完整藏文原文 · 德格版页 当前仅加载第 76 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའོ། །ཐ་སྐར་ལ་ནི་སྐྱེས་པ་དང་། བུད་མེད་དང་། རྟ་སྦྱར་བ་དང་། མེ་ཐབ་བྱ་བ་དང་། རྟ་བསྒྲུབ་པ་དང་། ཤིང་རྟ་བྱ་བ་དང་། བུ་ལོན་བྱ་བ་དང་། ས་བོན་གདབ་པ་དང་། རྟ་དང་གླང་པོ་གདུལ་བ་དང་། གར་བྱ་བ་དང་། སྨན་སྦྱར་བ་དང་། སྨན་གཏང་
D358.076.0264b01.01བར་བཟང་ངོ་། །དེ་ལ་སྐྱེས་པ་ནི་བལྟ་ན་སྡུག་པ་དང་། ཡིད་གཞུངས་པ་དང་། རྒྱལ་པོའི་གནང་ཆེན་ཕུན་སུམ་ཚོགས་པ་དང་། ནད་མེད་པ་ལ་བུ་སྐྱེ་ཞིང་སྐལ་བ་བཟང་པོ་དང་ལྡན་པར་འགྱུར་རོ། །ཆར་ལེགས་པར་འབབ་ཅིང་སྟོར་བ་རྙེད་པར་བསྟན་ཏོ། །ཐ་སྐར་གྱི་
D358.076.0264b02.01བྱ་བའོ། །བྲ་ཉེ་ལ་ནི་སྐར་མ་གསུམ་ཡོད་པས། དྲག་པོའི་ལས་བྱ་བ་དང་། བྲན་དང་གླ་པ་བསྐོ་བ་དང་། གླ་པ་བཙལ་བ་དང་། ཆུང་མ་བླང་བར་བཟང་ངོ་། །དེ་ལ་སྐྱེས་པ་ནི་ཐབ་ཀྲོལ་དང་། བསླུས་པ་བྱེད་པ་དང་། གྱ་གྱུ་ཅན་དང་། {བརྫུན་,རྫུན་}ཆེ་བ་དང་། བློ་རྣོ་བ་
D358.076.0264b03.01དང་། སྡིག་པ་སྤྱོད་པ་དང་། གཙང་སྨེ་ཆུང་བར་འགྱུར་རོ། །དེ་ལ་སྣད་པ་དང་། ནད་ཀྱིས་བཏབ་པ་སྡུག་བསྔལ་བར་འགྱུར་རོ། །འགྲོ་བ་སྤང་བར་བྱའོ། །དེ་ལ་ཆར་ངེས་པར་འབབ་པ་དེ་ལྟར་དྲང་སྲོང་ཆེན་པོ་རྣམས་ཀྱིས་བསྟན་ཏོ། །རྒྱུ་སྐར་དེའི་ལྷ་གཤིན་རྗེ་
D358.076.0264b04.01ཡིན་པས་ཤི་བའི་ཕྱིར་ཟས་སྦྱིན་ནོ། །དེ་ལ་སྐྱེས་པ་ནི་ཚུལ་ཁྲིམས་ཉམས་ཤིང་བླ་མ་ལ་གནོད་པ་དང་། ཕ་རོལ་ལ་གནོད་པ་བྱེད་པ་དང་། བརྐམ་ཆགས་ཆེ་བ་དང་། ཕ་རོལ་ལ་དགྲ་བྱེད་པར་འགྱུར་ཏེ། བྲ་ཉེའི་བྱ་བའོ། །སྨིན་དྲུག་ལ་སོགས་པའི་རྒྱུ་སྐར་བདུན་དང་།
D358.076.0264b05.01བྲ་ཉེའི་བར་འདི་དག་ལས་འདི་ནི་བསྡུ་བར་བྱ་སྟེ། དེ་དག་གི་ནང་ནས་གང་དག་འབྲུ་ཐམས་ཅད་དང་། སྨན་ཐམས་ཅད་ཕུན་སུམ་ཚོགས་པ་ལ་གནོད་པར་བྱེད་པའི་གཟའ་གནས་པས་བསྲུང་བར་བྱའོ། །གཞན་ཡང་རྒྱུ་སྐར་རྣམས་ཀྱི་མིང་གི་ལེའུ་བཤད་པར་བྱ་
D358.076.0264b06.01སྟེ། ཀྱེ་པད་མའི་སྙིང་པོ་འདི་ལྟ་སྟེ། རྒྱུ་སྐར་བཞི་པོ་འདི་དག་ནི་བདེ་བར་བྱེད་པ་སྟེ། སྨད་གསུམ་དང་སྣར་མའོ། །དེ་བྲམ་ཟེ་གནས་པར་བྱེད་པ་སྟེ། དེ་ལ་གནས་བྱ་བ་དང་། རྒྱལ་པོ་དབང་བསྐུར་བ་དང་། གང་སོ་སོར་བསྟན་པའི་ལས་རྣམས་བྱ་བར་བཟང་ཞིང་གཞན་
D358.076.0264b07.01