完整藏文原文 · 德格版页 当前仅加载第 76 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
དོང་དང་འོབས་བརྐོ་བ་དང་། སྡིག་པ་ཅན་དང་། རྐུན་མ་རྣམས་ལ་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། །ཡང་ནམ་སོ་ལ་ས་རྣམ་པར་གཡོས་ན་དཀྱིལ་འཁོར་བྱེད་པའི་ཞལ་ཏ་པ་དང་། ལམ་གྱི་ནོར་ཅན་དང་། ལམ་དུ་འགྲོ་བ་
D358.076.0269a01.01དང་། འཁོར་ལོ་བ་དང་། བྱིས་པ་དང་། སྲུབ་མཁན་དང་། ཤེན་པ་དང་། དུད་འཚོ་བ་རྣམས་ལ་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། །རྒྱལ་ལ་ས་རྣམ་པར་གཡོས་ན་བྲམ་ཟེ་རྣམས་དང་། དེ་བཞིན་དུ་གཙོ་བོ་རྣམས་དང་། ཚོང་པ་རྣམས་
D358.076.0269a02.01དང་། དེད་དཔོན་རྣམས་དང་། ཚོང་པ་རིང་པོར་འགྲོ་བ་རྣམས་ལ་ནད་འབྱུང་བར་འགྱུར་ཞིང་སེར་བས་འབྲུ་རྣམས་རློག་ཅིང་རི་ཁྲོད་ན་གནས་པའི་རྒྱལ་པོའི་བསྙེན་བཀུར་བ་རྣམས་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། །སྐག་ལ་ས་རྣམ་པར་གཡོས་ན་
D358.076.0269a03.01ཀླུ་རྣམས་དང་། སྦྲུལ་ཁ་སྡིག་པ་རྣམས་དང་། གྲོག་མ་རྣམས་དང་། གྲོག་ཕྲན་རྣམས་དང་། སྲིལ་རྣམས་དང་། ཁྱིམ་རྣམས་དང་། ཀླུ་མགོ་གཅིག་པ་རྣམས་དང་། དུག་སྔགས་མཁན་རྣམས་དང་། དུག་བྱེད་པ་རྣམས་དང་། སེམས་ཅན་ཁུང་དུ་
D358.076.0269a04.01འཇུག་པ་རྣམས་ས་རྣམ་པར་གཡོས་པས་ནད་ཀྱིས་འདེབས་པར་འགྱུར་རོ། །མཆུ་ལ་ས་རྣམ་པར་གཡོས་ན་རྒྱལ་པོ་རྣམས་ལ་ནད་འབྱུང་ཞིང་མཆོད་སྦྱིན་དང་། ཤིང་ལས་ལོག་པ་རྣམས་དང་། འདུས་པའི་སྟོན་མོ་ལས་ལོག་པ་རྣམས་དང་། ལྷའི་མཆོད་སྦྱིན་ལས་
D358.076.0269a05.01ལོག་པ་རྣམས་དང་། དེ་ལ་ལོག་པ་ཐམས་ཅད་དང་། གང་ཞིག་དེ་ལ་སྐྱེས་པ་དང་། བསྐྱེད་པ་དང་། གང་མཁས་པའི་མཆོག་ཏུ་གྱུར་པ་དང་། གླུ་མཁན་རྣམས་འཆི་བར་འགྱུར་ཞིང་དེ་དག་དང་རིགས་མཐོན་པོ་རྣམས་ནད་ཀྱིས་ཐེབས་པར་འགྱུར་རོ། །ཆུ་སྟོད་ལ་ས་རྣམ་
D358.076.0269a06.01པར་གཡོས་ན་དུས་འགྱུར་ཞིང་ཆོས་ལ་དགའ་བ་དང་། ཤོ་གམ་གྱིས་འཚོ་བ་རྣམས་ལ་ས་གཡོས་ན་ནད་ཀྱིས་འདེབས་པར་འགྱུར་རོ། །གལ་ཏེ་ཆུ་སྨད་ལ་ས་རྣམ་པར་གཡོས་ན་ཚོང་པ་གླིང་དུ་འགྲོ་བ་རྣམས་དང་། དེད་དཔོན་རྣམས་དང་། རི་ཁྲོད་ན་འཚོ་བ་རྣམས་དང་།
D358.076.0269a07.01