完整藏文原文 · 德格版页 当前仅加载第 76 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུད་ཙམ་གཅིག་གི་ཚད་ཅི་ཙམ་ཞེ་ན། ཆུ་སྲང་བརྒྱ་བུམ་པར་བླུགས་ནས་འཛགས་པའི་ཚད་དོ། །ཆུ་ཚོད་ཀྱི་བུམ་པའི་ཚད་ཅི་ཙམ་ཞེ་ན། འོལ་མ་སེ་གཅིག་གིས་གསེར་སོར་བཞིར་བསྙད་དེ། ཕྱོགས་བཞི་ནས་མཉམ་པར་ཟླུམས་པའི་ཚད་ཀྱི་བུམ་པའི་
D358.076.0254a01.01ཞབས་སུ་བརྟོལ་ནས། ཆུ་ཟད་པ་དེ་ནི་ཆུ་ཚོད་གཅིག་གི་ཚད་དོ། །ཆུ་ཚོད་གཉིས་ནི་ཡུད་ཙམ་གཅིག་གོ། །བྲམ་ཟེ་དེ་ལྟ་བུའི་ཡུད་ཙམ་སུམ་ཅུ་ལ་ནི་ཉིན་ཞག་གཅིག་ཏུ་འདོད་དོ། །མིག་འབྱེད་འཛུམས་བཅུ་དྲུག་ནི་མཆོག་དཀའོ། །མཆོག་དཀའ་བཅུ་དྲུག་ལ་ནི་དུས་ཚོད་
D358.076.0254a02.01གཅིག་གོ། །དུས་ཚོད་དྲུག་ཅུ་ལ་ནི་ཡུད་ཙམ་གཅིག་གོ། །ཡུད་ཙམ་སུམ་ཅུ་ལ་ནི་ཉིན་ཞག་གཅིག་གོ། །ཉིན་ཞག་སུམ་ཅུ་ལ་ཟླ་བ་གཅིག་གོ། །ཟླ་བ་བཅུ་གཉིས་ལ་ནི་ལོ་གཅིག་གོ། །འདིར་མིག་ཕྱེ་བ་དང་བཙུམས་པ་བྱེ་བ་ཕྲག་བཅུ་དྲུག་པ་འབུམ་ཕྲག་ལྔ་བཅུ་རྩ་
D358.076.0254a03.01བརྒྱད་དང་། སྟོང་ཕྲག་བརྒྱད་ཅུ་ལ་ནི་ལོ་སྟེ། ཡང་དེ་ལྟ་བུ་དེ་ནི་རེ་ཞིག་བྲམ་ཟེ་དུས་འབྱུང་བ་བཤད་པ་ཡིན་ནོ། །བྲམ་ཟེ་རྒྱང་གྲགས་དང་དཔག་ཚད་བསྐྱེད་པ་ཉོན་ཅིག །རྡུལ་ཕྲ་རབ་བདུན་ལ་ནི་རྡུལ་ཕྲན་གཅིག་གོ། །རྡུལ་ཕྲན་བདུན་ལ་ནི་མཐོང་བ་ཐམས་ཅད་
D358.076.0254a04.01ལས་ཕྲ་བའི་ཉི་ཟེར་གྱི་རྡུལ་གཅིག་གོ། །ཉི་ཟེར་གྱི་རྡུལ་བདུན་ལ་ནི་རི་བོང་གི་རྡུལ་གཅིག་གོ། །རི་བོང་གི་རྡུལ་བདུན་ལ་ནི་ལུག་རྡུལ་གཅིག་གོ། །ལུག་རྡུལ་བདུན་ལ་ནི་གླང་རྡུལ་གཅིག་གོ། །གླང་རྡུལ་བདུན་ལ་ནི་སྲོ་མ་གཅིག་གོ། །སྲོ་མ་བདུན་ལ་ནི་
D358.076.0254a05.01ཤིག་གཅིག་གོ། །ཤིག་བདུན་ལ་ནི་ནས་གཅིག་གོ། །ནས་བདུན་ལ་ནི་སོར་གཅིག་གོ། །སོར་བཅུ་གཉིས་ལ་ནི་མཐོ་གང་ངོ་། །མཐོ་དོ་ལ་ནི་ཁྲུ་གང་ངོ་། །ཁྲུ་བཞི་ལ་ནི་གཞུ་གང་ངོ་། །གཞུ་སྟོང་ལ་ནི་རྒྱང་གྲགས་གཅིག་གོ། །རྒྱང་གྲགས་བཞི་ལ་
D358.076.0254a06.01ནི་མ་ག་དྷཱའི་དཔག་ཚད་གཅིག་གོ། །དཔག་ཚད་གཅིག་ལ་རྡུལ་ཕྲ་རབ་བྱེ་བ་ཕྲག་འབུམ་ཕྲག་ཉི་ཤུ་རྩ་བཞི་དང་། བྱེ་བ་བརྒྱ་སྟོང་ཕྲག་སུམ་ཅུ་རྩ་དགུ་ཡོད་དེ། ཡང་དེ་ལྟ་བུ་ནི་དཔག་ཚད་དོ། །བྲམ་ཟེ་གསེར་བསྐྱེད་པའི་ཚད་བཤད་པར་བྱ་ཡིས་ཉོན་ཅིག །
D358.076.0254a07.01