完整藏文原文 · 德格版页 当前仅加载第 76 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་རྣམས་ཀྱང་བྱུང་བར་གྱུར་ཅིང་དེ་ལྟར་ན་གལ་ཏེ་སྐྱེས་པར་ངེས་པར་གྱུར་ན་ཡང་འདི་ལྟར་འགྱུར་ཞིང་རིགས་བྱེ་བྲག་ཏུ་བྱས་པར་འགྱུར་ཏེ། བྲམ་ཟེ་རྣམས་ཚངས་པའི་འཇིག་རྟེན་དུ་འགྲོ་བར་འགྱུར་ཞིང་རིགས་གསུམ་པོ་མཐོ་རིས་སུ་མི་འགྲོ་ན་ནི་དེ་ལྟར་ན་རིགས་
D358.076.0244a01.01བྱེ་བྲག་ཏུ་བྱས་པར་འགྱུར་རོ། །དེ་ལྟ་མ་ཡིན་ན་རིགས་བཞིར་མི་འགྱུར་རོ། །གང་གི་ཕྱིར་རིགས་བཞི་པོ་ཐ་དད་པ་རྣམས་ནི་དགེ་བའི་ལས་བྱས་པས་མཐོ་རིས་སུ་འགྲོ་བར་འགྱུར་ཏེ། ཡང་དེས་ན་དྲང་སྲོང་རྣམས་ཀྱང་ཞི་བའི་དཀའ་ཐུབ་སྤྱོད་པར་འགྱུར་རོ། །དེའི་ཕྱིར་བྲམ་ཟེ་
D358.076.0244a02.01རྣམས་ལ་ཁྱད་པར་དུ་གྱུར་པ་མེད་དོ། །གལ་ཏེ་བྲམ་ཟེ་གཅིག་ལ་འདིར་ལྕེ་གཉིས་ཡོད་པར་འགྱུར་ཞིང་དེ་བཞིན་དབང་པོ་གཉིས་དང་། རྭ་བཞི་དང་། མགོ་གཉིས་ཡོད་ན་དེ་ལྟ་ནི་བྲམ་ཟེའི་རིགས་ཁྱད་པར་དུ་བྱས་པར་འགྱུར་རོ། །ཆགས་པས་ཕྱིན་ནས་གཞན་དག་གསོད་
D358.076.0244a03.01པ་དང་། དེ་ལྟ་བུར་འགྲོ་ཞིང་གསོད་པར་བྱེད་པ་དང་། སེམས་ཅན་རྣམས་ལ་ལས་ཀྱི་སུན་འབྱིན་ཞིང་དེས་ཡང་འདི་ལྟར་བྲམ་ཟེ་རྣམས་ནི་མི་དགེ་བའི་བཤེས་གཉེན་ཡིན་ནོ། །འཐབ་ཅིང་རྩོད་པ་དང་། ཕ་དང་ཡང་འཁྲུག་ཅིང་བ་ལང་གསོད་པར་སེམས་པ་ནི་འདིར་བྲམ་
D358.076.0244a04.01ཟེ་རྣམས་ཀྱི་ལུགས་སོ། །སྲིད་སྲུང་གི་རིག་བྱེད་ལས་སྔགས་ཀྱིས་སྐྲག་པར་བྱེད་པ་ནི་བྲམ་ཟེ་རྣམས་ཀྱི་བྱ་བ་ཡིན་པར་བསྟན་ཏོ། །སྡིག་པ་བྱེད་པ་དང་། སྐྱེ་བོ་དུ་མ་སླུ་བ་དང་། སྒྱུ་དང་མི་བཟད་པ་དེ་ལྟ་བུའི་རྙོག་པས་འདི་ལྟར་ཕ་རོལ་ལ་གནོད་པ་རྗེས་སུ་སེམས་
D358.076.0244a05.01ཤིང་དེའི་རྗེས་ལ་མཐོ་རིས་ཉིད་དུ་འགྲོ་བར་འདོད་ན་དེ་མཐོ་རིས་ཀྱི་ལམ་མ་ཡིན་ཏེ། བྲམ་ཟེ་གང་ཞིག་དཀའ་ཐུབ་མཆོག་གིས་ཐུལ་ཞིང་བརྟུལ་ཞུགས་དང་། ཚུལ་ཁྲིམས་དང་ལྡན་པ་མི་འཚེ་ཞིང་ཞི་བ་ལ་མངོན་པར་དགའ་བའི་བྲམ་ཟེ་དེ་ནི་ཚངས་པའི་གནས་སུ་སྐྱེའོ། །
D358.076.0244a06.01ཤ་དང་རུས་པར་བཅས་པ་དང་། སེན་མོ་དང་བཅས་པ་དང་། པགས་པ་དང་བཅས་པ་དང་། བདེ་བ་དང་། སྡུག་བསྔལ་དང་། གཅིན་དང་ཕྱི་ས་ལྡན་པར་གཅིག་ལ་དབང་པོ་རྣམས་ལ་ཁྱད་པར་མེད་པས་དེའི་ཕྱིར་རིགས་བཞི་ཉིད་དུ་མ་གྲུབ་པའོ། །བྲམ་ཟེ་འདི་ལྟ་སྟེ།
D358.076.0244a07.01