ་པ་རྣམས་ཀྱི་
D358.076.0254b03.01སྲང་དང་། བྲེ་མདོར་བསྟན་པ་ཡིན་ཏེ། བྲེ་གང་ལ་རྡུལ་ཕྲ་རབ་བྱེ་བ་ཕྲག་ཉིས་བརྒྱ་རྩ་གསུམ་དང་། བརྒྱ་སྟོང་ཕྲག་སུམ་ཅུ་རྩ་དགུ་དང་། སྟོང་ཕྲག་བདུན་ཅུ་རྩ་བཞི་དང་། བདུན་བརྒྱ་དང་ཉག་ཉི་ཤུ་ཡོད་དོ། །བྲམ་ཟེ་ཡང་དེ་ལྟ་བུ་དེ་ནི་ཁུ་བ་རྣམས་གཅལ་བ་ཡིན་ནོ། །
D358.076.0254b04.01བྲམ་ཟེ་འབྲུ་རྣམས་གཅལ་བའི་ཚད་ཉོན་ཅིག །སྲང་ཉི་ཤུ་རྩ་དགུ་དང་ཞོ་གཉིས་ནི་མ་ག་དྷཱའི་བྲེ་གང་སྟེ། འབྲུ་གཅལ་བའི་ཚད་དོ། །མ་ཤ་ཀ་དྲུག་ཅུ་ནི་ཡང་བྲེའི་ཚད་དོ། །མདོར་བསྟན་པ་ཡིན་ནོ། །བྲེ་གང་ལ་རྡུལ་ཕྲ་རབ་བྱེ་བ་ཕྲག་བརྒྱ་ལྔ་བཅུ་དང་། བརྒྱ་སྟོང་ཕྲག་
D358.076.0254b05.01བརྒྱད་ཅུ་རྩ་གཉིས་དང་། སྟོང་ཕྲག་དྲུག་ཅུ་རྩ་གཅིག་དང་ལྔ་བརྒྱ་ཡོད་དོ། །ཡང་བྲམ་ཟེ་དེ་ལྟ་བུ་དེ་ནི་འབྲུ་གཅལ་བའི་ཚད་ཡིན་ནོ། །ཡང་ཀྱེ་ཏྲེ་ཤང་ཀུ་རྒྱུ་སྐར་རྣམས་ཀྱི་ལུང་བསྟན་བཀླགས་ན་སྨྲོས་ཤིག །ཀྱེ་གཞན་ཡང་བདག་གི་རྒྱུ་སྐར་རྣམས་ཀྱི་ལུང་བསྟན་
D358.076.0254b06.01པའི་ལེའུ་ཞེས་བྱ་བ་བཤད་ཀྱིས་ཉོན་ཅིག །ཀྱེ་བྲམ་ཟེ་སྨིན་དྲུག་ལ་སྐྱེས་པ་ནི་གྲགས་པ་དང་ལྡན་པར་འགྱུར་རོ། །སྣར་མ་ལ་སྐྱེས་པ་ནི་ལེགས་ཤིང་སྐལ་བ་དང་ལྡན་པར་འགྱུར་རོ། །མགོ་ལ་སྐྱེས་པ་ནི་ཐབ་མོ་དོན་དུ་གཉེར་བར་འགྱུར་རོ། །ལག་ལ་
D358.076.0254b07.01