完整藏文原文 · 德格版页 当前仅加载第 76 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
སྲིང་མོ་ཞེས་བྱ་བའི་ཡུད་ཙམ་མོ། །ནམ་གྱི་གུང་ལ་གནས་པ་ན་ནི་ཆ་ཤས་ཞེས་བྱ་བའི་ཡུད་ཙམ་མོ། །ནམ་གྱི་གུང་འདས་པ་ན་བྲམ་ཟེ་ཞེས་བྱ་བའི་ཡུད་ཙམ་མོ། །དེ་ནས་ཉིས་སྐྱེད་ཅེས་བྱ་བའི་ཡུད་ཙམ་མོ། །དེ་ནས་མརྒ་ཞེས་བྱ་བའི་ཡུད་ཙམ་མོ། །དེ་ནས་མུན་
D358.076.0253b01.01འཇིགས་ཞེས་བྱ་བའི་ཡུད་ཙམ་མོ། །དེ་ནས་མེ་ཞེས་བྱ་བའི་ཡུད་ཙམ་མོ། །དེ་ནས་ཉི་མས་གདུངས་པ་ཞེས་བྱ་བའི་ཡུད་ཙམ་མོ། །དེ་ནས་བྱི་བཞིན་ཞེས་བྱ་བའི་ཡུད་ཙམ་མོ། །པད་མའི་སྙིང་པོ་ཡུད་ཙམ་སུམ་ཅུ་པོ་དེ་དག་ནི་ཉིན་ཞག་ཡིན་པར་ཤེས་པར་བྱའོ། །
D358.076.0253b02.01དེ་ཡི་སྐད་ཅིག་ཐང་ཅིག་ཡུད་ཙམ་ནི། ཡུད་ཙམ་སུམ་ཅུའི་ཆ་མཆོག་ཐང་ཅིག་གོ། །ཐང་ཅིག་ཆ་མཆོག་དྲུག་ཆ་སྐད་ཅིག་གོ། །སྐད་ཅིག་ཉི་ཤུ་བརྒྱ་ཆ་དེ་སྐད་ཅིག །ཇི་ལྟར་བུད་མེད་རིང་ཐུང་གིས། །རས་བལ་འདའ་བ་འདྲེན་སྤངས་པ། །འདིར་དེ་སྐད་ཅིག་རིང་པོ་སྟེ། །
D358.076.0253b03.01དེ་ཡི་སྐད་ཅིག་བརྒྱ་ཉི་ཤུ། །སྐད་ཅིག་གཅིག་དེ་དྲུག་ཐང་ཅིག །ཐང་ཅིག་སུམ་ཅུ་ཡུད་ཙམ་ཅིག །དེ་ལྟ་བུ་ཡི་སྦྱོར་བ་ཡིས། །ཡུད་ཙམ་སུམ་ཅུ་ཉིན་ཞག་གཅིག །ཉིན་ཞག་སུམ་ཅུ་ཟླ་གཅིག་སྟེ། །ཟླ་བ་བཅུ་གཉིས་ལོ་གཅིག་གོ། །བཞི་མཐོན་དཀར་དང་
D358.076.0253b04.01འཇམ་བཅས་དང་། །ཉི་སྐྱེས་བཞིན་ལེགས་སྤོང་བྱེད་དང་། །རོ་ཧི་སྟོབས་ལྡན་རྣམ་རྒྱལ་དང་། །ཐམས་ཅད་རོ་པ་ནོར་དང་ནི། །མན་ད་ར་དང་གཞན་འཇིགས་དང་། །དྲག་པོ་དང་ནི་སྐར་མ་སྤྱོད། །ཡང་དག་གཟུང་དང་ད་ལྟར་དང་། །མཐའ་ཡས་དང་ནི་བོང་བུ་དང་། །
D358.076.0253b05.01སྲིན་པོ་ཆ་ཤས་བྲམ་ཟེ་དང་། །ཨརྒ་དང་ནི་སྒྲུབ་པ་དང་། །མེ་དང་མེ་ཡིས་གདུངས་པ་དང་། །བྱི་བཞིན་ཞེས་ནི་བྱ་བ་རྣམས། །ཡུད་ཙམ་རྣམས་ཀྱི་མིང་ཡིན་ནོ། །ཡང་བྲམ་ཟེ་དུས་རྣམས་ཀྱི་འབྱུང་བ་བཤད་པར་བྱ་ཡིས་ཉོན་ཅིག །དུས་རྣམས་ཇི་ལྟར་འགྱུར་བ་ཡང་བརྗོད་
D358.076.0253b06.01པར་བྱའོ། །མིག་འབྱེད་འཛུམས་གཉིས་ལ་ཐང་ཅིག་གཅིག་གོ། །ཐང་ཅིག་བརྒྱད་ལ་མཆོག་དཀའ་གཅིག་གོ། །མཆོག་དཀའ་བཅུ་དྲུག་ལ་ནི་དུས་ཚོད་གཅིག་གོ། །དུས་ཚོད་སུམ་ཅུ་ལ་ཆུ་ཚོད་གཅིག་གོ། །དེ་ལ་ཆུ་ཚོད་གཉིས་ལ་ནི་ཡུད་ཙམ་གཅིག་གོ། །
D358.076.0253b07.01