完整藏文原文 · 德格版页 当前仅加载第 76 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་དགུའི་བདག་པོས་རལ་པ་དང་དཀའ་ཐུབ་བྱས་ཏེ། ནགས་ཀྱི་ནང་ན་འདུག་སྟེ། དབེན་པའི་གནས་སུ་ཡང་དེ་དང་བདག་དགའ་བར་བྱེད་ཅིང་དཀའ་ཐུབ་བྱས་པས་ལྷས་ཟས་མཆོག་བྱིན་ནས་གནས་ཤིང་སྔགས་འདི་བཟླས་སོ། །བཾ་ཉ་ཀ་ཨ་ཏ་སཱ་
D358.076.0250a01.01ཀ་ནྱ་ཨར་ཏ་ཐ་ཕྲ་ཁྲི་ན། འདི་ནི་རྒྱལ་རིགས་ཀྱི་དག་བྱེད་ཀྱི་སྔགས་ཡིན་ཏེ། ཨོཾ་ཙིན་ཏྲ་མ་ཧིད་དྷེ་བེ་ཤ་ཀ་པཾ་ཤ་ཤ་ཏཾ་ཤ་ཏྲ་དཾ་ཤ་དཾ། འདི་ནི་རྗེའུ་རིགས་རྣམས་ཀྱི་དག་བྱེད་ཀྱི་སྔགས་ཡིན་ཏེ། ཨོཾ་ཨ་ཏ་པ་པྲ་ཏ་པ་ཛེ་མེ་དྷ་ཧ་མ། འདི་ནི་དམངས་རིགས་རྣམས་ཀྱི་དག་བྱེད་ཀྱི་
D358.076.0250a02.01སྔགས་ཡིན་ཏེ། ཨོཾ་ཀཱ་མཱ་ཧི། ལོ་ཀེ་པྲ་པ་ར་མམ་ཕ་ཛྭ་ནཾ། དེ་ཤ་མ་ཨ་པྲ་ཧ་ན། ཙ་བྷུ་བཱ་ན་ཏ་ར་ཡ། དེ་ལྟ་བས་ན་ཁྱོད་ཀྱིས་འདོད་པ་རབ་ཏུ་སྤངས་ནས། མཉམ་པ་མེད་པའི་ཚངས་པའི་འཇིག་རྟེན་ཐོབ་བོ། །བྲམ་ཟེ་འདི་ནི་ཚངས་པ་མི་མཇེད་ཀྱི་བདག་པོས་དག་བྱེད་དུ་
D358.076.0250a03.01སྨྲས་པ་ཡིན་ཏེ། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱིས་རྗེས་སུ་ཡི་རང་བར་མཛད་པ་ཡིན་ནོ། །ཀྱེ་ཏྲེ་ཤང་ཀུ་ཁྱོད་ཀྱིས་རྒྱུ་སྐར་གྱི་དབང་རྣམས་བཀླགས་སམ། ཀྱེ་དེ་བཞིན་ཏེ། བདག་གིས་རྒྱུ་སྐར་གྱི་དབང་ཚད་རྣམས་ཁྱོད་ལ་བཤད་ཀྱིས་ཉོན་ཅིག །
D358.076.0250a04.01འདི་ལྟ་སྟེ། སྨིན་དྲུག་དང་། སྣར་མ་དང་། མགོ་དང་། ལག་དང་། ནམ་སོ་དང་། རྒྱལ་དང་། སྐག་དང་། མཆུ་དང་། གྲེ་དང་། དབོ་དང་། མེ་བཞི་དང་། ནག་པ་དང་། ས་རི་དང་། ས་ག་དང་། ལྷ་མཚམས་དང་། སྣྲོན་དང་། སྣྲུམས་དང་། ཆུ་སྟོད་དང་། ཆུ་
D358.076.0250a05.01སྨད་དང་། གྲོ་བཞིན་དང་། བྱི་བཞིན་དང་། མོན་གྲུ་དང་། མོན་གྲེ་དང་། ཁྲུམས་སྟོད་དང་། ཁྲུམས་སྨད་དང་། ནམ་གྲུ་དང་། ཐ་སྐར་དང་། བྲ་ཉེ་རྣམས་ཏེ། ཀྱེ་བྲམ་ཟེ་པད་མའི་སྙིང་པོ་དེ་དག་ནི་རྒྱུ་སྐར་ཉི་ཤུ་རྩ་བརྒྱད་དོ། །དེ་ལ་རྒྱུ་སྐར་ནི་དུ། དབྱིབས་ནི་ཇི་སྙེད་
D358.076.0250a06.01ཡོད། ཡུད་ཙམ་དང་ལྡན་པ་ནི་ཇི་སྙེད། ཟས་ནི་ཅི། རུས་ནི་ཅི། ལྷ་རྣམས་ནི་གང་། ཀྱེ་བྲམ་ཟེ་པད་མའི་སྙིང་པོ་ཅན་སྨིན་དྲུག་ནི་སྐར་མ་དྲུག་སྟེ། དབྱིབས་ནི་སྤུ་གྲི་ལྟ་བུ་སྟེ། ཡུད་ཙམ་སུམ་ཅུའི་ཆ་དང་ལྡན་པའོ། །ཟས་ནི་ཞོའོ། །ལྷ་ནི་མེའོ། །རུས་ནི་རྗེའུ་རིགས་སོ། །
D358.076.0250a07.01