完整藏文原文 · 德格版页 当前仅加载第 76 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ཤར་ཕྱོགས་པ་རྣམས་ལ་ནད་ཉེ་བར་འབྱུང་བར་འགྱུར་རོ། །གང་གི་ཚེ་གྲེ་དང་གཟའ་སྒྲ་གཅན་དུ་ལྡན་པས་ནི་རྐུན་མའི་གནས་ཉེ་བར་འབྱུང་བར་འགྱུར་རོ། །གང་གི་ཚེ་དབོ་དང་གཟའ་སྒྲ་གཅན་དུ་ལྡན་པས་ནི་ཨ་བན་ཏི་པ་རྣམས་ལ་ནད་ཉེ་
D358.076.0260a01.01བར་འབྱུང་ངོ་། །གང་གི་ཚེ་མེ་བཞི་དང་སྒྲ་གཅན་དུ་ལྡན་པས་ནི་ཡུལ་འཁོར་བ་རྣམས་ལ་ནད་ཉེ་བར་འབྱུང་ངོ་། །གང་གི་ཚེ་ནག་པ་དང་སྒྲ་གཅན་དུ་ལྡན་པས་ནི་བྱ་དང་རྐང་གཉིས་པ་རྣམས་ལ་ནད་ཉེ་བར་འབྱུང་ངོ་། །གང་གི་ཚེ་ས་རི་དང་སྒྲ་གཅན་དུ་ལྡན་པས་
D358.076.0260a02.01ནི་རབ་ཏུ་བྱུང་བ་ཐམས་ཅད་ལ་ནད་འབྱུང་ངོ་། །གང་གི་ཚེ་ས་ག་དང་སྒྲ་གཅན་དུ་ལྡན་པས་ནི་ཆུའི་སེམས་ཅན་རྣམས་ལ་ནད་འབྱུང་ངོ་། །གང་གི་ཚེ་ལྷ་མཚམས་དང་སྒྲ་གཅན་དུ་ལྡན་པས་ནི་ཟོང་དང་ལྡན་པའི་ཚོང་པ་རྣམས་ལ་ནད་འབྱུང་ངོ་། །གང་གི་ཚེ་སྣྲོན་དང་
D358.076.0260a03.01སྒྲ་གཅན་དུ་ལྡན་པས་ནི་སྒོ་སྲུངས་རྣམས་ལ་ནད་འབྱུང་ངོ་། །གང་གི་ཚེ་སྣྲུམས་དང་སྒྲ་གཅན་དུ་ལྡན་པས་ནི་འདྲོན་པོ་རྣམས་ལ་ནད་འབྱུང་ངོ་། །གང་གི་ཚེ་ཆུ་སྟོད་དང་སྒྲ་གཅན་དུ་ལྡན་པས་ནི་ཨ་བན་ཏི་པ་རྣམས་ལ་ནད་འབྱུང་ངོ་། །གང་གི་ཚེ་ཆུ་སྨད་དང་སྒྲ་གཅན་
D358.076.0260a04.01དུ་ལྡན་པས་ནི་ཀམ་པོ་ཙེའི་གླིང་པ་རྣམས་དང་ན་པ་ལི་ཀ་རྣམས་ལ་ནད་འབྱུང་ངོ་། །གང་གི་ཚེ་བྱི་བཞིན་དང་སྒྲ་གཅན་དུ་ལྡན་པས་ནི་ལྷོ་ཕྱོགས་པ་ཐམས་ཅད་དང་། ཟངས་གླིང་པ་རྣམས་ལ་ནད་འབྱུང་ངོ་། །གང་གི་ཚེ་གྲོ་བཞིན་དང་སྒྲ་གཅན་དུ་ལྡན་པས་ནི་རྐུན་
D358.076.0260a05.01མ་ལ་ནད་འབྱུང་ངོ་། །གང་གི་ཚེ་མོན་གྲེ་དང་སྒྲ་གཅན་དུ་ལྡན་པས་ནི་ཀུ་རུ་པ་དང་། རྣ་ཅན་པ་རྣམས་ལ་ནད་འབྱུང་ངོ་། །གང་གི་ཚེ་མོན་གྲུ་དང་སྒྲ་གཅན་དུ་ལྡན་པས་ནི་གསེར་འཚོང་བ་རྣམས་ལ་ནད་འབྱུང་ངོ་། །གང་གི་ཚེ་ཁྲུམས་སྨད་དང་སྒྲ་གཅན་དུ་ལྡན་པས་ནི་
D358.076.0260a06.01རོལ་མོ་པ་རྣམས་ལ་ནད་འབྱུང་ངོ་། །གང་གི་ཚེ་ནམ་གྲུ་དང་སྒྲ་གཅན་དུ་ལྡན་པས་ནི་གྲུ་པ་རྣམས་ལ་ནད་འབྱུང་ངོ་། །གང་གི་ཚེ་ཐ་སྐར་དང་སྒྲ་གཅན་དུ་ལྡན་པས་ནི་རྟ་འཚོ་བ་རྣམས་ལ་ནད་འབྱུང་ངོ་། །གང་གི་ཚེ་བྲ་ཉེ་དང་སྒྲ་གཅན་དུ་ལྡན་པས་ནི་ཞིང་བཟང་པོ་རྣམས་
D358.076.0260a07.01